منتدى السيارات الكورية

منتدى السيارات الكورية (http://www.koreanbeast.com/)
-   جينيسس (http://www.koreanbeast.com/f48/)
-   -   سواليف ملاك وعشاق الجينيسيس (http://www.koreanbeast.com/koreanbeast60697)

أبو سعود 04-06-2014 04:41 PM

سواليف ملاك وعشاق الجينيسيس
 
السلام عليكم ورحمة الله وبركاته

لاحظت كثرة السواليف عن السيارة بالمنتدى والآراء المختلفة

وعشان ماتصير لخبطة في موضوع الاستفسارات أو موضوع الايجابيات والسلبيات

قررت أفتح هالموضوع لطرح أي أمور تخص الجينيسيس وبدون أي حدود

عدا التجاوز الغير محمود ( لاسمح الله )

وسلامتكم

Genesis 2015 05-06-2014 07:45 PM

وعليكم السلام ؛ كيفك يابو سعود ؟

حلو الموضوع ؛ يلا انا بسولف ؛

ياخييي منقهر من خاصية التشغيل عن بعد ! ليش ماهي عندنا ؛ بس في سوق امريكا و كوريا ؛ هذا ان دل على شيء ؛ يدل على عدم اهتمام الصانع الكوري بالسوق السعودي:(

يعني معقوله سيارة فيها كل هذي المواصفات اخر شي مافيه تشغيل عن بعد ؛ حتى الافلوون فيها ؛ النسخه الخليجية ؛

همـ الطيب ـس 05-06-2014 08:10 PM

فعلا كلامك صحيح شي يقهر بجد ويغبن ..

لكن ودي اعرف هل مراقبه ضغط الاطارات يوضح كل كفر ولا مثل النظام القديم بس يعطيك انه فيه كفر منسم وانت عليك مرحله البحث ..

اما النظام الجديد مثل الموجود في الكرايسلر يوضح كل كفر ..

ثاني هل موجود نظام مثل الالتيما .. الا وهيا انك تقدر تخرج من السياره وتقفل الباب بالبصمه والسياره لازالت شغاله ؟

hmoz 06-06-2014 01:17 PM

^^^

بخصوص انك تخرج من السياره وتقفلها وهي شغاله مافيه الخاصيه ذي في الاستاندر
مدري اذا الفئات الي بعدها موجود ام لا

أبو سعود 06-06-2014 02:37 PM

كل السيارات فيها مواصفات مختلفة ولو جمعناها كلها بسيارة وحدة أكيد بتعجبنا وفي نفس الوقت الشركة المصنعه مو خسرانه شي

لكن هل برأيكم انهم مو قادرين ؟؟؟

أكيد لا ، وأكيد هي سياسة تسويق وقد تكون اتفاقيات وأمور حنا مانعلم عنها

من الأشياء اللي أتمناها بالسيارة ( ميزة إغلاق القزاز وفتحة السقف ) بعد إيقاف تشغيل السيارة وهالحركة غالباً تحصل لي


ولكن حنا كبشر نطمع بكل ، وماكل ما يتمناه المرء يدركه :)

Genesis 2015 06-06-2014 04:43 PM

هلا ابو سعود ؛

لا يالغلا ؛ انا مو قاعد اتكلم عن خاصية غير مدركه ؛ بالعكس هذي الخاصيه موجوده في نفس السيارة ؛ لكن هنا لا ؛

ولا الستاير الخلفية الجانبية مثلا : موجودا في الازيرا ؛ اللي هي اقل من الجينيسيس ؛

وفعلا ماهي مكلفة عليهم ابد ! ولا اتوقع انهم بيسوقون الازيرا ع حساب الجينيسيس في الستائر مثلا ؛

~ AZER ~ 07-06-2014 07:56 PM

طيب الي بيدفع كاش ..

هل الممكن استيراد الجينيسس من كوريا :joorri_ (206):

السعر ماهو بعيد اكيد والشحن حول ٥ الاف يكلف تقريباً

Genesis 2015 12-06-2014 10:06 AM

ازير ؛ السعر ف كوريا فوووق فوووق ؛ شي خياللي ترا ^

~~ امس كونت ماشي في الدمام ومريت وكالة هيونداي اللي عند اشارة جرير ؛ معرض صغير مقارنه بالبرج اللي بمدخل الدمام ؛ الموهم كونت ابغى اوري اخوي السيارة ؛

والله وحصلنا جينيسيس فئة بلاتينوم ؛ اللي ب ١٧٤٩٠٠ ؛ لونها اسود ؛ والمواصفات كاتبين ١٤ سماعة ؛ وواضح ممسوحة الكلمة اللي بعدها (( يعني حاذفين ماركه ليكيسكون يدويا ))

واللي لاحظته ان السبارة مركبها مايختلف ابدا عن الفل ؛ الجلد الداخلي معقول جدا ؛ السقف عادي مو شيمواه ؛ ومايفرق ابد ؛ اللون الداخي كان بيج ؛

الفرق اللي تحسه ان الشاشة اصغر شوي ؛ وطبعا الماوس مو موجود بالأمام ؛ وسالت الموظف عن سعرها قالي ١٧٤٩٠٠ ماينزل ولا ريال مستحيل ؛ طبعا مع نفسه لان بالمعرض الرئيسي قالي اجيبها لك ب ١٦٨ ؛ وبالموضوع المثبت لاخونا لطيف مدير المعرض جاب له سعر اقل ؛

طبعا انا اكثر نقطه كنت متخوف منها ان الفئة هذي يكون الجلد حقها خايس ؛ لكن حمدلله طلع اوكيه ؛

Amer_ 20-06-2014 11:44 AM

أنا أتوقع إنقاص أشياء لها مغزى تسويقي

يعني مثلا الستائر الجانبية و حتى تبريد المراتب الخلفيه في النص فل يقومون ينزلونها في الدفعات الأخيرة او تنزل كموديل جديد بإضافات جديده
و أتوقعها راح تجي لنا مثل الازيرا اول منزلوها كانت ناقصه كثير اما الآن نزول كل المواصفات فيها خاصه الفئه النادرة الي فيها اضائه بانورامية داخل مع مساج

كل هذي تعتبر خطه تسويقية اما لو نزلو كل حاجه من الآن ماراح يصير تغيير في السياره او إضافات مده ٥ سنوات و راح يصيب مبيعاتها ركود

SooMa 3Gs 21-06-2014 05:36 AM

انا بشطح عن هرجتكم شوي:)

عندي تبريد المقاعد تبع السائق توقف عن العمل ) لا تبريد ولا تسخين ( فجأة المشكلة قبلها بساعتين كان شغال زي العسل

وحاليا لمن اشغل السيارة واشغل التبريد او التسخين يشتغل حق ثانية ) ويمكن ما يكمل الثانية ( يرجع يطفي بعد كدا لا يشتغل لا ثانية ولا جزء من الثانية الا اذا طفيت السيارة ورجعت شغلتها

شيكت على كل شئ بس باقي افك الكرسي واقلبه واشوف ايش فيه تحت <<< بسويها قريبا قبل ادخلها الوكالة

بس بسألكم محد واجهته المشكلة دي او عندكم علم عنها :(

عاشق الجنسس 19-07-2014 06:51 AM

يا عيياااال

عاشق الجنسس 19-07-2014 06:52 AM

والله احترت في النص فل بعضها يجي خشب وجلدوجملي طبيعي وبعضها بيج وش السالفه واي وكيل يبيعها كذا


الساعة الآن 01:31 AM.

Powered by vBulletin ® Copyright © 2000 - 2018
جميع الحقوق محفوظة لـ منتدى السيارات الكورية