العودة   منتدى السيارات الكورية > المنتديات الرئيسية > كيا > قسم سيارات السيدان المتوسطة (كيا)

قسم سيارات السيدان المتوسطة (كيا) كادنزا - أوبيروس - أوبتيما

إضافة رد
 
LinkBack أدوات الموضوع انواع عرض الموضوع
قديم 07-06-2012, 03:38 PM   #1
ضيف
 
تاريخ التسجيل: May 2011
المشاركات: 22
معدل تقييم المستوى: 18
أبو أسيل is on a distinguished road
افتراضي المشكلة رقم 3 في قير الكادينزا

السلام عليكم ورحمة الله. اخواني الأعزاء. حبيت أشارك معكم هذه المشكلة التي حصلت لسيارتي الكادينزا وفي القير. ولكن لتتم الصورة بشكل كامل راح اذكر المشاكل الأولى لأني تأكدت انه فيه رابط بينهم.

1- المشكلة الأولى كانت طقة القير. وبعد اطلاعي على مشاركات بعض الأخوة. رحت وسويت لها تحديث للسوفت وير وصارت تمام.(خلال 10.0000)كم

2- بعد فترة. سافرت من الرياض للخرج. وجلست قرابة 3 ساعات. وفجأة شغلت السيارة وحاولت أحرك القير ولم يتحرك من P . ولقيت لمبة ال ESP شغالة. طبعا فكيت قفل القير (الفتحة الصغيرة فوق القير) وفك معايا القير واللمبة لسا مولعة. رحت للوكالة اليوم الثاني وقالو لي بسيطة (راح نغير القفل حق القير بس بعد اسبوع عشان راح نطلب القطعه من دبي)وخليها على N>>> مسوين بيعلموني وانا كنت مسوي هالشيء قبل لا يقولون. جبتها وطبعا سألتهم وش دخل لمبة ESP في قفل القير قالو لي عادي (طبعا المشكلة هذي حدثت بعد تغسيل السيارة فقلت ممكن بسبب بعض الموية) وجلست السيارة عند الوكالة تقريبا 5 ساعات واخذتها و راحت المشكلتين القفل واللمبة. وش سوو ماأدري بس حسيت ان الموتر تغير علي شوي.(خلال 40.000)

3- جيت أشغل السيارة قبل أسبوع وما اشتغلت. السلف يفتح الانوار تشتغل كلو تمام بس دقة التشغيل ما تشتغل. فصلت البطارية وبرضه ما تشتغل. قلت يمكن فلتر البنزين منسد. هزيت السيارة من ورا (فلتر البنزيز موجود بالشنطة وتوي مغيره قبل اسبوع من المشكلة) وشغلت واشتغلت. استغربت كثير. طفيت وشغلت وا شتغلت. بس تفاجأت ان المشكلة تحدث كلما وقفت فترة أكثر من 8 ساعات. وبعد العديد من التجارب صارت لما احط القير بال N تشتغل عادي. وبعد هذي التجارب رحت للوكالة وانا مصور المشكلة. وقالو لي عادي بنعطيك موعد بعد اسبوع وجيبها لأنه زحمة وراح نعمل لها سوفت وير اب دات Software update . وطبعا خلال الاسبوع اللي انتظر فيه موعدي اكتشفت المشكلة لأنه بدأت تصير حتى والقير في ال N>>>> طلعت خبير. المشكله ان لما افتح السلف السيارة لا تقرأ موضع القير .>>>> وشلون عرفت
صرت لمما افتح السلف عيني على القير ولاحظت ان لمبة القير ما تشتغل (اللمبة اللي على حروف موضع القير الصفراء P-R-N-D فلما احرك القير حركه بسيطة من دون ما اطلعة من موضعه . تولع لمبة القير وتشتغل السيارة.

طبعا أمس كان موعدي ورحت لهم وانا مصور المشكلة المحدثة . ولكن فوجئت بأن مهندس القير سافر لكوريا لدورة مدتها 10 أيام. طبعا انا هادي وماني راعي مشاكل والاستقبال شخص محترم وبينا صحبة. فنصحني اني ما ادخل السيارة على مهندس ثاني وان البشركة تتحمل المسؤولية فخليها معاك وتعال بعد 10 ايام .

هذه قصتي واتمنى انها تنفع غيري. على فكرة سيارتي 2011 نص فل دفعة 3/2010 والان سيارتي ماشية 70.000 .

رسالة لكل مقتني كادينزا. أخواني وربي اقدر اشتري سيارة اليوم واي سيارة ابي ((طبعا اقل من 150 الف ريال) وكان معي اكسبلورر 2010 وكاله وبعته بعد شهر لأنه ما عجبني . وشريت سوناتا وكالة 2011 وبعتها بعد 4 اشهر لما صار عليها حادث بسيط. واشتريت الكادينزا والله اني لما صارت المشكلة الثالثة فكرت اني اغير السيارة ولكن..................... فيه حاجة في نفسي تقول لا . وربي لها عشق غير طبيعي سيارة تحس انها فرد من العائلة احبها كثير. ولو فكرت بعد فترة ابيعها. راح اخذ كادينزا 2013 فل .

رسالة لمعشوقتي كادينزا. ما تشوفين شر وعسى (شركة) الجبر تحسن مستوى الخدمة وإلى الأمام.

محبكم : أبو أسيل
أبو أسيل غير متواجد حالياً   رد مع اقتباس
قديم 07-06-2012, 03:53 PM   #2
عضو مشارك
 
الصورة الرمزية المحتار 2007
 
تاريخ التسجيل: Sep 2011
العمر: 25
المشاركات: 170
معدل تقييم المستوى: 17
المحتار 2007 is on a distinguished road
افتراضي

الله يعينك وانشالله تنحل مشكلتك ومن تجربة بسيارات اخرى غير الكادينزا صارت هالمشكلة في سيارة من شفروليه اللي هي االماليبو بعد ما غيرناقطعة متعلقة في الغير (( قطعة تتعلق في التبديلات )) صارت ماتولع اللمبة وال esp/abs شغالبن والسيارة ثقيلة ومع المشي ما تبدل بالثالث يعني ماتمشي فوق 120فا طلع القير بكبره وركبنا لها قير وكالة جديد كامل ... اما الكادينزا ومشكلة احسسها بالقير ودام الرجال قالك تعال بعد عشرة ايام فا بسيطة ولاتشيل هم لان التعديل عليهم لاتخاف من جدالكادي تحسها قطعة منك وفيها شي يختلف عن اي سيارة ثانية << هذا المستخدم راح ملح
المحتار 2007 غير متواجد حالياً   رد مع اقتباس
قديم 07-06-2012, 04:51 PM   #3
عضو نشيط
 
الصورة الرمزية cadenza11
 
تاريخ التسجيل: Dec 2011
المشاركات: 693
معدل تقييم المستوى: 17
cadenza11 will become famous soon enough
افتراضي

وعليكم السلام ورحمة الله وبركاته

بسيطه ان شاء الله لاتشيل همها
طالما السياره تحت الضمان ابد وسع صدرك

بس عندي سؤال ؟؟

انا فهمت انك تقدر تطفي السياره وهي بوضع ال n

الا اذا فهمتك غلط مادري

لانه مره بالغلط طفيت السياره وهي في وضع ال n

بس يقولي بالشاشه القير لازم تخليه وضع p
وتظهرلي علامة القير وسهم احمر على قدام يعني حرك عصى القير لوضع p
وحتي لو تسكر الباب تسمع نغمه شغاله وزر البصمه التشغيل لمبته تكون برتقاليه

لازم اخليه بوضع الباركينج بعدها تختفي العلامه

فما ادري هل البصمه غير ولا انا فهمت الموضوع منك خطاء

تحياتي لك وبالتوفيق
cadenza11 غير متواجد حالياً   رد مع اقتباس
قديم 07-06-2012, 05:04 PM   #4
ضيف
 
تاريخ التسجيل: Sep 2009
المشاركات: 27
معدل تقييم المستوى: 21
hamed is on a distinguished road
افتراضي

السلام عليكم
مشكلتك بسيطة جدا وان شاء الله تتصلح
شاهد تقريري على قير السيراتو ممكن تستفيد https://www.koreanbeast.com/koreanbeast42200
hamed غير متواجد حالياً   رد مع اقتباس
قديم 07-06-2012, 05:08 PM   #5
ضيف
 
تاريخ التسجيل: May 2011
المشاركات: 22
معدل تقييم المستوى: 18
أبو أسيل is on a distinguished road
افتراضي

المحتار مشكور: ولكن اداء القير جدا ممتاز ولا به مشكلة . ان شا الله تكون برمجه فقط

اخويك كادينزا 11 . تسلم. بالنسبة لوضع القير في n أنا عادي اقدر اطفي واتوقع الفرق هو سبب ان سيارتك فل وسيارتي نص فل بدون بصمة. ولكن اذا احد من الاخوان معه نص ولا يقدر يطفي فشكل الوكيل لاعب باالبرمجة.

حامد: تسلم وبشوف الموضوع الحين
أبو أسيل غير متواجد حالياً   رد مع اقتباس
قديم 07-06-2012, 07:53 PM   #6
عضو مشارك
 
تاريخ التسجيل: May 2010
المشاركات: 325
معدل تقييم المستوى: 20
احمـــد is just really niceاحمـــد is just really niceاحمـــد is just really niceاحمـــد is just really nice
افتراضي

هلا اخوي انا لي تقريبا الشهر اعاني من مشكلتك الثالثه السياره بدون بصمه دفعه 2/2010

بس مافضيت اروح الوكاله وبوديها لهم مع الصيانه القادمه باذن الله واتمنى تكون بس برمجه

واذا صار معاك شي ياليت تعطينا خبر
__________________
احمـــد غير متواجد حالياً   رد مع اقتباس
قديم 07-06-2012, 10:45 PM   #7
عضو جديد
 
تاريخ التسجيل: Mar 2012
المشاركات: 45
معدل تقييم المستوى: 16
كادينزا 101 is on a distinguished road
افتراضي

ان شاء الله بسيطة بس يبيلها برمجة وتزبط
كادينزا 101 غير متواجد حالياً   رد مع اقتباس
قديم 08-06-2012, 09:24 AM   #8
عضو مشارك
 
الصورة الرمزية alkasr.777
 
تاريخ التسجيل: May 2012
المشاركات: 262
معدل تقييم المستوى: 16
alkasr.777 is on a distinguished road
افتراضي

أتوقع و بقوة ان المشكلة من حساس القير و الله أعلم
alkasr.777 غير متواجد حالياً   رد مع اقتباس
قديم 09-06-2012, 04:17 PM   #9
ضيف
 
تاريخ التسجيل: May 2011
المشاركات: 22
معدل تقييم المستوى: 18
أبو أسيل is on a distinguished road
افتراضي

مشكورين شباب وان شا الله تكون زي ما نتوقع وراح اوديها للوكالة ونشوف وبرد لكم
أبو أسيل غير متواجد حالياً   رد مع اقتباس
قديم 19-07-2012, 12:26 PM   #10
ضيف
 
تاريخ التسجيل: May 2011
المشاركات: 22
معدل تقييم المستوى: 18
أبو أسيل is on a distinguished road
افتراضي

السلام عليكم. ومبارك عليكم الشهر مقدما. أبشركم يا شباب أنحلت المشكله امس ولكن راح اسرد لكم بعض التفاصيل المهمة والمفاجأة الكبرى.

ذهبت يوم السبت الفائت 15/7/2012 لورشة كيا بالرياض مخرج 18 الساعه 8 وبعد طول انتظار. ((نظرا لعدم وجود ارقام وناس ما تعترف بالاسبقية)) تم تسليم سيارتي الساعة 10 وكانهم عارفين المشكلة بالضبط. وطلبو من الاتصال يوم الثلاثاء . وتم الاتصال بهم عدة مرات ولا يوجد رد. واتصلت على الرقم الموحد 9200 وقال لي الموظف انه هذا رقم خدمة العملاء فقط للشكاوى. فسردت له القصة كاملة <<<<< ما صدق خبر. واخذ مني الموظف رقم فاتورة الصيانة واعطاني جوال مدير الفرع. فقلت في نفسي هذه بادرة طيبة. واتصلت على المدير وجواله مقفل عدة مرات (اذا كان رب البيت للدف ضاربا.....الخ) ورجعت اتصل على الثابت وردو وقال لي ان سيارتي تحت التجربة وتعال استلمها بكره (الاربعاء) ورحت الاربعاء وسألتهم وش سويتو. فقال الموظف (السعودي) تم تغيير السوتش) قلت له حبيبي السوتش مغير منذ مبطي. قال لا السوتش الاول مرتبط بالفرامل ، اما هذا السوتش فهو مرتبط بوضعية القير (P_N_R_D_) قلت له عموما مشكور بس اذا ارجعت المشكلة ترا ما راح اجي لكم. قال لي وين بتروح . قلت له بادخل لورشتكم سيده واسأل عن مهندس القير ((اللي توه جاي من كوريا)) واذا دلوني عليه مشيت بسرعة 80 ك/م ((عشان ما يلقطني ساهر)) وصدمته وطيرته لين يوصل كوريا وياخذ دورة مكثفه .

المفاجأة. بعد استلام السيارة وردني اتصال من الدمام ((خايف من انهم سمعو بسالفة الصدم )) وقال لي ممكن اخذ رقم الشاص قلت له خذ 9100 الخ. قالي ثواني وباتصل بك قلت له يالحبيب السيارة خلاص استلمتها والحمد لله كلش تمام بس صار لي (( وعودت وسردت له القصة)) الموظف كان شاب سعودي وقال لي انهم بطور الرقي بالخدمات المقدمة للعملاء وان المساله مسألة وقت بسيط وراح يكون العميل راض كل الرضى . الغريب في الأمر اني ارتحت من كلامه لأنه كان انسان واثق من اللي يقوله .\\

طبعا بخصوص السيارة لليوم الثاني الان وكل شي تمـــــــــــام والوكيل ما سوا القير وبس (وهنا المفاجأة) شدو الجلنط وسوو تحديث (( بس ما عودو يركدون الساعة)) <<<< مشكلجي. وهذا شي ((مستغرب)) منهم ولكن هذا الشي هو اللي اكد لي كلام خدمة العملاء انهم يتطورون والى الامام. ارجو اني افدتكم ورمضان مبارك.
أبو أسيل غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رابطة وملاك kia mohave . . ( مشاكل - حلول - نقاشات ) أبووائل الجيزاني قسم الدفع الرباعي (كيا) 540 31-05-2019 05:06 PM
تقرير عن الكادينزا 2012 مواصفات الفل التغييرات و التعديلات و بعض المشاكل و حلولها Ad-Tower قسم سيارات السيدان المتوسطة (كيا) 54 09-09-2013 12:32 AM
مقاومات الكادينزا في مخطط الجوهرة + مقطعين A S H قسم سيارات السيدان المتوسطة (كيا) 44 01-05-2011 06:51 PM
أصحاب الكادينزا من حسيبكم الله أبوأحمد قسم سيارات السيدان المتوسطة (كيا) 20 20-03-2011 07:26 PM


الساعة الآن 06:46 PM.


Powered by vBulletin ® Copyright © 2000 - 2019
جميع الحقوق محفوظة لـ منتدى السيارات الكورية