العودة   منتدى السيارات الكورية > المنتديات الرئيسية > قسم السيارات غير الكورية

قسم السيارات غير الكورية مدرج جميع السيارات غير هيونداي وكيا

موضوع مغلق
 
LinkBack أدوات الموضوع انواع عرض الموضوع
قديم 20-12-2010, 02:46 PM   #1
عضو مشارك
 
الصورة الرمزية ماجد جلال
 
تاريخ التسجيل: Feb 2010
المشاركات: 496
معدل تقييم المستوى: 20
ماجد جلال will become famous soon enough
Thumbs up اقوى وحوش سباقات الشوارع والدراق والتسارع عالميا

السلام عليكم ورحمة الله وبركاته..

شخباركم شباب عساكم طيبين..

موضوع اليوم موضوع عن السرعه المطلقه واهم شي في الموضوع ان المواتر الموجوده كلها مواتر شارع (ستريتابل مثل ما يقولون).. ومع ذلك الارقام الي بتشوفونها سواء في الدراق لبعض المواتر او التسارع ارقام مرعبه بمعنى الكلمه..

قبل لا ندخل في الموضوع حبيت اوضح كمن نقطه..

الموضوع من انشائي وتجميعي.. ومبني على اساس معلومات مذكوره في مواقع مختلفه.. وبالتالي الاخطاء وارده.. وقد اكون سهيت عن موتر معين حقق ارقام افضل في الستاندنق مايل فاتمنى منكم تصحيحي وذكر معلومات الموتر..

ارقام الستاندنق مايل لعبت دور كبير في اختبار المواتر.. لان الربع ميل مقياس لتسارع الموتر ولكن بما ان الستاندنق مايل يمتد لمسافة ميل كامل فيعتبر مقياس اقوى واشد ويضع الموتر تحت اختبار قوى يبين مدى قدرة تحمل الموتر والاستمراريه في اداءه القوي.. وهالاختبار يحتاج لعوامل عديده منها ضبط نسب القير والايروداينامكس والقوه والوزن وغيرها من العوامل..

الموضوع يتكلم عن المواتر الملغمه او المعدله ولكنها مش مواتر دراق.. بمعنى انها تمشي في الشارع بشكل عادي.. طبعا مش استخدام يومي ولكن خيار التمشي فيها موجود.. معظم هالمواتر فيها مكيف وكراسيها وكاله وقيرها عادي (قير وكاله) وحتى الشكل الخارجي قريب من الستوك ما عدا الرنقات ولكن من الداخل (المكينه) الكلام مختلف ..

تم اختيار اسرع موتر من كل دوله من كبار مصنعين السيارات.. وبالتالي بتشوفون ممثل لأمريكا وممثل لالمانيا وممثل لايطاليا وممثل لليابان..

وكل التفاصيل المذكوره هي للوقت الحالي.. احتمال يطلع موتر اقوى في المستقبل وارد او ان احد المواتر المذكوره يحقق رقم افضل..

معلومات كل موتر بتنذكر وفي النهايه اختيار الافضل يرجع لكم.. والموتر الي بتختارونه بيفور بلقب ((ملك سيارات التلغيم والتسارع))

اتمنى الموضوع يعجبكم..

قبل البدء بالوحوش قلت احط ارقام موتر سريع جدا ومعروف على الساحه بانه من اقوى واسرع المواتر الستوك الا وهو البوقاتي فيرون.. ذكر هالارقام فقط لتقريب الصوره وتوضيح الفرق بين السريع والاسرع





ارقام البوقاتي معروفه.. ولكن هالارقام حطتها الشركه وعند تجربة الموتر على الفي بوكس في الواقع كانت الارقام غير بفرق بسيط..

ارقام البوقاتي على ارض الواقع هي:

0 – 100 كم/الساعه : 2.7 وفي بعض التجارب 3 ثواني..
0 – 200 كم/الساعه : 8.9 ثواني..
0 – 300 كم/الساعه: 19.8 ثواني..
معلومات الربع ميل: 10.2 – 10.4 ثواني والتراب سبيد 139.9 – 142 ميل/الساعه (225 – 228 كم/الساعه)..
رقم الستاندنق مايل (التسارع في مسافة ميل واحد من الثبوت): 205 ميل/الساعه (330 كم/الساعه)..


وبعد ذكر معلومات البوقاتي فيرون ندخل في الموضوع الرئيسي ونبدأ بالمواتر المتوحشه..

1. ممثل امريكا (شفروليه كورفت)..

المواتر الامريكيه معروفه بقوتها وكبر حجم مكاينها وبالتالي فهي ند صعب للجميع..

المثلث الامريكي الناري (الفايبر + الكورفت + الفورد جي تي) حيروني وماعرفت اي موتر اختار من بينهم.. ولكن في النهايه اخترت الكورفت لأسباب كثيره..

الفايبر له ارقام كثيره في الستاندنق مايل اقوى رقم كان لفايبر SVS (1750 حصان في الويل) وكان الرقم 231 ميل/الساعه في ماكستن مايل.. ولكن للأسف الموتر مب ستريتابل وبالتالي خالف شروط الموضوع..

ثاني افضل رقم للفايبر بشكل عام هو 228 ميل/الساعه وهالرقم موجود في سجلات موقع تكساس مايل ولكن للأسف ما حصلت تفاصيل الموتر وبالتالي ما قدرت اعتمد الرقم لاني مب متأكد اذا الموتر ستريتابل او لا.. وعموما صعوبات كثيره تواجه الفايبر عند محاولة تحطيم رقم ال231 ميل/الساعه وكان من الصعب تخطي هالرقم.. ولكن الفايبر له ارقام قويه جدا في الدراق..

الفورد جي تي له رقم قوي وهو 226 ميل/الساعه وتم تحقيق هالرقم في تكساس مايل.. ولكن المقطع الوحيد للموتر يثبت انه حقق 221 ميل/الساعه ومافيه معلومات كثيره عن الموتر لمعرفة تفاصيله.. وافضل رقم حققه هو نفس رقم الكورفت..

وبالتالي اخترت الكورفت لهالموضوع..

سبب اختياري للكورفت هو كورفت لنقنفلتر..

احد تعديلات هالشركه العريقه والمعروفه في مجال تعديل الكورفت هي اضافة كت تون تيربو على الكورفت Z06..

سعة المحرك 7 لترات والقوه الناتجه رهيبه بمعني الكلمه.. 1100 حصان في الويل على بترول عادي و1300 حصان على ريس فيول وبوست 23 PSI (1.6 بار)..

التعديل طبعا يشمل نظام التعليق والمكينه بالكامل.. من بساتن الى رودات الى كرانك شافت.. والقير بعد معدل لكنه قير الوكاله..

تجربة الستاندنق مايل كانت على برمجة بترول المحطه (1100 حصان في الويل) والارقام غير طبيعيه..

الموتر في افضل تجاربه قطع الميل بسرعة 226 ميل/الساعه (364 كم/الساعه) وبزمن 25.12 ثانيه.. والموتر قادر على التسارع من 0 – 200 كم/الساعه في 18.34 ثانيه وكل هالارقام على بمب فيول او بترول المحطه..!!

التحربه كانت باستخدام تواير ميشيلان Pilot Sport PS2 ورنقات HRE 840R والموتر كامل مب مخفف..

الموتر فيه ارقام افضل طبعا..

اترككم مع بعض الصور..















وهذا مقطع لتجربة الستاندنق مايل.. شوفوا نهاية المقطع (التصوير من داخل الموتر)..








والحين ننتقل للموتر الثاني..

2. ممثل المانيا (بورش 911 تيربو)..

مواتر بورش معروفه بقوتها وعمليتها.. وبعد التلغيم يتحول الموتر المسالم الى وحش كاسر..

احد اقوى مواتر بورش المعدله تم تعديلها في شركة إفولوشن موتورسبورت ويرمز للموتر بGTXXX..

الGTXXX مبني على ال996 (الجيل السابق من ال911 تيربو)..

للأسف ماحصلت وايد معلومات عن هالموتر.. ولكن معظم الظن المكينه معدله بالكامل لزيادة تحملها والقير 6 نسب قير الوكاله لكن اعتقد انهم معدلين الكلجات وبعد القطع في القير علشان يتحمل القوه..

وزن الموتر كامل من الداخل وما شلو اي شي من داخلية الموتر.. وحتى الايروداينمكس او الانسيابيه نفس الوكاله..

قوة الموتر 1000 حصان في الكرانك (912 حصان في الويل وهذا الداينو الي في المقطع وفي داينو ثاني جاب 919 حصان).. محولين الموتر دفع خلفي (اعتقد انهم شالين الكرونه الاماميه لانهم يقولون ان وزن الموتر 1450 كيلو (47 كيلو اقل من الستوك)..

الموتر حقق سرعة 231.4 ميل/الساعه (373 كم/الساعه) في الستاندنق مايل ويتسارع من 0 – 300 كم/الساعه في 14.41 ثانيه..

حققوا هالرقم على بوست 28 PSI او (1.93 بار) وهالبوست مب اعلى بوست يوصله الموتر.. الموتر كان بتواير عاديه (تواير شارع) وراعي الموتر خاف يحطه على فل بوست لانه تعرض لموقف خطير في تجربه من التجارب.. كان الموتر فيه 4 PSI (0.3 بار) زياده و4 – 5 اميال/الساعه اسرع من الرقم الي حققه..

وبهالاداء يعتبر هالبورش اقوى بورش في العالم.. واسرع بورش من 0 – 300..

وبعد تجربه الرقم القياسي عدلوا الموتر زياده وزادوا القوه الى 1037 حصان في الويل وبيرجعون حق تجارب تكساس مايل والهدف 240+ ميل/الساعه (386+ كم/الساعه)..

اترككم مع بعض الصور..













الموتر اثناء التلغيم..






الداينو شيت..








مقطع للموتر على الداينو..







الله ستر في التجربه.. شوفوا شصار..







تجربة تكساس مايل والرقم القياسي..







الداينو بعد زيادة القوه..








ننتقل للموتر الثالث..
__________________
قل هو الله احد الله الصمد لم يلد ولم يولد ولم يكن له كفوا احد
ماجد جلال غير متواجد حالياً  
قديم 20-12-2010, 02:47 PM   #2
عضو مشارك
 
الصورة الرمزية ماجد جلال
 
تاريخ التسجيل: Feb 2010
المشاركات: 496
معدل تقييم المستوى: 20
ماجد جلال will become famous soon enough
افتراضي

3. ممثل ايطاليا (لمبرغيني قلاردو)..

الثور الهائج.. هو علامة شركة لمبرغيني.. وهالموتر فعلا ثور هائج وفيه قدره كبيره جدا على التسارع..

قوة وتسارع الموتر وهو ستوك يعتبرون شي عادي جدا بالنسبه لعشاق السرعه.. لهالسبب صممت شركة UnderGround Racing كت تون تيربو للقلاردو..

مكينة القلاردو (ستوك) سعتها 5 لترات وقوتها 500 حصان.. بعد اضافة التون تيربو الموتر يطلع 1050 حصان مع برمجة بمب فيول و1500 حصان على برمجة ريس فيول (VP – C16) هالمعلومه من موقع شركة اندرقراوند.. ولكن في تجربة اللمبرقيني الاسود في الدراق قالوا ان الموتر على بوست 32 PSI (2.2 بار) وفيول ريس والموتر فيه 1352 حصان في الويل..

القير قير الوكاله عليه بعض التعديلات طبعا والموتر كنه ستوك من داخل مب مخفف والي جربوا هالتعديل على الموتر اكدوا ان سواقة الموتر سهله جدا.. واعتقد اكسلاته معدله..

القلاردو تي تي بشكل عام دخل ال9 ثواني وفي قلاردو حقق زمن 9.1 ثواني وتراب سبيد 169 ميل/الساعه (270 كم/الساعه).. اكيد توقعتوا التوقيت افضل ولكن كل التجارب كانت على تاير تويو ار888 وتباديل وقومه سيفتي..

اقوى رقم للقلاردو في الستاندنق مايل حققه قلاردو تي تي برتقالي.. اسم ماكله كايل وموتره كان اول قلاردو يدخل ال9 ثواني..

في تجارب تكساس مايل استطاع انه يتسارع الى 241 ميل/الساعه (386 كم/الساعه).. وطبعا هالسرعه خياليه والعجيب انه للحين فيه ارقام افضل..!!

وطبعا راعي الموتر يبي يزيد القوه علشان يحقق رقم افضل..

بعض الصور..

















وهذي بعض مقاطع الموتر..

راعي البرتقاليه يتمشى في الموتر..







تجربة تكساس مايل.. حقق 241 ميل/الساعه كأفضل رقم وهالرقم هو افضل رقم على مستوى لمبرقيني.. والموتر كان على برمجة ريس فيول (1500 حصان )..







داينو للموتر.. هالداينو على بترول المحطه..!!







الموتر في الدراق (طبعا الرقم مب بالقوه المتوقعه بسبب الامور الي ذكرتها)..







وهذا داينو لقلاردو تي تي ثاني وشوفو القوه الخياليه (على ريس فيول طبعا)..







وهذا افضل رقم للموتر في الدراق (نفس مشكلة القلاردو البرتقالي).. (شوفو التراب سبيد)








ننتقل للموتر الرابع والاخير..


4. ممثل اليابان (تويوتا سوبرا)..

اعتقد السوبرا معروف عند الكل

موتر من اقوى المواتر اليابانيه ومن اقوى المواتر على مستوى العالم بعد التلغيم.. قدرة تحمل هالموتر للتلغيم رهيبه ومع انهم وقفوا انتاجه الا ان التونرز الى هاليوم يحققون فيه ارقام قياسيه ويوصلون حق ارقام خياليه من القوه..

بعض السوبروات الملغمه وصلت 1660 حصان في الويل و 1622 نيوتن/متر.. وافضل رقم حققه في الدراق 7.81 ثانيه وتراب سبيد 187 ميل/الساعه.. الكلام عن موتر ستريتبل قيره من 6 نسب و وسعة مكينته مع الستروكر ما تتعدى 3.4 لتر

السوبرا ابدعت بعد في الستاندنق مايل وهي حاليا حاملة اللقب في تكساس مايل ايفنت..

اخترت لكم سوبرا من السوبرات تعتبر من اقوى السوبرات على مستوى العالم.. وبحطلكم تفاصيل الموتر لانه يستحق الذكر والوقوف عنده..

مالك هالسوبرا ينقاله S.W. ..

التيربو الي على الموتر Garrett GT55 وحجمه 91 ملي والمكينه 2JZ مع ستروكر والحجم الاجمالي للمكينه مع الستروكر 3.4 لتر..

قير الموتر ستوك واكسلاته بعد ستوك وعليه دفرنشال تي ار دي.. طبعا المكينه معدله (بساتن ورودات وكرانك وسليفات) لكن البلوك 2JZ وعليه نوس 175 شوت..

الموتر من تعديل شركة بوست لوجيك وفيه 1300 حصان في الويل على بوست 35 – 36 PSI (2.41 - 2.48 بار )..

حقق هالموتر رقم يعجز عنه الجميع.. افضل رقم له كان 246 ميل/الساعه (395 كم/الساعه).. والموتر فيه ارقام افضل وراعي الموتر ناوي على 250+ ميل/الساعه (402 كم/الساعه)..

التسارع من 0 – 300 كم/الساعه في 8 ثواني تقريبا ويوصل لهالسرعه في الربع ميل..!!

شوفوا شكل الموتر.. كأنه ستوك..!!

اترككم مع بعض الصور..













تجربة الربع ميل:







اخر تجارب الستاندنق مايل (حقق 243 ميل/الساعه = 391 كم/الساعه)..







صادتهم مشكله في الكام تايمينج بعد هالتجربه لكن بيرجعون للتجارب وهدفهم 250 ميل/الساع (402 كم/الساعه)..

تجربه ثانيه.. 244.8 ميل/الساعه (394 كم/الساعه)..







اقوى تجربه والرقم العالمي في الستاندنق مايل لسيارات البرودكشن كارز..

هالتجربه كانت على بوست 35 – 36 PSI والقوه 1295 حصان في الويل وشوفوا السرعه..!!











ختاما بغيت اذكر ان اقوى رقم للدراجات في تكساس مايل هو 254 ميل/الساعه وهالرقم لهيبوزا ملغمه تلغيم قوي جدا..

هل بنشوف احد المواتر الي في هالموضوع يحطم الرقم القياسي ويكون اكبر دليل على ان السياره ممكن تكون اسرع من الدراجه..؟؟



الموضوع منقول من ابو مرزوق وبو مرزوق ناقله للكاتب الاخ the z

__________________
__________________
قل هو الله احد الله الصمد لم يلد ولم يولد ولم يكن له كفوا احد
ماجد جلال غير متواجد حالياً  
قديم 20-12-2010, 03:22 PM   #3
عضو مميز
 
الصورة الرمزية معاند الحارثي
 
تاريخ التسجيل: Aug 2010
المشاركات: 1,691
معدل تقييم المستوى: 22
معاند الحارثي is a splendid one to beholdمعاند الحارثي is a splendid one to beholdمعاند الحارثي is a splendid one to beholdمعاند الحارثي is a splendid one to beholdمعاند الحارثي is a splendid one to beholdمعاند الحارثي is a splendid one to beholdمعاند الحارثي is a splendid one to behold
افتراضي

وعليكم السلام ورحمة الله وبركاته

ماشاء الله

صراحه تقرير رائع ومفيد

بيض الله وجهك عالمعلومات الطيبة

ولا هنت اخوي

++احلى تقييم++
__________________
متواجد الآن في كوريا الجنوبية للدراسة

لمتابعة حسابي عالانستقرام

#معاند الحارثي أو KHALID514

معاند الحارثي غير متواجد حالياً  
قديم 20-12-2010, 04:23 PM   #4
عضو مشارك
 
الصورة الرمزية ماجد جلال
 
تاريخ التسجيل: Feb 2010
المشاركات: 496
معدل تقييم المستوى: 20
ماجد جلال will become famous soon enough
افتراضي

اقتباس:
المشاركة الأصلية كتبت بواسطة معاند الحارثي مشاهدة المشاركة
وعليكم السلام ورحمة الله وبركاته

ماشاء الله

صراحه تقرير رائع ومفيد

بيض الله وجهك عالمعلومات الطيبة

ولا هنت اخوي

++احلى تقييم++

الله يسعدك يالغالي اسعدني مرورك
__________________
قل هو الله احد الله الصمد لم يلد ولم يولد ولم يكن له كفوا احد
ماجد جلال غير متواجد حالياً  
قديم 20-12-2010, 08:58 PM   #5
عضو مشارك
 
الصورة الرمزية Abdulbari
 
تاريخ التسجيل: Jul 2010
المشاركات: 564
معدل تقييم المستوى: 21
Abdulbari has a brilliant futureAbdulbari has a brilliant futureAbdulbari has a brilliant futureAbdulbari has a brilliant futureAbdulbari has a brilliant futureAbdulbari has a brilliant futureAbdulbari has a brilliant futureAbdulbari has a brilliant futureAbdulbari has a brilliant futureAbdulbari has a brilliant futureAbdulbari has a brilliant future
افتراضي

تسلم يدينك على هيك تقرير


وأحلى تقييم لعيونك
Abdulbari غير متواجد حالياً  
قديم 20-12-2010, 09:46 PM   #6
عضو نشيط
 
الصورة الرمزية دخيل الله الغامدي
 
تاريخ التسجيل: Feb 2009
العمر: 35
المشاركات: 1,028
معدل تقييم المستوى: 25
دخيل الله الغامدي has much to be proud ofدخيل الله الغامدي has much to be proud ofدخيل الله الغامدي has much to be proud ofدخيل الله الغامدي has much to be proud ofدخيل الله الغامدي has much to be proud ofدخيل الله الغامدي has much to be proud ofدخيل الله الغامدي has much to be proud ofدخيل الله الغامدي has much to be proud ofدخيل الله الغامدي has much to be proud of
افتراضي

الله يعاطيك العافية على النقل
__________________

لا إله إلا أنت سبحانك إني كنت من الظالمين
دخيل الله الغامدي غير متواجد حالياً  
قديم 20-12-2010, 09:58 PM   #7
عضو مشارك
 
الصورة الرمزية ss4rakan
 
تاريخ التسجيل: Mar 2010
المشاركات: 102
معدل تقييم المستوى: 20
ss4rakan is on a distinguished road
افتراضي

تسلم ايدك عالموضوع
__________________
ss4rakan غير متواجد حالياً  
قديم 20-12-2010, 10:43 PM   #8
عضو مشارك
 
الصورة الرمزية DMAR
 
تاريخ التسجيل: Aug 2009
المشاركات: 159
معدل تقييم المستوى: 21
DMAR is on a distinguished road
افتراضي

تقرير في منتهى الروعة ويعطيكـ الف عافيه
بس لي عتب بسيط وين النيسان جيتي ار .................
ماشوف اي ذكر عنها في تقريرك كسياره يابانيه ومازالت الشركه ينتجون منها موديلات جديده بعكس التويوتا السوبرا
ولك مني جزيل االشكر
ونا في انتظار جديدكـ واتمنى يكون عن السيارات السريعه ذات الابواب الاربعه مثل bmw5 ولكزس is300 ومرسيدس s500وغيرها وانت اخبر مني
__________________
DMAR غير متواجد حالياً  
قديم 20-12-2010, 11:15 PM   #9
عضو مشارك
 
الصورة الرمزية ماجد جلال
 
تاريخ التسجيل: Feb 2010
المشاركات: 496
معدل تقييم المستوى: 20
ماجد جلال will become famous soon enough
افتراضي

اولا مشكورين شباب على التعليقات الرائعه
__________________
قل هو الله احد الله الصمد لم يلد ولم يولد ولم يكن له كفوا احد
ماجد جلال غير متواجد حالياً  
قديم 20-12-2010, 11:19 PM   #10
عضو مشارك
 
الصورة الرمزية ماجد جلال
 
تاريخ التسجيل: Feb 2010
المشاركات: 496
معدل تقييم المستوى: 20
ماجد جلال will become famous soon enough
افتراضي

اقتباس:
المشاركة الأصلية كتبت بواسطة dmar مشاهدة المشاركة
تقرير في منتهى الروعة ويعطيكـ الف عافيه
بس لي عتب بسيط وين النيسان جيتي ار .................
ماشوف اي ذكر عنها في تقريرك كسياره يابانيه ومازالت الشركه ينتجون منها موديلات جديده بعكس التويوتا السوبرا
ولك مني جزيل االشكر
ونا في انتظار جديدكـ واتمنى يكون عن السيارات السريعه ذات الابواب الاربعه مثل bmw5 ولكزس is300 ومرسيدس s500وغيرها وانت اخبر مني

اولا الله يسلمك على مرورك

ثانيا بخصوص النيسان المضوع يتكلم عن اقوى او افضل اربع سيارات حصلت على ارقاام جاامده في الربع ميل والدراق ريس فكانت من كل بلده موتر جاامد مثل ما اختاروا الامريكي وهو كورفت والياباني وهو السوبرا والالماني وغيرهاا

وذا صار تقرير جديد لحاصل الاحصائيات لعام 2011 حاوافيك بالنتائج باذن الله

وبختصار سريع اقوى اربع سيارات من فئاتها

عقبالك
__________________
قل هو الله احد الله الصمد لم يلد ولم يولد ولم يكن له كفوا احد
ماجد جلال غير متواجد حالياً  
قديم 21-12-2010, 01:55 AM   #11
عضو مميز
 
الصورة الرمزية @رجـــاوي@
 
تاريخ التسجيل: Jul 2010
المشاركات: 1,288
معدل تقييم المستوى: 21
@رجـــاوي@ is a splendid one to behold@رجـــاوي@ is a splendid one to behold@رجـــاوي@ is a splendid one to behold@رجـــاوي@ is a splendid one to behold@رجـــاوي@ is a splendid one to behold@رجـــاوي@ is a splendid one to behold
افتراضي

الله الله يعطيك العافية على هالموضوع المتعوب عليه وهالتقرير الرائع من عضو اروع

شكرا لك مرة اخرى ..
__________________
[IMG][/IMG]


اجمل هندسة .. ان تبني جسر من الامل على بحر من اليأس ..
@رجـــاوي@ غير متواجد حالياً  
قديم 21-12-2010, 03:40 AM   #12
عضو ذهبي
 
تاريخ التسجيل: Jul 2009
المشاركات: 5,225
معدل تقييم المستوى: 39
يــزيــد has a reputation beyond reputeيــزيــد has a reputation beyond reputeيــزيــد has a reputation beyond reputeيــزيــد has a reputation beyond reputeيــزيــد has a reputation beyond reputeيــزيــد has a reputation beyond reputeيــزيــد has a reputation beyond reputeيــزيــد has a reputation beyond reputeيــزيــد has a reputation beyond reputeيــزيــد has a reputation beyond reputeيــزيــد has a reputation beyond repute
افتراضي



^
^
وححش كآآسر

يعطيك الف عافيه على هالتقرير الممتع
__________________
يــزيــد غير متواجد حالياً  
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
من الفرن للمنتدى Mohave VS Avalanche الوحش الكوري أما أحد وحوش الأمريكي LoRdZeRo قسم مقاطع الفيديو 37 21-05-2014 08:46 AM
صور خلفية ازيرا2012 تمشي في الشوارع أمير الذووق قسم سيارات السيدان المتوسطة (هيونداي) 7 26-11-2010 01:28 PM
هيونداي سوناتا الهجينية (هايبرد) في الشوارع الكورية b@ndr قسم سيارات السيدان المتوسطة (هيونداي) 3 24-08-2010 05:32 PM
العزم ضعيف والتسارع بطيء وصرفية بنزين زائدة anz قسم استفسارات الورشة والحوادث المرورية 10 29-03-2010 02:54 PM


الساعة الآن 12:00 PM.


Powered by vBulletin ® Copyright © 2000 - 2019
جميع الحقوق محفوظة لـ منتدى السيارات الكورية