منتدى السيارات الكورية

منتدى السيارات الكورية (https://www.koreanbeast.com/)
-   قسم سيارات السيدان الصغيرة (هيونداي) (https://www.koreanbeast.com/f50/)
-   -   تركيب ريموت سيارة من عند العليان حصرياً بالصور (https://www.koreanbeast.com/koreanbeast44569)

لولو 2012 gls 31-07-2012 12:55 PM

تركيب ريموت سيارة من عند العليان حصرياً بالصور
 
بسم الله الرحمن الرحيم

السلام عليكم ورحمة الله وبركاته

رحت يوم الجمعه وفريت الغرابي أدور ريموت للسيارة المهم فريت المحلات واحد واحد طبعاً بضاعتهم وحده لان الموزع واحد :d وأسعارهم متقاربه من 130 إلى 170 ريال وطبعاً جميعها صناعتها صينيه وضمانها سنة وأشكال ريموتاتهم قديمة واللي كأنه مخشب وزي كذا :p


عاد انا قبل لا أجي للغرابي بيومين مريت العليان اللي في طريق خريص ولقيت عندهم ريموت شكله حلو وتحس انه ريموت وكاله ويشبه ريموت الكامري اللي يجي وكاله ولا أدري يشبه ريموت سيارة ثانية ولا لا


قال لي هذا يجي معه انذار قلت انا ما ابي الانذار قال خلاص غير الشكل لأن هذا الشكل معه انذار
قلت طيب خلاص وكم سعره النهائي قال 229 ريال مع التركيب اذا التركيب بدون انذار اما اذا التركيب بالانذار فيكون سعره 259 وهذا السعر في وقت الخصم لأن سعره قبل الخصم 200 ريال بدون تركيب


قلت خلاص بمرك وقت ثاني


عاد يوم اني قاعد افر في الغرابي كل ماشفت ريموت تذكرت اللي عند العليان ولا خش في مزاجي الا هو وقلت يارجال توكل على الله ورح للعليان وأخذه منهم أول شي ان المحل معروف وثاني شي اللي يركبون الريموت فلبينية ماهو اليمنية اللي مالين الغرابي ;)
وبعد نصيحة أخوي @أبو طارق@ يقول اذا تقدر على قيمته أخذه وأنا استشرت أبو طارق لأن أخوه ركب ريموت من عند العليان (أخوه معنا في المنتدى ولاكن مدري وش النك حقه :d)


ملاحظة العليان اللي في الغرابي مايركبون ريموتات للسيارات وأستغربت منهم :eek:


يوم صليت العصر يوم السبت توكلت على الله ورحت للعليان
عاد وانا قاعد اشتري الريموت فيه رجال معه ولده وأخذوا ريموتين لسيارته ولسيارة ولده

وهذا اللي شجعني اني آخذ هذا الريموت

المهم مالكم بالطويله أخذت الريموت وقلت يالله وين اللي يركبه قال ورشتنا في شارع انكاس رح لهم عطوني الفاتورة وختمولي على الضمان وبداية الضمان من نفس اليوم اللي تشتري منه الريموت


طلعت من عندهم وهذي الصوره يوم ركبت السيارة رايح للورشة يركبونه :

http://www.m5zn.com/uploads/2010/8/8...84uue300i5.jpg







وهذي صورة الريموت :

http://www.m5zn.com/uploads/2010/8/8...41nk3jshgs.jpg




وهذي صورة الفاتورة مع فاتورة التركيب :

http://www.m5zn.com/uploads/2010/8/8...iw5aj0ce03.jpg





وهذي صورة الضمان :

http://www.m5zn.com/uploads/2010/8/8...rfpg4v2a1e.jpg


::::::::::::::::::::::::::::::::::::::::::



وبعدها توكلنا على الله ورحنا لورشتهم

هذي الصورة يوم دخلت وفتح الكبوت علشان يشبك الكبس حقه يقول علشان شغل كويس :d

وقلتله الانذار ما ابغاه قال طيب ليش ماجبت اللي بدون الانذار لأن هذا يصير أغلى قلتله انا ابغى ريموت شكل كويس قال أهاا:d

قلتله انا ابغى يفتح ويسكر بس اذا جيت افتح مرتين يولع فلشر واذا جيت اسكر مره وجده يولع الفلشر قال خلاص مافيه مشكله قلت يالله ابدأ أشتغل ولاتكثر كلاااام :d


http://www.m5zn.com/uploads/2010/8/8...7lybcu38in.jpg





صور متفرقة من الشغل :

http://www.m5zn.com/uploads/2010/8/8...5pwv6enwlm.jpg


::::::::::::::::::::::::::::::::::::::::::::::::::::::::::::


http://www.m5zn.com/uploads/2010/8/8...zubkc77qh2.jpg


::::::::::::::::::::::::::::::::::::::::::::::::::::::::::


http://www.m5zn.com/uploads/2010/8/8...5sa3qxg4lw.jpg


::::::::::::::::::::::::::::::::::::::::::::::::


http://www.m5zn.com/uploads/2010/8/8...vjk6rp89b8.jpg


::::::::::::::::::::::::::::::::::::::::::::::::::::::


http://www.m5zn.com/uploads/2010/8/8...jg535p9017.jpg


:::::::::::::::::::::::::::::::::::::::::::::::::::::


http://www.m5zn.com/uploads/2010/8/8...icgr9dxdvz.jpg


:::::::::::::::::::::::::::::::::::::::::::::::::::::


http://www.m5zn.com/uploads/2010/8/8...512epzx5o5.jpg

:::::::::::::::::::::::::::::::::::::::::::::::::



::::::::::::::::::::::::::::::::::::::::::::::::::::::




عاد يوم خلص قعدت أجرب الريموت وأجرب الكهرباء الباقية مثل الانوار والمساحات وكل شي وتأكدت ان كل شي سليم وركبت المفتاح مع الريموت
وهذي صورة المفتاح مع الريموت :

http://www.m5zn.com/uploads/2010/8/8...fcpgp7p757.jpg


يوم جيت أمشي خلاص جاء راعي ألنترا 2011 فل كامل ومعه كرتون ريموت نفس كرتون ريموت سيارتي يبيهم يركبونه
قلت والله طلع الريموت ذا خطييير كلن شراهـ ههههههههه

الشغل أخذ من الوقت تقريباً 45دقيقة


لاكن عندي ملاحظات بسيطة على الريموت بعد ما ركبه :

*صار اذا جيت افتح يولع 3 مرات الفلشر وانا قايله مرتين قلتله انا قلتلك مرتين قال هذا مايجي هالحين هو كذا شفت الفلشر يوم يولع ثلاث مرات وكأنه أعجبني وخليته ولا كان قلت غيره :d


*وصار حاجه ثانية بعد التركيب اذا فتحت السيارة بالريموت وركبت فيها وسكرت البيبان تقعد يمكن 15 ثانية وتتقفل الابواب أوتوماتيك ويولع معه فلشر واحد
والحركة هذي مزعجتني هالحين وبروح اخليه يفكني منها ولا رجعت عليهم ريموتهم :d


*الريموت أبعد شي يفتح على بعد تقريباً وانا ماحسبتها من 8 أمتار إلى 10 أمتار .


واذا تذكرت حاجه بقولها لكم وأي استفسارات أنا حاضر ...

وبس .:d


تصدقون ياشباب ان كتابة الموضوع وتحميل الصور أخذ من وقتي ساعة ونص يعني دبل الوقت حق تركيب الريموت :d .

لاكن كل هذا لعيون الاعضاء اللي في هذا المنتدى ;) .


ولا أبيح من ينقل هذا الموضوع الى منتدى آخر دون ذكر المصدر
اللهم بلغت اللهم فاشهد .


منقول من صاحب الموضوع accent2010

Saud. 31-07-2012 07:43 PM

اول شي يعطيك العافية الشغل والتعب
وماشاء الله نقش افضل الموجود
بس ما فيه مثل ريموت الوكالة خاصتا حق النترا الجديدة
يوم جيت اشتري السيارة قالو ريموت ما يجي الا مع انترا بيضا قلت اجل اخصم قيمة الريموت .....والله ويخصمون من قيمة السيارة 1350 :joorri_ (202):
شكرا عالموضوع

bu neef 31-07-2012 11:18 PM

طيب اخوي انا بركب و متردد

لاقي واحد يشبه لريموتحقك بس ما فيه نيكل كله بلاستك اسود و بدون انذار ب 150 ريال

و قالي لازم نفك باب السواق عشان نركب قطعه مدري وش سماها لي

اخوي سؤالي هل فك باب السواق و ركبالقطعه لك ؟

Alassiri 01-08-2012 03:27 AM

اخوي عندي اكسنت زي اللي عندك بس بدون سنتر لوك ما يفتح الا باب السواق وابغا اركب ريموت وابغا الابواب كلها تفتح
يمديهم يسوونها لي ولا لازم ارووح الوكالة ؟؟

سياف99 01-08-2012 07:30 AM

ماشاء الله
نفس مواصفات الريموت حقي بالضبط
بس الفروقات :
سيارتي النترا 2011
الريموت ومع انذار ب 170مع التركيب >>>بس ما ركبت الانذار بس فلشر

ملاحظه : تكفى اذا حصلت حل للقفل بعد 15 ثانيه لا تبخل علينا عندي نفس المشكله

دمتم سالمين

amear 01-08-2012 07:44 AM

وعليكم السلام ...

ياحيا الله راعين الاكسنت الشكل القديم

اللي مثلي :joorri_ (202):

اهنيك والله تقرير ولااروع

انا مركب قبل 9 شهور ريموت بس باانذار :joorri_ (195):

وكلف علي كله 130

وماشاء الله تبارك الله ماشي معي تمام حتى الان

بس تدري وش عيب ريموت الانذار ان لاخلص بطارية الريموت وتوهقت ومامعك الريموت الثاني يشتغل الانذار :joorri_ (195):

كانك سارقها :joorri_ (202):

بس اهنيك بس مشكلتك غريبه

انا ماصارت معي الحمدالله اللي تقفل البيبان

لاقفلته

انا اضغطه يفتح ويسكر فقط

وفيه ميزه بالريموت لاضيعت السياره اضغط زر يولع الانذار واعرف وين مكانها

واستفدت منه يوم الجنادريه السنه اللي راحت :joorri_ (202): ابدا ماضيعت السياره مع الزحمه :joorri_ (202):

على العموم الله يعطيك خيرها ويكفيك شرها

امين

موفق اخووي

النترا12 01-08-2012 11:11 AM

شي جميل يالغالي بس انا معاي النترا 2012 وريموتها فن ويفتح عن بعد وبالنسبه اذا فتحتها بالريموت وانتظرت 30 ثانيه ولا افتح الباب ترجع تقفل من جديد بس هذا من بلدها حبيت ابين لك ممكن مع الزمن تسير لك مشاكل بالكهرب وتلعب في السياره لعب لو سبتها زي بلدها افضل تقبل مداخلتي:joorri_ (207):

أنت محبوبى 03-08-2012 06:50 AM

حياكم الله شباب موضوع جميل انا ركبت ريموت نفس حق الوكاله با الظبط بس صينى من احسن ما يكون 200 ريال بدون جرس انذار بس مع فتح الشنطه السياره هونداى 2012 تركيب الريموت ما يحتاج خبير المكان الشفا شارع المعارض المحل بيت السيارات الى قبل الاشاره شغلهم حلو :joorri_ (202):

لولو 2012 gls 04-08-2012 02:29 PM

يعطيكم العافيه يأخواني الموضوع منقول من منتدى ثاني وانا نقلته هنا للفايدة وهاذي موب سيارتي اي استفسار تقدرون تسألون صاحب الموضوع على رابط المنتدى أخر موضوعي فوق

معي النترا 04-08-2012 03:41 PM

الموضوع منقول من نفس المنتدى .,

http://www.koreanbeast.com/koreanbeast13071

و بالنسبه للرابط هو لنفس المنتدى .,

..

بصراحه استغربت ع بالي الالنترا مافيها ريموت ., :joorri_ (202):


الساعة الآن 11:48 AM.

Powered by vBulletin ® Copyright © 2000 - 2021
جميع الحقوق محفوظة لـ منتدى السيارات الكورية