Untitled 1
     
  بوابة المجدوعي الرقمية
 
     
   

 
العودة   منتدى السيارات الكورية > الأقسام المسانده > قسم الصيانة الذاتية والاهتمام بالسيارة
 
قسم الصيانة الذاتية والاهتمام بالسيارة قسم مخصص للاهتمام بمجسم السيارة الخارجي والعمل الذاتي لصيانة السيارة وكذلك المعلومات الفنية

إضافة رد
 
LinkBack أدوات الموضوع انواع عرض الموضوع
قديم 12-08-2010, 10:42 PM   #1
عضو فضي
 
الصورة الرمزية B a S e M
افتراضي حصريا .. تركيب زينون ع السوناتا بالصور

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

كيف حالك إن شاء الله دائما بخير ؟


ومبارك عليكم الشهر



قبل فتره مسكت معي الا اركب زينون ع السوناتا لمده ماتزيد عن اسبوع - اسبوعين بالكثير

كلمت واحد من الشباب عنده النترا 2006 وفاك الزينون من سيارته من فتره قلت خلني بأخذه منه دام الشمعات نفس المقاس

واخذت المحلاوت والشمعات والكتاوت وقلت بركبه بالبيت ، وبحثت بالنت طريقه التركيب وماحصلت احد يشرح بالتفصيل الممل ، اغلبهم يصور المحول وهو راكب

<< طيب كيف اوصل الكهرب ، قفلت جهازي وانقز لكهربائي قريب من البيت وقلت له ابي اركب الزينون ، قال 40 ريال قلت بأعطيك 30 ريال قال 35 قلت له انا لو اعرف الطريقه

ماجيتك وانا اعرف اسعار التركيب وانت مأخذ زياده ، قال توكلنا على الله ، وانشب له الى ان عرفت كيف الطريقه وطلعت الطريقه سهله جدا


-----------------

اسف ع الاطاله ونبدا بسم الله


طبعا مقاس الشمعات H7



هذا شرح الاسلاك بالتفاصيل ، علما بأن الكتاوت خاص بشمعات H7 وهذا الي سهل الطريقه وبدون تجريح


السالب - الموجب ؟ هذي الاسلاك تركب ع البطاريه

وفيه طريقه ثانيه وهي تركب الموجب بالبطاريه والسالب في الرفرف او غيره


سلك الكتاوت نهايته تركب بالمحولات + فيش الوكاله


اسلاك الشمعات تركب في المحولات وتركيبها سهل




هذي صوره ثانيه اوضح واقل زحمه :d


-----------------



اول شي تفك الفيش الي بالاصطب عشان تأخذ راحتك ومايضيق عليك

وتفك الغطاء حق الاصطب وتطلع شمعه الوكاله وتركب شمعه الزينون محلها


---------------




بعد فك غطاء الاصطب

الي في الدائره الفيش حق الاصطب


اما الفيش الاصفر هذا الفيش الي يتركب فيه فيش الكتاوت الاحمر زي ماشرحته بالصوره الاولى


--------------



صوره اقرب للفيش حق شمعه الوكاله


------------




الحين توصل الاسلاك في البطاريه زي ماهو مشروح بالصوره

-------------------




صوره بعد تركيب الموجب

--------------





تركيب السالب


----------------





الحين نفك البلاستيك الي فوق الشبك وموضح محل المسامير

عشان نسحب سلك الكتاوت من تحت الشبك ;)


---------------





بعد فك البلاستيك نسحب سلك الكتاوت ونحاول نسحبه من عند السهم الاحمر ونربطه في قاعده البوري عشان لا يذوب

من حراره الرديتر ونطلعه من الجهه الثانيه بنفس الطريقه

-----------





سحبنا اسلاك الكتاوت ووصلنها مع المحول


------------




طبعا لازم نخرم الغطا حق الاصطب عشان مايدخل الغبار مع الاصطب ويخرب شكله

ويخرمه بالادريل ، وبعدها ندخل اسلاك الشمعات ونضبط جلده الشمعه بحيث تقفل الفتحه

انا عندي الاغطيه من زمان ايام حادثي فكيت الاغطيه ورميت الاصطب :p


----------------



هذي جلده الشمعه ونقفل فتحه الغطاء


----------




صوره توضيحيه لتشبيك الاسلاك وتركيب جلده الشمعه


طبعا فيه غلط في الصوره ( فيش الشمعه ) هذا بالاساس للمحول وتتركب اسلاك الشمعه فيه


-------------




نرجع للجهه الثانيه ( يسار من جهه السواق) ونوصل سلك الكتاوت بالسلك الشمعه

ونركب الجلده حق الشمعه نفس الصور الي فوق ونقفل الغطاء

ونوصل الاسلاك في المحول بنفس الطريقه الموضحه


واستمتع بالزينون ;)


-------------

وبعدها نثبت المحولات في مكان بعيد عن المويه + الكتاوت نفسه يلف بتيب ونحاول نثبته بأي مكان بعيد عن المويه


طبعا انا ركبته يوم الاثنين وفكيته يوم الثلاثاء الساعه 12 بالليل ، << مو الاسبوع هذا :d
لانه سبب لي مشاكل اول مااشغل السياره واشغل الزينون يرتفع عندي امبير الضغط الى 2 او 3 ويرجع طبيعي ، وكمان كنت راجع من الخبر ومشغله وبعد فتره طفيته وقعدت ع الكشافات ودخلت الهاي وي وشغلته وطفت السياره وولعت لمبه المكينه حاولت اشغل السياره مااشتغلت ، رحت وفصلت السلك الي ع البطاريه واشغل ومااشتغلت وبعد يمكن دقيقتين جربت اشتغلت ومشيت وكانت لمبه المكينه شغاله والسياره مكتومه ادعس الدعسه كامله ماتمشي اخفف الدعسه تمشي بس ببطى واول ماوصلت البيت فكيت الزينون ونطلته بالشنطه



واعذروني على تأخير الموضوع بس كنت مسافر ومشغول والنت مايشتغل

الا بعد حب الخشوم ومايطول بعد فتره يطفي << حسبي الله على الاتصالات



رجاءاً عند النقل ذكر المصدر ،،


اي استفسار انا بالخدمه



مع التحيه



التوقيع :

 


التعديل الأخير تم بواسطة VECTOR ; 27-09-2010 الساعة 05:52 PM
  رد مع اقتباس
قديم 12-08-2010, 10:58 PM   #2
عضو مشارك
 
الصورة الرمزية سوناتا2011
افتراضي

ماشاءالله
الله يباركلك بازنون

الله الله لاوصيك اعم عيون الناس:d

مشكووووووووووووووور
التوقيع :

ارجو عدم ازالة الحقوق


شبااااب تكفون ادعولي اشتري سوناتا2011 فل كامل تكفووووون

 

  رد مع اقتباس
قديم 12-08-2010, 11:00 PM   #3
عضو فضي
 
الصورة الرمزية B a S e M
افتراضي

^ ^ ^

الله يبارك بعمرك


ابشرك الزينون فكيته اليوم الثاني ;)



مشكور ع المرور والله يرزقك سوناتا 2011 فل الفل
التوقيع :

 

  رد مع اقتباس
قديم 12-08-2010, 11:01 PM   #4
( أبو فهد سابقاً )
 
الصورة الرمزية Abdullah AL-ghamdi
افتراضي

يعطيك العافية ياباسم

شرح كافي وواففي ونفس الطريقة اللي انا مسويها بس انا مركبه بدون كت اوت

واحلى تقييم

:)
التوقيع :

 

  رد مع اقتباس
قديم 12-08-2010, 11:07 PM   #5
عضو فضي
 
الصورة الرمزية B a S e M
افتراضي

اقتباس:
المشاركة الأصلية كتبت بواسطة أبـــو فهد مشاهدة المشاركة
يعطيك العافية ياباسم

شرح كافي وواففي ونفس الطريقة اللي انا مسويها بس انا مركبه بدون كت اوت

واحلى تقييم

:)

الله يعافيك يبو عاابد


طيب ليش سيارتي ماضبط عليها الزينون رغم اني مركب كتاوت ؟


مشكوور ع التقييم
التوقيع :

 

  رد مع اقتباس
قديم 12-08-2010, 11:22 PM   #6
( أبو فهد سابقاً )
 
الصورة الرمزية Abdullah AL-ghamdi
افتراضي

والله ما ادري

انا كنت مركب في الكشافات اجهزة بوش صينيه مع كت اوت

وفي الواطي اجهزه هيلا صينية

وكانت السيارة تمام

بعدين ركبت اجهزة البوش في الواطي لان اضاءتها اقوى من الهيلا وصارت السيارة تطفي

:(

ورجعت الهيلا ورجعت تمام

البوش اصينية اضاءتها قوية لاكن تسحب كهرب قويه بداية تشغيلها وتنطفي السيارة لان فيها نظام حماية

احتمال اجهزة خويك قوية

بس المفروض ماتطفي لانك مركب كت اوت

التوقيع :

 

  رد مع اقتباس
قديم 12-08-2010, 11:48 PM   #7
عضو فضي
 
الصورة الرمزية B a S e M
افتراضي

^ ^ ^

الاجهزه صيني صيني لانها بـ 120 ريال :d


المهم اذا بركب بشوف يالمجدوعي او الناغي
التوقيع :

 

  رد مع اقتباس
قديم 13-08-2010, 12:07 AM   #8
عضو مميز
 
الصورة الرمزية SoSo 2009
افتراضي

ماشاء الله عليك ياباسم .. شغل ومجهود كبير .

شوف اخوي باسم .. انا ممكن اساعدك بشغله وانت وحضك
:d
شفت الكتاوت هذا اللي بالصوره .؟ شيله وانطله .. وركب (ريلي)
وان شاء الله ماراح يصير شيء بالسياره . طبعا الريلي عملة افضل من الكت اوت
شوف لك ريلي مقاسه ونوع ممتاز ومناسب لكهرباء الزينون
او اسئل عند كهربائ فنان عن الريلي مع الزينون
هذه الطريقه انا سويتها على كشافات غازيه على الهايلوكس
وعال العال


شفت هذا اللي بالصوره الاسود المربوط بالبدي

على اليمن فوق هذا ريلي اظنه
للكشافات او الانوار .. تتبعه وشوف موصل
على ايش ؟؟





طبعا السياره لما تطفى .. فهذا نظام حماية لدائرة الكهرباء
عن طريق الكمبيوتر . فااكيد ان الكت اوت ماقام بعملة المطلوب

انا انصحك تركبه عند المجدوعي
بصراحه نورهم انا شفته جيد جدا وسعره تقريبا 1120 ريال
ومحولاته كوريه الصنع . مر عليهم دامك قريب منهم
واذا لك نية تركبه خبرني لان لو اعجبني منظره بركبه ان شاء الله

مشكور ياباسم وتستاهل التقييم على الموضوع .
التوقيع :

شرفت بـ إنضمامكـ ياغير مسجل في منتدى السيارات الكورية

 


التعديل الأخير تم بواسطة SoSo 2009 ; 13-08-2010 الساعة 12:12 AM
  رد مع اقتباس
قديم 13-08-2010, 01:04 AM   #9
مشرف
افتراضي

ماشاء الله عليك ياباسم موضوع كامل
وان شاء الله الشباب يعيدون يركبون الزينون بانفسهم ولا حاجه للكهربائيين النصابين
لان الشغله تافهه بصراحه :)
التوقيع :

 

  رد مع اقتباس
قديم 13-08-2010, 02:30 AM   #10
مشرف قسم الصيانة الذاتية
 
الصورة الرمزية VECTOR
افتراضي

يعطيك الف الف عافيه

موضوع رائع ويستاهل التثبيت والتقييم;)


ابغاك تجرب شي شفت التمران يسويه

ابيك تجرح السالب حق المحول وتشبكه بسلك الى البدي

ركبت زينون عندهم باكثر من سياره وماسوى هالحركه الا مع السوناتا

دامها بـ120:d جرب منت خسران وركبه هالمره بدون كتاوت
التوقيع :


 

  رد مع اقتباس
قديم 13-08-2010, 03:48 AM   #11
عضو فضي
 
الصورة الرمزية B a S e M
افتراضي

اقتباس:
المشاركة الأصلية كتبت بواسطة SoSo 2009 مشاهدة المشاركة
ماشاء الله عليك ياباسم .. شغل ومجهود كبير .


شوف اخوي باسم .. انا ممكن اساعدك بشغله وانت وحضك :d
شفت الكتاوت هذا اللي بالصوره .؟ شيله وانطله .. وركب (ريلي)
وان شاء الله ماراح يصير شيء بالسياره . طبعا الريلي عملة افضل من الكت اوت
شوف لك ريلي مقاسه ونوع ممتاز ومناسب لكهرباء الزينون
او اسئل عند كهربائ فنان عن الريلي مع الزينون
هذه الطريقه انا سويتها على كشافات غازيه على الهايلوكس
وعال العال


شفت هذا اللي بالصوره الاسود المربوط بالبدي
على اليمن فوق هذا ريلي اظنه
للكشافات او الانوار .. تتبعه وشوف موصل
على ايش ؟؟








طبعا السياره لما تطفى .. فهذا نظام حماية لدائرة الكهرباء


عن طريق الكمبيوتر . فااكيد ان الكت اوت ماقام بعملة المطلوب



انا انصحك تركبه عند المجدوعي


بصراحه نورهم انا شفته جيد جدا وسعره تقريبا 1120 ريال


ومحولاته كوريه الصنع . مر عليهم دامك قريب منهم


واذا لك نية تركبه خبرني لان لو اعجبني منظره بركبه ان شاء الله



مشكور ياباسم وتستاهل التقييم على الموضوع .








الله يعطيك العافيه ع التقييم

تصدق اول مره اسمع عن الريلي هذا !!!


بروح شوف لي كهربائي فنان واساله وبشوف وش بيقول

سمعت ان فيه كهربائي زين بعد وكاله تويوتا يمين وتحصله بالزاويه << شارع الملك سعود



اما زينون الوكاله مركبه ان شاء الله بس الى ان تتيسر اموري




اقتباس:
المشاركة الأصلية كتبت بواسطة ابــو امــل مشاهدة المشاركة
ماشاء الله عليك ياباسم موضوع كامل
وان شاء الله الشباب يعيدون يركبون الزينون بانفسهم ولا حاجه للكهربائيين النصابين
لان الشغله تافهه بصراحه :)

الشغله ماتأخذ وقت وشغله تاافه واي واحد عنده العده اللزمه يوفر على

نفسه حق الشغل ويستفيد خبره


منور اخوي ابو امل



اقتباس:
المشاركة الأصلية كتبت بواسطة vector مشاهدة المشاركة
يعطيك الف الف عافيه

موضوع رائع ويستاهل التثبيت والتقييم;)


ابغاك تجرب شي شفت التمران يسويه

ابيك تجرح السالب حق المحول وتشبكه بسلك الى البدي

ركبت زينون عندهم باكثر من سياره وماسوى هالحركه الا مع السوناتا

دامها بـ120:d جرب منت خسران وركبه هالمره بدون كتاوت


ربي يعافيك اخوي عبدالكريم


شوف انا مااعرف اركبه الا بالكتاوت غير كذا بجيب العيد :d


بس تصدق نور الوكاله اصرف من الزينون وافضل بالخط


مشكور ع التقييم والتثبيت
التوقيع :

 

  رد مع اقتباس
قديم 13-08-2010, 05:15 AM   #12
عضو مميز
 
الصورة الرمزية SoSo 2009
افتراضي

هلا بك ..
الريلي منظم ممتاز .. وتقريبا قوته 40 امبير لانوار الزينون المعروفه .. وهو وظيفته
انه يسحب الكهرباء من الدينمو او البطاريه بشكل منتظم دون تأثير على الدائره الكهربائيه
وبنفس الوقت يمد بكهرباء منتظمة بحيث لاتزيد او تقصر فتسبب مشكله
المهم ..
نور الوكاله افضل بنظري في الخط .. والزينون مداه قريب ورؤيه باهته نوعا ما
انت لارحت الوكالة خبرني بللي يصير معك .. لاني احتمال اركب زينون عندهم
من شان خبرتهم بالسوناتا وضمان بنفس الوقت . ;)
التوقيع :

شرفت بـ إنضمامكـ ياغير مسجل في منتدى السيارات الكورية

 

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
حصريا ... تركيب زينون + تنجيد المراتب والكثير الكثير ...+ مفاجأة (( لايفوتكم التقرير AbU TaRiQ قسم الاكسسوارات والسيارات المعدلة 72 09-09-2010 04:20 AM
تركيب شمعات زينون في السكن ٌ ZiiR قسم استفسارات سيارات هيونداي 14 20-07-2010 01:00 AM
(حصريا) تقرير تركيب شاشة + زينون + إصطبات خلفية " لا يفــــــــوتكـ .. " :) Abo-Fhad قسم الاكسسوارات والسيارات المعدلة 107 30-05-2010 10:51 PM
تم تركيب زينون k 4300 K 1401 قسم الاكسسوارات والسيارات المعدلة 8 14-05-2010 04:40 PM
استفسار: تركيب زينون في السوناتا 2010 الهاشمي قسم استفسارات سيارات هيونداي 18 09-10-2009 12:18 AM

 


Powered by vBulletin ® Copyright © 2000 - 2014
Ads Management Version 3.0.1 by Saeed Al-Atwi
جميع الحقوق محفوظة لـ منتدى السيارات الكورية
الساعة الآن 10:57 AM.