العودة   منتدى السيارات الكورية > المنتديات الرئيسية > جينيسس

مشاهدة نتائج الإستطلاع: مامدى تقيمك لهذي التجارب الكتابيه ؟
ممتازه 65 63.73%
جيده جدا 21 20.59%
لابئس لاكن لاتكفي 9 8.82%
سيئه وممله 7 6.86%
المصوتون: 102. أنت لم تصوت في هذا الإستطلاع

Like Tree10Likes

إضافة رد
 
LinkBack أدوات الموضوع انواع عرض الموضوع
قديم 14-06-2012, 09:54 PM   #1
عضو فضي
 
تاريخ التسجيل: Jun 2011
المشاركات: 2,435
معدل تقييم المستوى: 22
93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future
افتراضي تحققت امنيتي لـ تجربة الجينيسس ولله الحمد (( انطباعي + تجربتي + ايجابيات +سلبيات))

السلام عليكم ورحمة الله وبركاته

.
.
.
.

اصبحتم مساءً

اما بعد :.
جيت اخذ علوم جيل الطيبين و واخبارهم ؟ وان شاء الله الجميع بصحة وعافيه


ملاحظه :. الموضوع سواليف وعلوم طيبه وبربره زايده
يعني الي مستعجل انصحه نصيحه اخويه لاا يقرأ الموضوع


طبعا الموضوع ينقسم إلى خمسة افرع
1) قبل القياده والعشق والوله
2) التجربة والإنطباع
3) الإيجابيات
4) السلبيات
5)نصيحه


.
.
.
.

بسم الله نبتدي


قبل القياده والعشق والوله
كانت فكرة تجربة الجينسس منذا نظرتها لـ النظره الأولى وانا خاق معها بجد >>>
طبعا من بعدها اصبحت امنيه من امنياتي تجربة هالساحره الجذابه

المهم مشت الأيام بالبحث عنها وعن تقاريرها ووو...ألخ
إلى ان صبحت عندي معلومات كافيه ووافيه عن السياره
* وطبعا مع كل معلومه يزيد اعجابي فيها أكثر وأكثر

المهم قبل شهر تقريبا او ثلاث اساببيع وانا مار من عند الوكاله وألمح جينسس مكتوب عليها Test Drive
وبدت سعابيلي تنزل لاشعوريا

والي قهرني اكثر كان وقت اختبارات << طبعا بعدها ولع العشق وأثر على نسبتي نوعا ما من كثر التفكير

ومضت ايام الإختبرات بيسر وسهوله وابشركم طلعت من الثانويه بـ نسبة 87 % تراكمي

وبعد ماخلصت الأختبارات اخذت التلفون ودقيت على موظف لي معه معرفه
المهم مالكم بالطويله رحب فيني ومن هالكلام وقالي شف اي يوم يناسك وتعال جرب السياره << الكلام يوم الاحد كان


المهم مافضيت الا يوم الأربعاء وادق على مكتبه مايرد وادق مايرد طبعا بعدها حسيت بالأحباط
وبعدها يأست ودخلت على موظف الاستقبال واسأل عن الموظف خوينا قالي مش بيداوم اليوم
المهم قالي أمر ومن هالكلام وعلمته بالسالفه والرجال ماقصر رفع سماعة التلفون ودق عشان يستفسرلي عن التجربه

المهم جابلي رقم الموظف المسئول عن السيارات الفارهه والتجربه
وانا بسجله شاف جوالي ونعجب فيه .. وسألني عن اسمه ومن اي شركه ومن هالكلام < قبل لاحد يسألني وش اسمه .. اسمه سوني اكسبيريا اس
طبعا قال وش مميزاته قتله الكام والشاشه قال لااكن مايتفوق على تصوير سامسونج
قتله معروف تصوير السوني ومن هالكلام لاكن لم يقتنع تماما انه افضل
وبعدهاا بدينا بـ شجار عنيف جدا وطلعت منتصر بنتيجه < ماشاء الله ياانا

واطلع من الوكاله متجه لـ البيت
وصلت البيت قلت بدق عليه عشان احدد الموعد
المهم واشوف الرقم واضغفط عليه لااكن الصدمه كانت اسم بدون رقم طلع

المهم من زود الفهاوه سجلت اسم الموظف المسئول عن السيارات الفارهه من دون ماسجل رقمه

بعدها طلعت البيت متجهه لـ الوكاله
ورجعت لنفس الموظف واخذت رقم الموظف المسئول لاكن الحمد الله كانت الامور طيبه وماقال تصور سامسونج افضل من سوني ولا كان


المهم أخذت رقم الموظف ودقيت عليه وقال السياره مشغوله المهم قالي متى تبغاه قتله ادق عليك العصر < وكل ذا الكلام يوم الأربعاء الصباح

المهم جاء العصر عشان اتفاهم معاه على التجربه وادق عليه وادق عليه لاكن دون فائده مايرد
قلت مايردك ياشنب حدد الوقت واليوم ورسله له بـ رساله بدون ماتتفاههم معه
المهم حددت يوم الخميس الساعه 8:30 والأسم ورستلها له


المهم جاء وقت اليوم المنتظر بفارق الصبر
وصحيت الساعه 7:00 صباحا
ومرني خويي تقريبا على الساعه 7:35
المهم قلت له بلاش استعجال وشوق وخرفات مالها سنع وخلينا نملي بطنا بعدها نتفاهم لـ الشوق والخروفات هذي
والحمد الله اكلنا وخلصنا واتجهنا إلى الوكاله

المهم وصلت عند القصر وبدأ قلبي ينبض وتوتر ماأدري وش لاني بشوفها بكامل زينتها

وبسم الله توكلت على الله وادخل القصر مدرعم واشوف الكوشه مظبطه ومزينه واتكيت وفي وسط الكوشه العروسه جالسه تنتظر عشيقها << تراها مش دراما تركيه

ووبعدها اتجهت للموظف ورحب فيني وكانت لي معه معرفة سابقه المهم بدأ يشرحلي عن السياره وعن المكينه خاصتا كيف نظام حقن البنزين وقال من افضل عشر مكاين عالميا ...ألخ

المهم النكبه ياولد كانت العروسه مش هذي وقال عروستك تحت بالكراج مش هذي قلت أحسن لانها هذي ملحه وسوده وعرجه بعد < بعدها تطمنت يارجل مالنا بالملحان هههههه


الممهم اخذ رخصتي وعمل المطلوب وبعدها قال تفضل معاي وبدأت نبضات قلبي تتزايد
قتله ياولد دقيقه قبل ماتزفني عليها وين دورة المياه < نوع من التصريفات المتعوب عليها

المهم وانا داخل بيت الراحه واموري مستعصيه وقاعد افكر في المزيونه<< هالفاضي ذا
المهم خلصت اموري من بيت الراحه ولله الحمد
وانا نازل لها اخذت لها صورة وهي تنتظرني بكامل رقتها ودلالها

<< طبعا خويي الملقوف ركب قبلي




التجربه والإنطباع

بسم الله ركبت فيها وعدلت الوضعيه من مرايات وكرسي ودركسون
وعدد ممشاها 1266 كيلو متر



لاكن احد الطيبين في أحدى التجارب جاب فيها العيد وطير الباب ومدري وش معاها

المهم ركبت وحسيت برتياح نفسي عن جد من تصميم عدادات ومن تصميم كنسول ومن راحة المرتبه ومن ملمس الداخليه ومن مسكة الدركسون ...الخ

المهم توكلت على الله وتحركت و أول ملاحظه حسيتها تبريد المكيف ممتاز لاكن دفع الهواء بالخلف لك عليه مش ذاك الزود على كلام خويي

وبعدها طلعت على الشارع وكان ثاني ملاحظه النعومه بالعيون القطط لدرجه اني ودي دايم امشي عليهم من النعومه

المهم وبدأت التجربه الفعليه من ناحيه نعومه التبديلات وسلاستها في المشي
والله اني ماابالغ سمعت صوت المنبه لـ السرعه120 وانصدمت اني قاعد امشي 120 ماحسيت بالسرعه ولا بالتبديلات نهائيا

وكان ثاني تجربه لها في منعطف وتمت التجربه على سرعه 160 وكانت أكثر من ممتازه وكذالك تمت تجربتها في الدوار على سرعة 60 إلى 70 تقريبا كنت ابغى اختبر ميلانها وتوازنها في المنعطفات واخذت مني 10/10 بالإضافه مريت عليها على كميه رمل متجمعه وكان ثباتها ممتاز وعالي ولاحسيت اني مار على كمية رمل في دوار

وثالث اختبار كان التسارع كان مقبول جدا إلى ممتاز لشخص غير هاوي لـ التسارعات والمطارحات بسبب تجربة محرك بسعة 3.3 لتر و 260 حصان تقريبا
واثناء تسارعها كانت ثابته من غير ارتفاع واضح في المقدمه وكان الدركسون ثااابت مع التسارع من غير اهتزاز او قله في السيطره ولله الحمد

ورابع اختبار الرساوه وصراحه تحس السياره ثقيله وماسكه بالأرض بشكل ماتوقعته نهائيا ومريت بجانب شاحنة محمله على سرعه 160 ولاحسيت بإزاحة قليله في السياره او شيء ثاني بسبب فرق الضغط ولله الحمد


وخامس اختبار كان العزل الأرضي و الهواء وبرضوا العزل الأرضي اخذ مني 10/9 وعزل الهواء اخذ مني من 7إلى8 /10
طبعا زجاج السياره مش مدبل ولا فيه عزل لصوت الخارجي ولا الداخلي + جاية ضربه في الباب فا ممكن مؤثر على العزل نوعا ما من تنسيم وغيره

وسادس اختبار كان النظام الصوتي
عجبني بجد مع انه مش نظام ليكسيكون
والدفيف حاجه ثاانيه هز قلبي هز


وكذالك عجبتني ابعاد السياره واضحه جدا وقيادتها سهله واشوفها اوضح من السوناتا


الإيجابيات :.
1) سعر ممتاز جدا مقابل مواصفات ودفع خلفي
2) رساوه ممتازه + ثبات عالي
3) نظام صوتي خطير
4) راحه حلوه جدا لـ مقاس الجنوط 18
5) ضمان مميز من المجدوعي
6) سلاسه ونعومه في المشي لدرجه ماتحس نفسك وانت تمشي

طبعا في اشياء لاتحضرني الأن واذا تذكرت راح احطها في إحدى الردود


السلبيات :.

1) عزل نوعا ما مشي حالك ((((( لسيااارة التجربه وذكرت الأسباب بالسااابق )))))
لاكن على كلام الموظف يقول عند ولد عمه مدري منو جينسس فل يقول والله ماابالغ اشوف عزلها خياااالي جدا

2) ضعف دفع الهواء للمراتب الخلفيه ( وهذي برضوا السلبيه موجوده بالسوناتا )

3) عدم توفرها بمكينه V8 الا في فئة البرادا لوكيل المجدوعي

4) بعد المرآه الجانبية اليمنى تختلف عن الجهة اليسرى


تقريبا هذا اللي يحضرني من سلبيات


نصيحه :.
الي يفكر ياخذله أزيرا او كادينزا فل بدل جينسس ستاندر فهو غلطان

صحيح الجينسس تصبح شحيحة المواصفات مقارنتا بـ الأزيرا والكادينزا الفل
لاكن كا قياده لااتقارن نهائيا وكاجودة خامات لاتقارن نهائيا



وأخيرا :.
واتمنى تعذروني اذا طولت عليكم بالهرج الزايد لاكن حبيت اوضح مدى عشقي لهذي السياره و ادق التفاصيل الي صارت معي اثناء التجربه


شكرا لمتابعتكم
93وبس.! غير متواجد حالياً   رد مع اقتباس
قديم 14-06-2012, 11:36 PM   #2
عضو مشارك
 
تاريخ التسجيل: Nov 2008
المشاركات: 100
معدل تقييم المستوى: 22
البدر الساهر is on a distinguished road
Talking

أول حاجه اخوي لاهنت ع التقرير اللي قدمته وطبعا من الصوره حقت التوقيع شكلك مجرب الموتر من الفرع الرئيسي اللي على شارع الرياض لاني جربت السنتنيال عندهم وكانت خياليييه صراحه الجنسس ماتصف جنب السنتينيال من ناحية المواصفات وكل شي لاني قد جربت الجنسس قبل وشكرا مره اخرى
__________________
CENTENNIAL IS MY FUTURE CAR
البدر الساهر غير متواجد حالياً   رد مع اقتباس
قديم 15-06-2012, 01:30 AM   #3
عضو ذهبي
 
الصورة الرمزية أبو سعود
 
تاريخ التسجيل: Aug 2009
العمر: 44
المشاركات: 4,516
معدل تقييم المستوى: 36
أبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond repute
افتراضي

وعليك السلام ورحمة الله وبركاته

ماشاء الله عليك ماخليت شي ماقلته ، إلا بيت الراحة وش سويت فيه

هالأيام معي جينيسيس استاندر وارد الناغي للأخ عمر تركها عندي وان شاء الله يرجع بالسلامة

أسوقها وأقول في نفسي والله فخامه وهدوء يفتح النفس للقيادة ولا ودي أطلع منها


حبيت اسألك

وش هي السيارات اللي جربتها ؟

واسمح لي أثبت موضوعك وأقيمك وأختمه ختم التميز لأن التجربة جات من شخص محايد

تحياتي وتقديري لك

التعديل الأخير تم بواسطة أبو سعود ; 15-06-2012 الساعة 03:13 AM
أبو سعود غير متواجد حالياً   رد مع اقتباس
قديم 15-06-2012, 01:35 AM   #4
عضو ذهبي
 
الصورة الرمزية أبو سعود
 
تاريخ التسجيل: Aug 2009
العمر: 44
المشاركات: 4,516
معدل تقييم المستوى: 36
أبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond reputeأبو سعود has a reputation beyond repute
افتراضي

حسب اللي فهمته من موضوعك ان السيارة كانت استاندر ، مكينة 3.3

بس غريبة حتى المجدوعي يجيبها بدون القزاز المدبل

والناغي هو الوحيد اللي يجيب القزاز مدبل للسائق والراكب
أبو سعود غير متواجد حالياً   رد مع اقتباس
قديم 15-06-2012, 01:50 AM   #5
عضو ذهبي
 
الصورة الرمزية معي النترا
 
تاريخ التسجيل: Nov 2008
العمر: 32
المشاركات: 4,817
معدل تقييم المستوى: 38
معي النترا has a reputation beyond reputeمعي النترا has a reputation beyond reputeمعي النترا has a reputation beyond reputeمعي النترا has a reputation beyond reputeمعي النترا has a reputation beyond reputeمعي النترا has a reputation beyond reputeمعي النترا has a reputation beyond reputeمعي النترا has a reputation beyond reputeمعي النترا has a reputation beyond reputeمعي النترا has a reputation beyond reputeمعي النترا has a reputation beyond repute
افتراضي

ما شاء الله .,

تجربه حلوه ع البركة تحقيق الامنية .,

و اتفق معك بخصوص شراء جينيسس ستاندر و تفضيلها ع الازيرا او الكادينزا الفل .,

__________________


.. .~
معي النترا غير متواجد حالياً   رد مع اقتباس
قديم 15-06-2012, 05:32 AM   #6
ضيف
 
تاريخ التسجيل: Jun 2012
المشاركات: 15
معدل تقييم المستوى: 15
The absent king is on a distinguished road
افتراضي

مرآآآحب

على فكرة أخوي هذي نفس السيارة اللي جربتها الأسبوع الماضي
وكانت عندي عليها ملاحظة في العزل وان باب الراكب فيه مشكلة
والآن اتضح لي ان صاير عليها حاادث << الموظف مابلغني


وفي الأخير التقرير وافي وكافي ويعطيك الف عافية عليه
وتسلم يمينك ع الطرح
The absent king غير متواجد حالياً   رد مع اقتباس
قديم 15-06-2012, 08:35 AM   #7
ضيف
 
تاريخ التسجيل: Jun 2012
المشاركات: 26
معدل تقييم المستوى: 15
xBOSSz is on a distinguished road
افتراضي

تقرير مميز وبوقته ... حمستني للسيارة .. الحمدلله تم شراء السيارة والاستلام يوم السبت
الله يصبرنا
xBOSSz غير متواجد حالياً   رد مع اقتباس
قديم 15-06-2012, 09:35 AM   #8
عضو فضي
 
تاريخ التسجيل: Jun 2011
المشاركات: 2,435
معدل تقييم المستوى: 22
93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future93وبس.! has a brilliant future
افتراضي

اقتباس:
المشاركة الأصلية كتبت بواسطة البدر الساهر مشاهدة المشاركة
أول حاجه اخوي لاهنت ع التقرير اللي قدمته وطبعا من الصوره حقت التوقيع شكلك مجرب الموتر من الفرع الرئيسي اللي على شارع الرياض لاني جربت السنتنيال عندهم وكانت خياليييه صراحه الجنسس ماتصف جنب السنتينيال من ناحية المواصفات وكل شي لاني قد جربت الجنسس قبل وشكرا مره اخرى

صحيح اخوي بالفرع الرئيسي الي على شارع الرياض واساسا مافيه غيرها بالأحساء !


شكرا لك على مروورك عزيزي



اقتباس:
المشاركة الأصلية كتبت بواسطة أبو سعود مشاهدة المشاركة
وعليك السلام ورحمة الله وبركاته

ماشاء الله عليك ماخليت شي ماقلته ، إلا بيت الراحة وش سويت فيه

هالأيام معي جينيسيس استاندر وارد الناغي للأخ عمر تركها عندي وان شاء الله يرجع بالسلامة

أسوقها وأقول في نفسي والله فخامه وهدوء يفتح النفس للقيادة ولا ودي أطلع منها


حبيت اسألك

وش هي السيارات اللي جربتها ؟

واسمح لي أثبت موضوعك وأقيمك وأختمه ختم التميز لأن التجربة جات من شخص محايد

تحياتي وتقديري لك
السيارات الي جربتهم من ضمنهم التورس 2009 الأفالون 2008 و2012 وكذالك كنت راكب بالسنتنيال من دون تجربه وكذالك السوناتا 2011

وباقي السيارات عاديه تعتبر

وبالنسبه للموضوع تراه موضوعك اخذ راحتك فيه حتى لو بغيت تحذفه لاا تحذفه انتبه

على العموم مشكور على التقيم والتثبيت والختم

وبصراحه احرجتني بطيبتك



اقتباس:
المشاركة الأصلية كتبت بواسطة أبو سعود مشاهدة المشاركة
حسب اللي فهمته من موضوعك ان السيارة كانت استاندر ، مكينة 3.3

بس غريبة حتى المجدوعي يجيبها بدون القزاز المدبل

والناغي هو الوحيد اللي يجيب القزاز مدبل للسائق والراكب
بالفعل السياره ستاندر مكينه 3.3 لااكن الغريب بالموضوع ان جنوطها 18 !

<<< نفس ماذكرت ماعليها العلامات الي موجوده بالزجاج الي عن عزل الصوت الخارجي وعزل الصوت الداخلي ولعزل الحراره !!!

وكذالك يوم ركبت السنتنيال ماشفتهم موجودين !!!!!!!!!

لاكن الجينسس الي معروضه بالوكاله موجوده العلامات


اشكرك على مروورك الطيب وتعليقك




اقتباس:
المشاركة الأصلية كتبت بواسطة معي النترا مشاهدة المشاركة
ما شاء الله .,

تجربه حلوه ع البركة تحقيق الامنية .,

و اتفق معك بخصوص شراء جينيسس ستاندر و تفضيلها ع الازيرا او الكادينزا الفل .,

لااكن باقي الأمنيه الأكبر اقتناء هالمحروسه


اشكرك مشرفتا على مروورك الطيب




اقتباس:
المشاركة الأصلية كتبت بواسطة The absent king مشاهدة المشاركة
مرآآآحب

على فكرة أخوي هذي نفس السيارة اللي جربتها الأسبوع الماضي
وكانت عندي عليها ملاحظة في العزل وان باب الراكب فيه مشكلة
والآن اتضح لي ان صاير عليها حاادث << الموظف مابلغني


وفي الأخير التقرير وافي وكافي ويعطيك الف عافية عليه
وتسلم يمينك ع الطرح
بالفعل انا اقول لو يشوفون لها حل ولا بيخرب كثييير على اقتناء السياره من جد
انا طول التجربه اشيك على الفتحه اشوفها اذا مفتوحه ربع او لا لأني كل ماامر بجنب شاحنه اسمع صوتها داخل السياره !!!!!

والله يعافيك حبيبي على مروورك



اقتباس:
المشاركة الأصلية كتبت بواسطة xBOSSz مشاهدة المشاركة
تقرير مميز وبوقته ... حمستني للسيارة .. الحمدلله تم شراء السيارة والاستلام يوم السبت
الله يصبرنا

ياخي زين فكيت الحيره واخذت الأفضل
والله يوفقك معاها ويعطيك خيرها ويكفيك شرها مقدما


واهلا وسهلا بيك
93وبس.! غير متواجد حالياً   رد مع اقتباس
قديم 15-06-2012, 10:53 AM   #9
ضيف
 
تاريخ التسجيل: Jun 2012
المشاركات: 26
معدل تقييم المستوى: 15
xBOSSz is on a distinguished road
افتراضي

اقتباس:
ياخي زين فكيت الحيره واخذت الأفضل
والله يوفقك معاها ويعطيك خيرها ويكفيك شرها مقدما


واهلا وسهلا بيك
آمين يارب ... عقبالك : )
xBOSSz غير متواجد حالياً   رد مع اقتباس
قديم 15-06-2012, 11:45 AM   #10
عضو نشيط
 
الصورة الرمزية FAST
 
تاريخ التسجيل: Nov 2011
المشاركات: 675
معدل تقييم المستوى: 17
FAST has a spectacular aura aboutFAST has a spectacular aura aboutFAST has a spectacular aura about
افتراضي

كني قريت جينسيس
أول شي : مبروووك النجاح
ثاني شي : أيش قصدت تقييم التجربه الكتابيه << ردي هههههههههههه من الأخير وجهي كذا أنا قاعد أقراء الموضوع
95 وبس . ياخي أنت شارب قهوه قبل ماتكتب الموضوع
اللي يفقع المراره بالموضوع خويك راكب قبلك
تعرف وش اللي قاهرن مكينة 3.3 مدري ليش يجبونها عندنا و البنزين رخيص لا وبعد بدون زجاج عازل
أنا كد ركبتها بصالة الوكاله صدق هدوء لبعد الحدود خاصه مراتب جلد لينه. مو مثل الدينالي مراتب الجلد صلبه كنك قاعد على بلك
ماشأالله وفيت وكفيت بالموضوع
أصبر شوي بس صوره وحده
الموضوع يتسهل التقييم
فمان الله
__________________


التعديل الأخير تم بواسطة FAST ; 15-06-2012 الساعة 11:51 AM
FAST غير متواجد حالياً   رد مع اقتباس
قديم 15-06-2012, 03:04 PM   #11
عضو مشارك
 
تاريخ التسجيل: Aug 2011
المشاركات: 467
معدل تقييم المستوى: 17
زيـزو is on a distinguished road
افتراضي

مشكـور إخـوي تقـريرك ممتـآز جداً جـداً

والجـيني إبدآآآآآع صرآحـة
زيـزو غير متواجد حالياً   رد مع اقتباس
قديم 15-06-2012, 04:07 PM   #12
عضو مشارك
 
تاريخ التسجيل: Jun 2012
المشاركات: 129
معدل تقييم المستوى: 15
a3ane is on a distinguished road
افتراضي

تقرير رااااااااااااااااائع وما قصرت يا بعدهم

الله يجزاك خير يا بعد روحي مبين عليك ماشاءالله حكة سيت على قولتهم هههههههههههه

صراحه افدت ناس كثير ومن بينهم انا

بس بسالكم نص الفل بالجينسيس الي تجي مكينتها 3.8 او ما يسمونها بفل الـ6 السنلدر يجي فيها قزاز دبل ؟

وشو العوازل الي يجي فيها ؟

الفرق بين فل الـ6 وفل الـ8 فرق مكينه وجنط بس ؟؟

المعذره ب قريت للواعلان عررض 139 الف نص فل وحبيت اسالكم يجي مدبل واذا مدبل كيف العزل للمجربين ؟؟ يجي روعه ؟
a3ane غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:29 PM.


Powered by vBulletin ® Copyright © 2000 - 2019
جميع الحقوق محفوظة لـ منتدى السيارات الكورية