العودة   منتدى السيارات الكورية > المنتديات الرئيسية > هيونداي > قسم الدفع الرباعي (هيونداي)

قسم الدفع الرباعي (هيونداي) جراند سنتافي - سنتافي - توسان

إضافة رد
 
LinkBack أدوات الموضوع انواع عرض الموضوع
قديم 29-11-2012, 03:45 PM   #1
ضيف
 
تاريخ التسجيل: Nov 2012
المشاركات: 25
معدل تقييم المستوى: 14
ابو يوسف٤٦٥ is on a distinguished road
افتراضي أسف سانتافي

السلام عليكم ورحمة الله وبركاته
بسم الله الرحمن الرحيم

بعد متابعة الموقع لشهور و الإستقرار على شراء سنتافي الجديد فل كامل توجهت لأحد المعارض و جالس أتفاهم على السعر مع الموظف ف طرى ع بالي و قلت للموظف لو سمحت جيب المفتاح و فعلا عطاني الريموت و سميت و دقيتها سلف ف المعرض ف اول شعور كان استغربت من صوت الماكينه داخل السياره عالي جداً (مافي عزل بين الماكينه و المقصورة) و حتى برا السياره الصوت عالي و يفشل كنه كورلا ولا اكسنت مع أنها ٦ صرندل.

طيب قلت يا ولد انتظر تصخن الماكينه (نفس الشي).

طلعت من المعرض و انا محتاااااار حدي.

شار علي واحد من الشباب أني أقوم أجريا اسوق موتره كيا فور ويل جديده و قالي الكوري ما راح يختلف واجد و اقارنها مع كامري جديد ٢٠١٢ قلت أوكي بعد التجربه أو الصدمة وين الفرق سما و ارض صوت الباب و هو يسكر عزل المحرك و صوت الشارع المطبات إحساس السواقة عامه يختلف ١٨٠ درجه.

الخلاصه الي يبي ازرار و شكل على حساب راحته و بعد السؤال عن سانتافي ٢٠١٢ الدبل تبين انه أضحوكة يفصل ع ال٣٥ و دفع أمامي من الآخر و الباقي كلام فاضي افصل ما يفصل.

و لا تنسون سعر البيع بعد كم سنه تطير نص قيمة الكوري هاذا متفق عليه ١٠٠٪


توجهت للوكاله و توكلت ع الله و أخذت افالون ٢٠١٢ فل كامل ب ١٣٠ بعد خصم ١٠ آلاف عرض نهاية السنه.

و فرق الإحساس (بالجودة) بين السانتافي السما و الأرض في كل شي يكفي الموتر يمشي ولا تسمع أصوات أبد ولا تحس بالقير و هو يعشق ولا حفر الأرض.

في النهايه شكرًا لكم بس حبيت أضيف تجربه صارت معي فقط يمكن تفيد احد قبل لا يشتري و هي وجهة نظر و الواحد لازم يتخلى عن شغلات عشان شغلات ثانيه (يا الجوده و الراحه أو الكشخه و الشكل و أزرار).

انا شخص يهمني اني اجلس ورا الطاره مرتاح و مروق و الباقي كله ما يهمني.

شكرًا لكم.
ابو يوسف٤٦٥ غير متواجد حالياً   رد مع اقتباس
قديم 29-11-2012, 04:05 PM   #2
عضو مشارك
 
تاريخ التسجيل: Sep 2012
المشاركات: 161
معدل تقييم المستوى: 14
القحطاني 505 is on a distinguished road
افتراضي

هو سنتافي 2013 الشكل الجديد
القحطاني 505 غير متواجد حالياً   رد مع اقتباس
قديم 29-11-2012, 04:12 PM   #3
عضو مشارك
 
تاريخ التسجيل: Aug 2012
المشاركات: 162
معدل تقييم المستوى: 15
فهد بن is on a distinguished road
افتراضي

اخوي اقسم بالله ان الافلون تبي تلعب فيك لعب فيها عيب مصنعي تنسيم الهواء واذا تبي تتاكد ادخل موقع تويوتا العربيه وشوف الافلون
اجل تقول عزل ههه
قسم بالله لو اقارن سيارات تويوتا في الهيونداي فرق كبير
يعني سوناتا مع الكامري سوناتا افضل
ازيرا مع الافلون ازيرا افضل
النترا مع كورلا النترا افضل بكثير
اكسنت مع يارس اكسنت افضل من سياره توصيل الطلبات
خلك مع سيارتك عبد اللطيف جميل نص سيارك الى بتشتريها مشلحها ابو جميل
فهد بن غير متواجد حالياً   رد مع اقتباس
قديم 29-11-2012, 04:21 PM   #4
عضو مشارك
 
تاريخ التسجيل: Aug 2012
المشاركات: 162
معدل تقييم المستوى: 15
فهد بن is on a distinguished road
افتراضي

هاذا رابط حق الافلون وتنسيم شف رد لنا
التنسيم في الافالون. 2012 - تويوتا العربية - TOYOTA4arab.com
فهد بن غير متواجد حالياً   رد مع اقتباس
قديم 29-11-2012, 04:28 PM   #5
عضو جديد
 
تاريخ التسجيل: Nov 2012
العمر: 30
المشاركات: 35
معدل تقييم المستوى: 14
ab77od is on a distinguished road
افتراضي

حبيبي الله يعطيك خيرها ويكفيك شرها
بس يمكن لانك بمعرض وتعرف الصوت بالمعرض يعطيك صدى واعلى
ab77od غير متواجد حالياً   رد مع اقتباس
قديم 29-11-2012, 05:45 PM   #6
عضو مشارك
 
تاريخ التسجيل: Sep 2012
المشاركات: 142
معدل تقييم المستوى: 15
jaleel8101 is on a distinguished road
Post السلام عليكم

انا معي 2013

ولا صوت المكينه عالي ولا شئ

بس احيانا الشخص يبي يقنع نفسه ان الي سواه صح


على العموم الله يديك خيرها ويكفيك شرها
jaleel8101 غير متواجد حالياً   رد مع اقتباس
قديم 29-11-2012, 05:48 PM   #7
ضيف
 
تاريخ التسجيل: Oct 2012
المشاركات: 10
معدل تقييم المستوى: 14
خيال الظل is on a distinguished road
افتراضي

انا عندي سنتافي 2013 نص فل ولا يوجد فيه اي مما ذكرت
بالعكس قمة المتعة في القيادة وقمة الفخامة
والمفروض تقارنها بالفورشنر لانه بنفس فئتها مو بالافالون
هونداي وتويوتا فرق كبير بينها لصالح هونداي في السنتين الاخيرتين
وشكرا
خيال الظل غير متواجد حالياً   رد مع اقتباس
قديم 29-11-2012, 06:11 PM   #8
ضيف
 
تاريخ التسجيل: Nov 2012
المشاركات: 25
معدل تقييم المستوى: 14
ابو يوسف٤٦٥ is on a distinguished road
افتراضي

عزيزي العزل (تيوتا عامه) ممتاز مقارنه مع اي سياره ثانيه بل يتفوق عليها الشباب بالنت و اليوتيوب لهم تجارب على ال ٢٣٠ و هنا المشكله مستحيل العزل ١٠٠٪ على السرعات العاليه انا عندي مرسدس ٢٠٠٥ فرخ فل ابشن بعد ال١٨٠ لازم تسمع تنسيم من تحت الأبواب بس شي عادي في كل سياره.

شوف مقاطع الأخ عمار باليوتيوب يشرح مواصفات السانتافي (لاحظ في كل مقاطعه و هو يشرح السياره شغاله و يصور من برا و داخل) صووووت الماكينه واضح جداً في كل الحالات. (و الصوت البساتم طقطقه بس مو طرب شكمان كان شوي تنبلع)

موتري القديم فورد ٢٠٠٤ ٨ صرندل شكمانين و دبات رياضية لمى أوقف ما ادري شغاله ولا طافيه لمى تدعس تسمع صوت العبارات أوكي بس مو صوت الماكينه !!

لو تلاحظ تفتح ماكينة أو شنطة اي سياره غير الكوري تشوف العازل فابرك اسود على البانه من داخل و الصاجه بين الماكينه و الطبلون بس الكوري مافي بس حديد !

و ضيف البانوراما بعد و تنسيمها و عزلها السيء في كل السيارات مو بس الكوري.

طيب شي أحسن من شي أما صوت الماكينه واضح و البانوراما بعد شوي و البيبان على خفيف و صوت الكفرات و الشارع (شي لا يحتمل).

لعلمك انا سايق فورد ٢٠٠٤ و مرسدس على مدى أكثر من ٥ سنين و راعي سفر بعد تجربة الكوري (ما يصف ١٠٪ مع هال سيارات مع أنها ماشيه فوق ال ٢٠٠ ألف )
السانتافي سياره حلوه بس مو ب ١٣٠ ألف بحسبه سريعه ما تسوا بعد المقارنة.

غير ظربة السعر بعد البيع الييييمه صراحه و الدبل (فشوش) تدري أن سزوكي و دايو الفور ويل الصغار أحسن على الأقل فل دفرنشل بقير منفصل مو الكوري (٧٠٪ أمامي و ٣٠٪ خلفي و بعد ال ٣٥ كم يفصل بس أمامي) كلام فاضي و الطلعات الي يطلعها بالبر اي سياره صالون تطلعها نسم و توكل !!!

انا أقول وجهة نظر بموضوعيه و تجربه و خبره طويله بالميكانيكا و لعلمك متعتي في الحياه توظيب المكائن عسل على قلبي لا توصخت ايديني زيت (مع اني جامعي و موظف و لله الحمد ببنك بتخصص خبير بنكي و تقني)

في النهايه كلها حديد و لولا اختلاف الأذواق لا بارت السلع.
ابو يوسف٤٦٥ غير متواجد حالياً   رد مع اقتباس
قديم 29-11-2012, 06:42 PM   #9
ضيف
 
تاريخ التسجيل: Nov 2012
المشاركات: 25
معدل تقييم المستوى: 14
ابو يوسف٤٦٥ is on a distinguished road
افتراضي

الأخ الي يقول قارن بالفورتشنر أوكي.

الفورتشنر بايخه حلو الكلام بس (الجوده) لمى تدق الدبل بالبر و تسحب سياره ثانيه أو تقلص طراد أو دبابات (هنا قيمة فلوسك تطلع).

تانكي البانزين بجيوب التيوتا الفل (تانكين) تمشيك من الدمام إلى مكه بفل واحد (هنا تطلع قيمة فلوسك)

المواصفات الكماليه (تبريد تسخين، بانوراما، اسيات شكلها حلو شاشه ال الخ الخ) أو (دبل كامل مع دفرنش منفصل، خزان بنزين دبل، حياة السياره مقدره من قبل الخبراء الأجانب من مجلات سيارات و برامج عالميه بمدى طويل وهاذا سبب سعر إعادة البيع العاليه في كل العالم مو بس عندنا).

أعيد الكلام الي فوق كشخه أو راحه

انا بعدي أقول للشباب أطلق موتر هو سانتافي ٢٠١٢ تأخذ الفل من المعارض أصفار ب حول ال ٩٠ ألف !
هنا احب هيونداي ع راسي والله مو ١٣٠ ألف و تبيعها ب ٦٠ تالي !!!

(القناعات تختلف من شخص لشخص) و انا أشارك بقناعاتي لا أكثر ولا اقل و أسف إذا احد يحس اني اتهجمه أو أقلل من قدر اختياره.

أخوكم الصغير ابو يوسف.
ابو يوسف٤٦٥ غير متواجد حالياً   رد مع اقتباس
قديم 29-11-2012, 07:23 PM   #10
عضو جديد
 
تاريخ التسجيل: Nov 2012
المشاركات: 59
معدل تقييم المستوى: 14
abdullah-f is on a distinguished road
افتراضي

ابو يوسف يالغالي
الف مبروك ع الموتر والله يعطيك خير و يكفيك شره
موضوع صوت مكينة السنتافي 2013 انه عالي فسمح لي واضح جدا انك ما جربته و بنيته علي الصوت الخارجي و السياره وقفه
عزيزي صوت المكينه و القير من اروع ما يكون هادء جدا
اما بنسبه للجوده فارجوك لا تقول شركة تويوتا فيها جوده عاليه للاسف هذا الكلام في السابق اما الان لا و الف لا
مراح اقول ان هونداي افضل من تويوتا ولكن ساقول تويوتا لا تتفوق علي هيونداي في الجوده
ارجع و اكرر كلامك عن السنتافي غير مبني علي تجربه فقط ع تجربه تشغيل بسيطه لا يمكن الحكم من خلالها علي السياره
و كل كلام من باب قناع نفسك بنا شرائك للافالون كان صحيح ؟؟؟
و من نفس الباب اقولك قرارك كان غلط و اخذت موديل 2012 برغم تغير الشكل بالكامل في موديل 2013
فخليك مع سيارتك و الله يبارك لك فيها و لا تعيب سيارات غيرك فقط من اجل ان تثبت انك تفعل الصح
abdullah-f غير متواجد حالياً   رد مع اقتباس
قديم 29-11-2012, 07:25 PM   #11
عضو جديد
 
تاريخ التسجيل: Nov 2012
المشاركات: 59
معدل تقييم المستوى: 14
abdullah-f is on a distinguished road
افتراضي

و فرق الإحساس (بالجودة) بين السانتافي السما و الأرض في كل شي يكفي الموتر يمشي ولا تسمع أصوات أبد ولا تحس بالقير و هو يعشق ولا حفر الأرض.


من متى و الجوده تقاس بالاحساس يا عزيزي


و شي ثاني
كيف يا عزيزي تقارن الافلون السيدان بالجيب السنتافي خلينا منطقيا
abdullah-f غير متواجد حالياً   رد مع اقتباس
قديم 29-11-2012, 07:56 PM   #12
ضيف
 
تاريخ التسجيل: Nov 2012
المشاركات: 25
معدل تقييم المستوى: 14
ابو يوسف٤٦٥ is on a distinguished road
افتراضي

مساكم الله بالخير و مشكورين ع النقاش الجميل ؛)

تغير الشكل في الافالون يأتي مع تغيير السعر (فرق لا يقل عن ٢٥ ألف لنفس السياره بس شكل أبشع ) اليابانين أشكالهم دمااار هل يومين.

انا بسوق السياره ولا بصور معها عشان (انستاقرام).

المقارنة تجئ مع الأخذ بعين الاعتبار السعر كاش و قيمة ما بعد البيع (أولا و آخراً الفلوس مو لاقيتها بالشارع ولا سارقينها مكرمين)

بالنسبه الجوده الله لا يهينك وقف بالإشارة و احسب كم سياره كوري عمرها أكثر من ٤ سنين تمر عليك و لو صادفت كيف حالها !!!

إلي يقول التقييم مو بالإحساس انت لما تركب مرسدس و ترجع تركب كابرس و بعدها جمس و بعدها سانتافي (راح تحس بالفرق بين السيارات و تفضل وحده منهم)

نعومة الدركسون، نعومة الفزه لمي تكون واقف إحساس البريك الخ الخ ماتجي إلى لمى تسوق السياره.

و للحق ما جربت السانتافي ٢٠١٣ بس جربت أختها الكيا و للمعلوميه المصنع واحد بكوريا (صارو زي شفر و الجمس التاهو و اليوكن) بس اختلاف الشكل!

لا انا ببيع سيارتي ولا أنتو بتبيعون بس الي يفكر يشتري يقرا كلامي و كلامكم و يأخذ فكره.

:)
ابو يوسف٤٦٥ غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
سانتافي، افالون، كوري

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
إلنترا تورينج و سانتافي الجديدين كلياً تحصلان على "جائزة أفضل سيارة في كندا 2013" سوناتا الغامدي قسم المواضيع العامة ( هيونداي ) 10 16-02-2014 06:36 PM
يا اخوان اللي عنده مشكله مع سانتافي 2011 بالمدينة يكلمني خلينا نكون يد وحدة راعي سانتافي2011 قسم الدفع الرباعي (هيونداي) 5 05-12-2012 09:08 AM
الرجاء مساعدتي سانتافي أو توسان ابوراما81 قسم الدفع الرباعي (هيونداي) 7 23-05-2011 10:34 PM
بأستلم الـ (سانتافي 2008) في هاليومين إن شاء الله... عندي شوية استفسارات SaM-13 قسم الدفع الرباعي (هيونداي) 3 15-04-2011 03:04 PM


الساعة الآن 03:38 AM.


Powered by vBulletin ® Copyright © 2000 - 2019
جميع الحقوق محفوظة لـ منتدى السيارات الكورية