العودة   منتدى السيارات الكورية > المنتديات الرئيسية > كيا > قسم الدفع الرباعي (كيا)

قسم الدفع الرباعي (كيا) موهافي - سورينتو - سبورتاج

Like Tree31Likes

إضافة رد
 
LinkBack أدوات الموضوع انواع عرض الموضوع
قديم 12-02-2013, 03:27 PM   #1
عضو نشيط
 
الصورة الرمزية y2y1500
 
تاريخ التسجيل: Mar 2012
المشاركات: 647
معدل تقييم المستوى: 17
y2y1500 is on a distinguished road
Lightbulb تقرير استثنائى ومصور لا يفوتكم يا سبورتاجية .. حصريا بعد قطع 23500 كم

السلام عليكم ورحمة الله وبركاته



كيفكم يا اخوان ؟؟ افتقدتكم جميعا ..



اليوم وبعد طول غيابى عنكم وعن هالمنتدى اللى جمعنى بيكم .. جايبلكم جديدى مع سبورتاجى النص فل دبل 2012


لكن بالاول .. تقبلوا اعتذارى عن الاختفاء الفترة الماضية لانشغالى فى العمل خاصة بنهاية العام الماضى وبداية العام الحالى وكمان لأنى سافرت اسبوع خارج السعودية بشهر يناير .. ما قدرنا نتجمع من اول وآخر تجمع لينا بالرياض فى 4 اكتوبر 2012 وقت كان فيه اختبار قيادة لموديلات كيا بالسلام مول



لمزيد من التفاصيل وصور التجمع ادخل على رابط الموضوع التالى





والحمد لله تقرر عقد مقابلتنا الثانية باذن الله يوم الخميس القادم 14 فبراير 2013 بالمنطقة الشرقية - اكتر مكان منتشر به السبورتاج بالمملكة - والمكان تحديدا راح يكون على كورنيش الخبر الجنوبى بعد صلاة المغرب والدعوة عامة لكل السبورتاجية وياريت نتعرف عليكم كلكم خصوصا ان اليوم موافق عيد الحب ههههههههههههههههه



لمزيد من التفاصيل ادخل على رابط الموضوع التالى





وإليكم محتويات موضوعنا الاستثنائى اليوم :



1. تقرير مفصل عن تغيير زيت الماكينة



2. تقرير مفصل عن صيانة ال20.000 كم بالوكالة



3. تقرير مفصل عن تغيير تيل الفرامل (الفحمات)



4. تقرير مصور حصريا عن تركيب دواسات ارضية اصلية وفرش جلد للشنطة


=======================

(يرجى التكرم بعدم المشاركة لحين الانتهاء من الموضوع بالكامل)
__________________
Ph.Youssef Hassan
Uploaded with ImageShack.com
y2y1500 غير متواجد حالياً   رد مع اقتباس
قديم 12-02-2013, 03:46 PM   #2
عضو نشيط
 
الصورة الرمزية y2y1500
 
تاريخ التسجيل: Mar 2012
المشاركات: 647
معدل تقييم المستوى: 17
y2y1500 is on a distinguished road
Thumbs up أولا: تقرير مفصل عن تغيير زيت الماكينة

أولا: تقرير مفصل عن تغيير زيت الماكينة



من يوم ما استلمت السيارة زيرو ووقت ما دخلتها عالوكالة باول صيانة (5000 كم) .. وعرفت ان الجبر يحط نوعية كاسترول GTX بمعامل لزوجة 10W30بيتغير كل 5000 كم ..



وانا اود تغيير الزيت الى نوعية تخليقية بالكامل تحافظ على الماكينة وطول عمرها الافتراضى ويتم تغييرها كل 10 الاف كم حتى ارتاح من مشوار الوكالة اللى صار يسبب لى صداع مزمن كل ما اقرب على عمل الصيانة خاصة انى اقطع بالشهر حوالى 3000 كم او اكثر



يعنى كل شهرين بأسوى صيانة !!!



وطول العام الماضى وانا ابحث وادور على نوعية جيدة بالسوق السعودى تصلح للسبورتاج حسب مواصفات الكتالوج الخاص بها والذى يوصى بمعامل لزوجة 10W30 مثل ما يحط الجبر (وانا اشوفه ثقيل شوية عالماكينة خاصة بالشتاء)



والنوعية الثانية هى 5W30 (ده الانسب لكل درجات الحرارة خاصة المنخفضة فى بداية التشغيل بالشتاء وبرد الرياض المعروف فى الصباح والذى يعتبر اكتر وقت يحدث فيه تآكل لأجزاء المحرك)



وأخيرا معامل لزوجة 5W20(نادرا ما يكون موجود بالسوق ومناسب اكثر للبلدان الباردة مثل اوروبا لأنه خفيف نوعا ما) كما يلى:







وبنهاية المطاف حددت الاختيار بين نوعين لا ثالث لهما .. إما ليكوى مولى توب تيك الالمانى وده اللى كنت باستخدمه فى سيارتى الصنى بمصر بعد موبيل وان وكان تحفففففففة



وعرفت انه موجود فقط بتوكيلات بى ام دبليو ومرسيدس بالسعودية واللى لقيته منه بالمحلات غير ملائم للسبورتاج كنوعية او معامل لزوجة وكمان سعره مبالغ فيه بيوصل 48 ريال للتر الواحد



ودى صورته (سوبر لايتلوف)







أو النوع الثانى وهو كاسترول ايضا لكن التخليقى وليس الGTX النصف تخليقى .. وهو ما استقريت عليه بعد زيارتى لمعرض السيارات الدولى بالرياض فى شهر نوفمبر 2012 وكانت كاسترول احد رعاة المعرض الرئيسيين وبعد حديث مطول مع طاقم الشركة القادم من دبى واعلانات متكررة بالراديو عن زيت كاسترول ماجنتيك بحبيبات الحماية الخاصة



توصلت الى ان مواصفاته ملائمة جدااااا للسبورتاج .. لأن توصيات الكتالوج ان تصنيف الزيت حسب المواصفات الامريكية يكون SM أو أكثر (أى(SN .. وحسب المواصفات الاوروبية يكون ILSAC GF-4 أو أكثر (أى GF-5)


وكمية الزيت عند التغيير تكون 4.6 لتر






ولمزيد من المعلومات عن الفروقات بين مواصفات الزيوت .. فيما يلى صورة توضيحية لملائمة كل تصنيف حسب انتاج السيارات بالسنوات






والملائم للسبورتاج هو الSM الخاص بالسيارات المصنعة فى الفترة بين 2004-2011 والمقصود هنا هو تقنية بناء المحرك وليس موديل السيارة



لأنه فى حالة السبورتاج الماكينة 2.0 & 2.4 L THETA II هى تقنية قديمة نوعا ما ومستمرة من الجيل السابق الذى توقف انتاجه ب2010 عكس مثلا تقنية محركات الGDi المصنعة ب2011/2012 ويلزمها مواصفات الSN


ويقابلها فى التصنيف الاوروبى A5




ونتيجة للحديث المطول مع أفراد جناح كاسترول بالمعرض عرفت انه موجود بالمحطات لكن بسعر يصل الى 40 ريال او أكثر للتر الواحد ولا يوجد منه عبوات 5 لترات



وايضا نصحنى أحدهم ان اشترى كرتونة من احد الموزعين المعتمدين لهم بالرياض ووصف لى واحد منهم بطريق الخرج جنوب الرياض حتى تكون اوفر بسعر الجملة



وطبعا ما صدقت وقولت اجهز نفسى واشترى كرتونة ومش هاتخسر (انا استخدم 5 عبوات دلوقت واعطى اخويا 3 عبوات لتغيير زيت سيارته الالانترا 2012 بأول صيانة واترك الباقى للصيانة القادمة)



وبالفعل توصلت الى مكان الموزع المذكور .. وهو بالوصف لمن يود خوض تجربتى كما يلى:



طريق الخرج جنوب سواء اذا كنت جاى من مخرج 15 فى الشرق او طريق الستين او صلاح الدين الايوبى اذا كنت جاى من الغرب


تطلع الكوبرى الاول بعدها هتلاقى محلات زجاج سيارات كتير على اليمين واليسار


وتطلع الكوبرى الثانى حتى تجد محلات الكفرات ميشلان وهانكوك وغيرها بعدها هتلاقى اشارة على تقاطع كبير وعلى اليمين مجمع اسواق بأوله توكيل العيسائى وكيل ميتسوبيشى


المحل خلفه مباشرة وعليه يافطة كاسترول ويبيع ماركات زيوت أخرى


وأوقات الدوام كالمعتاد من الصباح حتى الظهر - ومن بعد العصر حتى 8 او 9 مساءا







وفيما يلى صورة الكرتون به 12 عبوة واحد لتر بسعر 290 ريال بسعر الجملة (أى سعر اللتر تقريبا 25 ريال)



والمواصفات كما هو مكتوب عليها طبقا للتصنيف الامريكى API SM/CF وطبقا للاوروبى A5 ومعامل اللزوجة 5W30 والنوع ماجنتيك







ودى صورة عبوة الزيت بكل المعلومات عليها







ولقيت عنده كمان باقى منتجات كاسترول فاشتريت عبوة سائل للفرامل احتياطى DOT3 ب10 ريال


وبكده الحساب كان 300 ريال بالتمام والكمال







وبكده يتبقى التجربة .. وكان المفترض انى انتظر لصيانة ال20.000 كم لكن لقيت الافضل اتخلص من الزيت الردىء الGTX اللى حطيته 3 مرات بالوكالة عند 5 و10 و15 الف كم وصار الوقت للتغيير الجذرى للافضل



وساهم فى أخذ القرار الفورى هو سفرى لأداء العمرة وزيارة أخى بجدة اول ديسمبر والمسافة راح تزيد عن 2500 كم علاوة على العداد اللى كان وقتها 17500 كم







وطبعا مع حرارة التشغيل وسرعة تصل الى 160 كم/س متواصلة لألف كم تقريبا فضلت انى اغيره قبل السفر وتبقى فرصة حقيقية لتنظيف المحرك وكمان الحكم على أداء الزيت الجديد



ولم يتبقى الا انى اشترى فلتر الزيت من الوكالة وثمنه 14 ريال فقط لا غير







يبقى فاضل التركيب والتجربة العملية



وجرى البحث عن محطة زيوت اغير فيها الزيت والفلتر .. وهنا اكتشفت السرقة والجهل



السرقة لأن سعر نفس عبوة الزيت كاسترول ماجنتيك اللى انا شاريها ب25 ريال كان يتراوح بين 50-60 ريال !!!!


وكمان مفيش تغيير زيت بدون ما اشترى زيت من المحطة !!!!!



واتكرر الموضوع فى اكتر من مكان زى بترومين وغيرها الا ان لقيت ورش صغيرة دون المستوى وكانت تكلفة المصنعية 30 ريال !!!



طبعا العملية مش مستاهلة اكتر من 10-15 ريال ولا تحتاج الى فن اساسا واذا عندى جراج كنت غيرته بنفسى



المهم استقريت على احد الورش فى شارع الاحساء وغيرته عندها ب30 ريال مثل الباقى


ووقفت على راس العامل وهو بيفك ويركب الطبة والفلتر والغطاء البلاستيك فى اسفل كارتيرة المحرك وكمان خليته ينظف فلتر الهواء وفلتر المكيف اللى رفض يفكه عشان خاف يكسر درج التابلوه (انا فكيتهوله وركبته تانى بعد التنضيف بالهواء)



وطبعا انا اللى عايرت ال0.6 لتر فوق ال4 لترات واخذت الباقى فى احد العبوات لأنه طبعا كان هايحط ال5 لتر كلهم ويطلع فوق العلامة !!!



ربط كل حاجة تمام التمام واتوكلت ع الله بعد اما دورت وبطلت وقيست المقياس اللى العامل ما عملهاش وكان هايقفل الكبوت ويلعب ضغط عليه عشان يقفله هههههههههههههههههههه بس مسكته من ايده وقفلته انا طبعا بالطريقة إياها



الكوميديا انه حب يتفلسف معايا ويقولى شوف ناقص ازاى .. شكلها بتاخد 5 لتر ؟



رديت عليه بكل برود وقولتله: انا عارف عربيتى وعارف كويس انها بتاخد 4.6 لتر وليس 5 لتر وعالعموم القياس دلوقت فى اول الدوارة مش دقيق ولازم انتظر 5-10 دقايق عالاقل .. وبعدين انا معايا الباقى 0.4 لتر لو محتاجة هازودها بنفسى



وثانى يوم الصبح قيستها تانى وطلعت مظبوطة بالمللى على العلامة ال F


المهم اول 2-3 كم بالعربية ما كانش فيه فرق ملحوظ ولكن بعد وصول الزيت لكامل اجزاء المحرك وكبس دواسة البنزين لقيت نعومة فى السحب وعدم خشونة مثل الاول وكمان بالايام التالية فى اول دوارة الصبح فى البرد كان الصوت اخف من الزيت القديم وبعد مشوار جدة - مكة والعودة للرياض حسيت بالوقت انى ضيعت وقت طويل فى الزيت القديم الرخيص ..

===========================

(يرجى التكرم بعدم المشاركة لحين الانتهاء من الموضوع بالكامل)
__________________
Ph.Youssef Hassan
Uploaded with ImageShack.com
y2y1500 غير متواجد حالياً   رد مع اقتباس
قديم 12-02-2013, 04:04 PM   #3
عضو نشيط
 
الصورة الرمزية y2y1500
 
تاريخ التسجيل: Mar 2012
المشاركات: 647
معدل تقييم المستوى: 17
y2y1500 is on a distinguished road
Thumbs up ثانيا: تقرير مفصل عن صيانة ال20.000 كم بالوكالة فى 12/12/2012

ثانيا: تقرير مفصل عن صيانة ال20.000 كم بالوكالة فى 12/12/2012



بعد الرحلة السابقة وعودتى بالسلامة للرياض كان العداد وصل الى 20.000 كم







وكان لابد من عمل الصيانة وختم كتيب الضمان بختم الجبر حفاظا على ضمان السيارة خوفا من المستخبى والمقدر والمكتوب هههههههههههه



وليس حبا فيه او رضاءا عن كفائة صياناته لأنه بصراحة ما ينوبنا منه غير العطلة والسيارة ما بتتصان بذمة ولا شىء


لكن السؤال اللى بيطرح نفسه .. هو أنا هاعمل ايه فى الصيانة ؟؟



طبعا الزيت والفلتر تم تغييرهم خارج الوكالة قبل اسبوع



فلتر المكيف .. مش عاوز اغيره ومش هاغيره الا مع الصيف وعلينا خير ان شاء الله لأن استخدامى للمكيف شبه ضرورى الفترة الحالية وغالبا ما استخدم المروحة فقط صباحا مع تدفئة خفيفة ل5-10 دقايق وبس



البوجيهات (البواجى) وفلتر الهواء .. طبعا لازم يتغيروا



العجلات .. أخييييييييييييييييييييييييرا لأول مرة من تركيب المصنع بكوريا راح يفكونها وينظفوا التيل بذمة ومش بعيد يقولولى عاوز يتغير هههههههههههه وطبعا لازم يعملوا تدوير الامامى مكان الخلفى ويعملوا ترصيص



والباقى تشييك ع الانوار وتشحيم الابواب وتزويد السوائل وتنظيف الماكينة وتربيط اجزاء التعليق



وطبعا ممنوع التشييك على ضغط الكفرات لأنى معبيها نيتروجين ولن اسمح هالمرة انهم يخلطون هواء عادى عليه مثل كل مرة هههههههههههههههه



آه نسيت اقولكم على مغامراتى مع فروع صيانة الجبر بالرياض من اول ما طلعت السيارة من فرع خريص ورخصتها وانا كل مرة ازورهم ينكروا نسبى ويطلعوا مش مسجلين ع الكومبيوتر بيانات سيارتى او مسجلة وفيه امر شغل مفتوح بفرع آخر وما أقدرش اعمل الصيانة الا بعد ما يتكسر الملف فى فرع مخرج 18 !!!



وكل ده بيحصل سواء فى فرع الملز بشارع الستين (اقرب فرع لبيتى) او فرع السلام بشارع احمد بن حنبل او فرع النسيم بالصناعية



المهم المرة دى كانت المفاجآة انى لقيت امر الشغل اللى اتفتح فى مخرج 18 فى صيانة ال5000 كم فى شهر يونيو 2012 لسه مفتوح وفرع الملز مش هايقدر يعملى صيانة الا لما يتقفل الاول !!!!!!!!!!!!!!!!!!!!!!!!!!!!!!!!



الغريب انى عملت صيانة ال5000 كم المجانية وكمان صيانة ال10 الاف كم فى فرع الملز ودفعت 288 ريال واخدت فاتورة .. ادينى عقلك !!!!!!!!!!!!!!!!!!!!!!!!!!!!!!!!!



طبعا حلفت 100 يمين ما انا ماشى وهاعمل الصيانة يعنى هاعملها وروحتله بعد العشاء وقعدت ساعة حتى دخلت السيارة والكوميدى ان المهندس لما شافنى مصر انى اعمل الصيانة وقولتله انا مش هاغير غير بواجى وفلتر هواء وبس يعنى بالكتير اوى ساعة ونص شغل وهما شغالين ل11 مساءا .. لقيته لما قعدت بيطبع الفاتورة وامر الشغل المانيوال بقى مطبوع !!!!!!!!!!!!



ما علينا .. حسبى الله ونعم الوكيل شاريين سيارة زيرو عشان نكفر سيئاتنا بكل صيانة



اساسى دخلت الورشة اللى هى داخل محطة البنزين ووقفت مع الفنى وهو يشتغل وكل حاجة اشوفها مظبوطة ولا لأ



تم تغيير فلتر الهواء وده شكله قبل وبعد










تم تغيير البواجى



بنوع بلاتينيوم بدلا من العادية الموجودة بالسيارة بعد وصلة كلامية مع مهندس الاستقبال اللى وصلت انه استجاب لرغبتى فى تركيب البلاتينيوم وهو مش مقتنع ان فيه فارق بين الاتنين وانه لازم يركب زى اللى خارج من السيارة بالظبط وانه فيه سبورتاج نازلة ببلاتينيوم وسبورتاج نازلة بعادية ولما نفك نعرف النوع ونركب زيه هههههههههههههههه



طبعا ما سيبتوش غير لما قال للفنى اعمله اللى هو عاوزه لأنى اقنعته بالفارق لصالح البلاتينيوم فى قوة الشرارة والعمر الافتراضى وايضا الاداء ومهما كان نوع اللى راكب فى العربية هاركب البلاتينيوم



خاصة لما عرفت ان سعر العادية v-grooved (23 ريال للبوجيه الواحد*4) وبيتغير كل 20.000 كم


فى الوقت اللى سعر البلاتينيوم فيه (47 ريال للبوجيه الواحد*4) وبيتغير كل 40.000 كم


يعنى نفس التكلفة بالظبط والاختلاف فى عمره الافتراضى فقط والاداء طبعا

ده شكل البوجيهات القديمة العادية لما طلعت من العربية .. مش محتاجين كلام غير انهم زى ما يكونوا طالعين من عربية بقالها 3 سنين مش زيرو !!!!!






ودى صورة البوجيهات البلاتينيوم الجديدة







والصورة التوضيحية التالية كافية لبيان أيهم افضل من حيث الكفاءة والأداء







تم تدوير العجلات وعمل ترصيص



برضه بعد نصيحة - ما عملتش بيها من الفنى - انى اخليهم مكانهم احسن وما اغيرش مكانهم عشان ما اشتكيش من رجرجة وعدم اتزان حتى بعد الترصيص ومش بعيد ارجعله واقوله رجعهم تانى زى الاول ههههههههههههههههههه


طبعا كلام لا ينم الا عن ناس حافظة مش فاهمة اى حاجة عن العربيات ولا تصلح اساسا انها تشتغل بوكالة ان شاء الله صينية مش كيا اللى غزت اسواق العالم كله فى اخر 3 سنوات !!!!



النصيحة التانية انه كان عاوز يغيرهم زى النموذج C (الخاص بسيارات الدفع الامامى زى السبورتاج بدون دبل) لكن الصحيح واللى عملته هو النموذج B (الخاص بالدفع الرباعى) ويمكن عمل A ايضا دون مشاكل







النتيجة انه بعد التجربة مفيش رجرجة ولا اى خزعبلات من اللى قالهالى الفنى وكان اختيارى بتدوير الكروس موفق الحمد لله ومناسب للسبورتاج الدبل



التيل الامامى (الفحمات) عاوزة تتغير



زى ما توقعت تماما من عقلية العاملين بقطاع السيارات هنا انهم بيبحثوا عن المكسب والبيع وبس ومش فارقة معاهم ان الصح يتعمل


لأنى لما شوفت التيل الامامى بنفسى وجدت فيه 2 مللى باقيين على لمس الحديدة الخاصة بضرورة التغيير وهو ما يتماشى مع صوت الصفارة العادية اللى باسمعها من قبل ما اوصل لل10 الاف كم ولا يمت بصلة بصوت الصرير الناتج عن احتكاك حديد الفحمات بحديد الهوبات ..



وطبعا قولتله لأ مش هاغيره دلوقت ويقعد كمان 3000 كم عالاقل لأنى مش عاوز اركب تيل عادى زى اللى نازل فيها وهاركب تيل سيراميك (اطول عمرا / اقل تآكل / اكثر كفاءة فى الفرملة)



بعد التنظيف واتمام باقى اجراءات الصيانة .. روحت اشوف الفاتورة وادفع الحساب اللى قولت مش هايعدى 600 ريال لأنى ما غيرتش زيت وفلتر زيت ولا فلتر مكيف



لكن المفاجآة انى دفعت 768 ريال !!!!!!!!! بدون اى خصومات ولا احزنون رغم طلبى لذلك وده حقى لانى ما غيرتش زيت وكمان فيه حاجات ما ركبتهاش وطبيعى ان الفرق فقط فى ثمن البواجى البلاتينيوم والمفروض مصنعيات القطع الاخرى ما تتحسبش



كان الرد ان المصنعيات 540 ريال ثابتة لصيانة ال20 الف كم سواء ركبت كل حاجة او لأ !!!!!!!!!

اما قطع الغيار فهى 40 ريال فلتر هواء و188 ريال ثمن البواجى = 228 ريال فقط


حسبى الله ونعم الوكيل فى السرقة بدون وجه حق .. لكن ده ثمن خاتم الضمان اللى مخلينى اروحلهم برجلى فى كل صيانة كبيرة فقط لا غير يعنى ميعادى القادم هايكون على 40 الف كم باذن الله



ودى صورة الفاتورة للى حابب يتأكد



===========================


(يرجى التكرم بعدم المشاركة لحين الانتهاء من الموضوع بالكامل)
??????? 2012 and sportage13 like this.
__________________
Ph.Youssef Hassan
Uploaded with ImageShack.com
y2y1500 غير متواجد حالياً   رد مع اقتباس
قديم 12-02-2013, 04:41 PM   #4
عضو نشيط
 
الصورة الرمزية y2y1500
 
تاريخ التسجيل: Mar 2012
المشاركات: 647
معدل تقييم المستوى: 17
y2y1500 is on a distinguished road
Thumbs up ثالثا: تقرير مفصل عن تغيير تيل الفرامل (الفحمات)

ثالثا: تقرير مفصل عن تغيير تيل الفرامل (الفحمات)



من وقت ما خلصت صيانة ال20.000 كم وانا بافكر كيف بالاقى فحمات سيراميك للسبورتاج ؟؟



سألت بهيونداى الوعلان .. ما حصلت الا العادية مثل اللى نازلة بالسيارة ب354 ريال لكن ارخص من كيا اللى يبيعونها ب400 ريال للامامى و300 تقريبا للخلفى !!!



وبعد بحث ساعات وساعات عالنت ما حصلت اى وكالة عالمية بالسعودية من اى نوع لكن استقريت على نوع مونرو الشهير وحددت البارت نامبر من الموقع الرسمى لمونرو امريكا كما يلى:



للفحمات الامامية CX1295







للفحمات الخلفية CX1398







وبدأ البحث عنها وكيفية شرائها وطال البحث عدد من البلدان خارج السعودية مثل تركيا (أخويا كان مسافر 5 أيام فى شغل ووصيته يبحث عن وكيل مونرو هناك او يسأل بوكالة كيا باسطنبول لكن لم تسفر عن شىء وكان اللى هناك مثل اللى بيتباع هنا بالوكالة مع فارق السعر لفرق العملة لصالح هنا كان ارخص)



بعدها باسبوعين بمنتصف يناير كنت مسافر لماليزيا وبحثت بكوالامبور لكن دون جدوى تماما مثل محاولة اسطنبول



وهناك أخذت القرار تحديدا فى 15 يناير 2013 قبل عودتى للرياض ودخلت ع النت وبحثت على موقع اشترى منه ووقع الاختيار على الموقع التالى



Shop Online for Auto Parts at Woody's Auto Supply



وبالفعل وجدت ضالتى فيه بنفس الصور والارقام والمواصفات وكل شىء لكنها كانت اول مرة باشترى اشياء من النت وتحديدا من امريكا واحتمال النصب وضياع الفلوس او التأخير فى التوصيل وارد



لكنى توكلت عالله ودفعت بالفيزا وسجلت العنوان ورقم الهاتف وكل شىء وكانت التكلفة 100 دولار ثمن القطع (تيل امامى + تيل خلفى) وكان الشحن تقريبا بثمنهم



يعنى اجمالى 200 دولار (اى ما يعادل 750 ريال) .. أى تقريبا نفس سعر الفحمات العادية من الوكالة يعنى ما خسرت شىء بالتغيير وانا واثق انه للافضل



لكنها كانت مخاطرة بكل المقاييس



بعد اسبوع تم اخطارى بالبريد الالكترونى انه تم اصدار الفاتورة وتم الشحن عن طريق USPS دوليا وداخليا عن طريق البريد السعودى



بعد اسبوع آخر تحديدا فى 29 يناير 2013 وصلتنى رسالة من البريد السعودى على الهاتف بوصول الطرد رقم XXXXX ويمكننى استلامه من محطة الطرود بالمبنى الرئيسى بطريق الملك عبد العزيز (بعيد عن المنزل اقل من 5 دقايق) عن طريق رقم سرى



توجهت اليوم التالى واستلمت الطرد كما يتضح من الصور التالية












وبعد فتح الطرد اليكم الفحمات المونرو السيراميك كندية الصنع



















وده شكل الفحمات الامامية







وده شكل الفحمات الخلفية







وكل طاقم ييجى معه LUBRICANT خاص عند التركيب بالاضافة الى ورقة بخطوات التركيب كما يلى:







وفيما يلى صورة توضح حجم التيل الخلفى بالنسبة للأمامى












طبعا بعد ما اتطمنت ان كله تمام وان الشحنة وصلت بنفس طلباتى ونفس المقاسات والمواصفات وكل شىء



يتبقى التركيب والتجربة العملية خاصة انى وصلت الى عداد 23000 كم



وبدأ البحث عن مكان التركيب المناسب على النت ومشورة الاصدقاء وطبعا اخويا لخبرته مع البرادو اكثر من 5 سنوات و145 الف كم



طبعا وجدت مبالغة فى الاسعار والكفاءة كانت لصالح ميزان العضيب و إطارى وغيرها من الورش المختصة وبالسؤال فيها كان التركيب مع الخرط (اجبارى) للهوبات للجهة الواحدة امامية او خلفية 175 ريال !!!!



طبعا ما عجبنيش لأنى مش عاوز اخرط للحفاظ على عمر الطنابير (الهوبات) وحرام اساسا انى اغير تيل على 20 الف كم واخرط كمان



لحد اما لقيت ناس كتير على منتديات عربية بيشكروا فى ورشة ONE STOP احدى شركات مجموعة الحمرانى وكيل نيسان السابق رغم انى مش باطيقه لكن قولت لنفسى اروح اسأل واشوفه يمكن اقتنع



وبالفعل روحت لفرع قريب منى فى شارع الظهران بالملز بيوم 5 فبراير 2013







وهناك لقيت عامل هندى شاطر جداااا بيصنفر فى طنابير نيسان نيفارا .. سألته معى فحمات وعاوز اركبها امامى وخلفى


كم التكلفة ؟؟ .. 140 ريال



هل لازم تخرط الهوبات ؟؟ .. قبل ما يجاوبنى سألنى ايش السيارة وشافها بنفسه وقالى ما يحتاج لأنها جديدة وكده كده باصنفر باليد على خفيف لازالة الخرابيش والخدوش



عجبنى رده وباين عليه بيفهم فى الشغلانة (بصراحة فكرنى بصنايعية مصر)


المهم وقفت اتفرج على شغله .. عجبنى اكتر واقتنعت بيه قولتله توكل عالله







وبالفعل فك العجلات وخلع الفحمات القديمة واحدة واحدة وركب الجديدة مكانها كما يتضح من الصور التالية بالترتيب



1. العجلة الامامية يسار












2. العجلة الأمامية يمين







3. العجلة الخلفية يسار












4. العجلة الخلفية يمين












تم بحمد الله التركيب وتربيط العجلات







والان مع صور الفحمات القديمة (الله يحفظنا ويخلصنا من بخل الكوريين)



الامامية وهى باقى عليها 1 مللى متر فقط لا غير وتلمس الحديدة كما يلى:











بينما الفحمات الخلفية كانت كما يلى:







أكيد بتسألوا عن سبب انى غيرت الخلفية مع انها لسه فيه نصفها تقريبا !!!



اقولكم حتى تكون كبسة الفرامل متساوية على كافة العجلات وكله جديد فى جديد واخليهم عندى اذا ما صار شىء بعدين وحتى لا اسمع صفارة من الخلف واخيرا حتى يكون الطقم كله سيراميك وليس نص نص هههههههههههههه



بنهاية اليوم دفعت ال140 ريال ثمن التركيب وشكرت الفنى ودى صورة الفاتورة







وكنت متلهف للتجربة بعد هذه الرحلة الطويلة وكل التحديات لكن بعد التأكد من ان الدواسة صارت اقوى وان منسوب سائل الفرامل رجع تانى لمستواه الطبيعى عند الF بعد ان كان بين الF والL



بكل صراحة وبدون مبالغة من وقتها لحد الان قطعت تقريبا 500 كم داخل الرياض وما ادراكم ما شوارع واشارات وفرامل سيارات الرياض وصوت الصفارة المستديم اختفى تماما مهما كانت قوة الضربة



وكمان الضغط على الدواسة صار مثل الضغط على وسادة هوائية او فايبر مضغوط عكس الاول كنت احس بحاجة غلط


فالحمد لله انى اصريت على رغبتى لتغيير نوعية التيل ولم اركب الخاصة بالوكالة


ملحوظة: الفحمات الجديدة المونرو ركبت على الهوبات بصورة ادق من القديمة اللى شوفتها مفارقة قليلا وكانت ترجرج خاصة الخلفية منها اللى جاية بكلبساتها الخاصة لاحكام تثبيت الفحمات عليها بكل دقة وده باين اكتر عند شد فرملة التوقف او اليد



=======================


(يرجى التكرم بعدم المشاركة لحين الانتهاء من الموضوع بالكامل)
sportage13 and ENG.SAEED like this.
__________________
Ph.Youssef Hassan
Uploaded with ImageShack.com

التعديل الأخير تم بواسطة y2y1500 ; 12-02-2013 الساعة 04:49 PM
y2y1500 غير متواجد حالياً   رد مع اقتباس
قديم 12-02-2013, 05:08 PM   #5
عضو نشيط
 
الصورة الرمزية y2y1500
 
تاريخ التسجيل: Mar 2012
المشاركات: 647
معدل تقييم المستوى: 17
y2y1500 is on a distinguished road
Thumbs up رابعا: تقرير مصور حصريا عن تركيب دواسات ارضية اصلية وفرش جلد للشنطة

رابعا: تقرير مصور حصريا عن تركيب دواسات أرضية أصلية وفرش جلد للشنطة




بعد ما طلبت الفحمات من اخويا وهو بتركيا ولم يجدها .. حب ما يرجع وايده فاضية



راح جايبلى معاه طاقم دواسات للسبورتاج من الوكالة باسطنبول (سعرها 55 ليرة او 115 ريال)


وجاب لنفسه دواسات للهيونداى الانترا اصلية من الوكالة ايضا


ودى صورها قبل التركيب







وكما يتضح من الصورة السابقة خطوطها ملائمة تماما لخطوط أرضية السيارة وكتابة كلمة SPORTAGEبالخياطة على دواسة السائق وكمان فتحات الثبيت فى الارضية بالنسبة للدواسات الامامية لكن يا خسارة ما عندنا كلبسات تثبيت !!!



وفيما يلى صورها بعد التركيب فى السيارة وتغليفها ببلاستيك حماية من الاتربة لحين الغسيل القادم بعد ازالة الدواسات البيج الرديئة اللى استلمتها من الجبر وقت الشراء




















وكمان فرش جلد لأرضية الشنطة (سعرها 70 ليرة او 150 ريال)








وله فوائد عديدة مثل تثبيت الاشياء والحد من تحركها عند وضعها بالشنطة خاصة فى المنحنيات الحادة بفضل التعريجات البارزة .. علاوة على الحفاظ على الفرش القماش عند نقل اشياء مجمدة من الممكن ان يتسرب منها سوائل




وفيما يلى صورها بعد التركيب فى السيارة















كنت اتمنى يكون لونهم رمادى مثل الدواخل عندى لكن كل اللى هناك كان متوفر باللون الاسود فقط لا غير

عالعموم أرحم وأهون من الدواسات البيج اللى موجودة عند العليان ب115 ريال وخاصة بالسبورتاج الجيل الثانى القديم قبل 2011 او حتى اللى بيسلموها الجبر عند الشراء ..


وأخيرا .. نصيحتى ليكم جميعا عن تجربة عملية

لمدة 6000 كم أو شهرين .. أوصيكم باستعمال زيوت تخليقية وليست عادية




ولمدة 3500 كم أو شهرين .. اوصيكم بتركيب بوجيهات بلاتينيوم وليست عادية




ولمدة 500 كم واكثر أو اسبوعين تقريبا .. اوصيكم بتركيب فحمات سيراميك وليس العادية



وفى الختام .. اتمنى ان يكون موضوعى قد نال اعجابكم وافادتكم بكل ماهو جديد عن السبورتاج اللى اتحسن أدائها مؤخرا وفى انتظار ردودكم ومشاركاتكم بالسؤال والاستفسار عن أى شىء يخطر ببالكم



ولقاءنا القادم مع تغيير الكفرات بنوعية بريدجستون DUELER وتقارير أخرى مميزة لقسم كيا الدفع الرباعى المميز بأعضاءه جميعاااا




تحياتى



كتابة وإعداد وتصوير



يوسف عوض



========================

ملاحظة: يرجى عدم اقتباس كامل المشاركات لكثرة الصور المرفقة ولتجنب مشاكل التحميل ويكتفى بالاشارة الى الجزئية المراد الاستفسار عنها او اقتباس الجزئية فقط مع حذف الباقى وشكرا..

========================

(الموضوع اكتمل ويمكنك المشاركة الان)
__________________
Ph.Youssef Hassan
Uploaded with ImageShack.com

التعديل الأخير تم بواسطة y2y1500 ; 12-02-2013 الساعة 05:13 PM
y2y1500 غير متواجد حالياً   رد مع اقتباس
قديم 12-02-2013, 07:29 PM   #6
عضو جديد
 
تاريخ التسجيل: Jan 2012
المشاركات: 91
معدل تقييم المستوى: 16
ferrari1500 is on a distinguished road
افتراضي

الله ينور يا ريس وفعلا شغل محترفين. حاجة فخيمة فعلا
y2y1500 likes this.
ferrari1500 غير متواجد حالياً   رد مع اقتباس
قديم 12-02-2013, 08:15 PM   #7
عضو مشارك
 
تاريخ التسجيل: Aug 2012
المشاركات: 131
معدل تقييم المستوى: 15
sportage13 is on a distinguished road
افتراضي

بصراحة موضوع ممتاز ومتعوب عليه

يستاهل التقييم ٥ نجووووم

وتستاهل التقييم يادكتور يوسف على جهدك الرائع

الله يعطيك العافية
y2y1500 likes this.
sportage13 غير متواجد حالياً   رد مع اقتباس
قديم 12-02-2013, 09:07 PM   #8
عضو مشارك
 
تاريخ التسجيل: Jul 2012
المشاركات: 433
معدل تقييم المستوى: 15
mabuzaid is on a distinguished road
افتراضي

يا سلااام عليك

لي عودة
y2y1500 likes this.
__________________
mabuzaid غير متواجد حالياً   رد مع اقتباس
قديم 12-02-2013, 09:34 PM   #9
عضو نشيط
 
الصورة الرمزية y2y1500
 
تاريخ التسجيل: Mar 2012
المشاركات: 647
معدل تقييم المستوى: 17
y2y1500 is on a distinguished road
افتراضي

اقتباس:
المشاركة الأصلية كتبت بواسطة ferrari1500 مشاهدة المشاركة
الله ينور يا ريس وفعلا شغل محترفين. حاجة فخيمة فعلا
تسلم يا ابو يامن .. شوف رايح تركيا امتى تانى عشان الرجالة عاوزة دواسات

اقتباس:
المشاركة الأصلية كتبت بواسطة sportage13 مشاهدة المشاركة
بصراحة موضوع ممتاز ومتعوب عليه

يستاهل التقييم ٥ نجووووم

وتستاهل التقييم يادكتور يوسف على جهدك الرائع

الله يعطيك العافية
اخجلتم تواضعنا يا هانى بيك
كلامك فكرنى بالخمس نجوم دهبيات اللى بتعطيهم سيلفا لمستمعى بانوراما اف ام هههههههههههه


اقتباس:
المشاركة الأصلية كتبت بواسطة mabuzaid مشاهدة المشاركة
يا سلااام عليك

لي عودة
الله يسلمك يا غالى
sportage13 likes this.
__________________
Ph.Youssef Hassan
Uploaded with ImageShack.com
y2y1500 غير متواجد حالياً   رد مع اقتباس
قديم 13-02-2013, 05:16 PM   #10
عضو مشارك
 
الصورة الرمزية Bader-M
 
تاريخ التسجيل: Mar 2010
المشاركات: 539
معدل تقييم المستوى: 21
Bader-M is just really niceBader-M is just really niceBader-M is just really niceBader-M is just really nice
افتراضي

وعليكم السلام ورحمة الله وبركاتة

تقرير كامل مفصل الله يعطيك العافية

عندي بعض الملاحظات اذا تسمح لي


اقتباس:
البوجيهات (البواجى) وفلتر الهواء .. طبعا لازم يتغيروا
الي اعرفة ان اغلب السيارات الحديثة يتم تغير البواجي كل 100 الف ميل اي 160 الف كم
اعقتد تغيرك لها كل 20 او 40 الف امر مبالغ فية
وكذلك يجب ان تركب نفس مقاس و رقم البواجي الموصى بها من قبل المصنع
لو ترجع للكتلوج افضل لك

بنسبة للزيت المحرك
اذا كان تخلقي انصحك بتغيرة كل 15 الف كم واذا كنت شديد حريص كل 12 الف كم
ادخل هذا الموضوع لي تلكمت به عن الزيت بشكل مفصل
http://www.koreanbeast.com/koreanbeast51029

بنسبة لفلتر الهواء انصح بتغيرة كل 40-50 الف وكذلك فلتر المكيف وهو ايضا ما ذكر بالكتلوج

الفرامل او الفحمات
تغيرها كل 20 الف !!! مشاء الله عليك شكلك راعي سرعة و فرمة كثيرة
انا سيارتي ما غيرها الا بعد 80 الف كم الخلفية بعد 110 الف كم

الله يعطيك العافية لنقل تجربتك القيمة و المفيدة
__________________



حسابي بالتويتر
https://twitter.com/badermotors


رابط مهم لكل ملاك سيارات كيا
ادخل لن تندم

http://www.koreanbeast.com/showthrea...902#post247902

Bader-M غير متواجد حالياً   رد مع اقتباس
قديم 13-02-2013, 11:26 PM   #11
عضو نشيط
 
الصورة الرمزية y2y1500
 
تاريخ التسجيل: Mar 2012
المشاركات: 647
معدل تقييم المستوى: 17
y2y1500 is on a distinguished road
افتراضي

اقتباس:
المشاركة الأصلية كتبت بواسطة Bader-M مشاهدة المشاركة
وعليكم السلام ورحمة الله وبركاتة

تقرير كامل مفصل الله يعطيك العافية

عندي بعض الملاحظات اذا تسمح لي



الي اعرفة ان اغلب السيارات الحديثة يتم تغير البواجي كل 100 الف ميل اي 160 الف كم
اعقتد تغيرك لها كل 20 او 40 الف امر مبالغ فية
وكذلك يجب ان تركب نفس مقاس و رقم البواجي الموصى بها من قبل المصنع
لو ترجع للكتلوج افضل لك

بنسبة للزيت المحرك
اذا كان تخلقي انصحك بتغيرة كل 15 الف كم واذا كنت شديد حريص كل 12 الف كم
ادخل هذا الموضوع لي تلكمت به عن الزيت بشكل مفصل
http://www.koreanbeast.com/koreanbeast51029

بنسبة لفلتر الهواء انصح بتغيرة كل 40-50 الف وكذلك فلتر المكيف وهو ايضا ما ذكر بالكتلوج

الفرامل او الفحمات
تغيرها كل 20 الف !!! مشاء الله عليك شكلك راعي سرعة و فرمة كثيرة
انا سيارتي ما غيرها الا بعد 80 الف كم الخلفية بعد 110 الف كم

الله يعطيك العافية لنقل تجربتك القيمة و المفيدة
حياك الله اخ بدر .. وبسم الله اجاوبك ع ملاحظاتك:

1. فى البداية مواعيد استبدال قطع الغيار الاستهلاكية (زيت - فلاتر - بواجى - فحمات - ... الخ) اللى ذكرتها تتم فى حالة تطبيق الحد الاقصى للعمر الافتراضى لها - انا شخصيا لا احب تطبيقها بسبب ظروف التشغيل القاسية فى السعودية وغيرها من بلدان المنطقة العربية الحارة - وده هاينعكس سلبا فى المستقبل على حالة وكفاءة السيارة كليا والماكينة خاصة .

2. بالنسبة للبواجى .. كلام حضرتك سليم 100% لكن لا ينطبق على السبورتاج تحديدا .. لماذا ؟؟

الجواب: لأن البواجى 3 أنواع (عادية V-grooved / بلاتينيوم / ايريديوم) والاختلاف بينهم فى التركيب والمواد المصنع منها وشكل الشرارة المنبعثة منها عند الاشعال واخيرا العمر الافتراضى وهو على الترتيب كما يلى:
20-30 الف كم للعادية (دى الموجودة فى السبورتاج اللى بتنزل السعودية سواء 2.0 او 2.4 لتر
40-60 الف كم للبلاتينيوم (دى اللى انا ركبتها فى الصيانة)
100-160 الف كم للايريديوم (دى بتنزل فى السبورتاج فى اوروبا واسيا ومصر المزودة بمحركات 1.6 لتر GDi)

أى انى اخترت نوعية افضل من اللى كانت راكبة بالسيارة واللى من واقع شكلها بالصور لا تحتمل انى كنت اخليها واكمل بيها اكتر من كده .. لأنى بمجرد ما غيرتها وفى الطريق من الوكالة للبيت حسيت بالفارق فى سرعة استجابة المحرك عند التسارع الناتج عن قوة الشرارة ونظافة سن البوجيه عكس القديم اللى كان محروق وعليه كربون كتير كما اتضح من الصورة بالموضوع
بالاضافة انى لم اغير فى مواصفات ولا ارقام حرارية للبوجيه لأنى جبته من الوكالة نفسها اللى تحطه بسيارات كيا الاخرى زى الكادينزا والسورينتو وغيرها وكمان المهندس قالى انه أحيانا فيه سبورتاج تنزل بيه !!!!!!!!!!

لكن فيه حالة واحدة كانت تخلينى استمر معاه .. اذا استخدمت منظف انجكشن محترم مثل منتجات ليكوى مولى الالمانية واللى سبق وجربتها فى سيارتى الصنى 2010 بمصر قبل صيانة ال60 الف كم وده كان الفارق فى شكل البواجى اللى تم تغييرها عند 20-40-60 الف كم (بالمناسبة كان نوعها عادية برضه) ودى صورتها .. لاحظ الفارق الملحوظ



3. بالنسبة لزيت المحرك .. هو فعلا كاسترول تخليقى الحد الاقصى له يكون عند 12000 كم او 12 شهر ايهما أقرب .. ولكن مع درجات الحرارة العالية بالسعودية وكثرة اشارات الرياض والتوقف وغيرها يفضل ان يتغير قبل كده وانا اخترت 10000 كم او 6 شهور كحد أقصى فى حالتى (أخويا مثلا فى الالانترا حابب يغيره كل 6 شهور بغض النظر عن الكيلومترات لأن استهلاكه بهالمدة لن يتجاوز 7-8 الاف كم)

اما 15.000 كم او 20.000 كم ليس لكل انواع الزيوت التخليقية وهناك انواع خاصة عليها اضافات معينة لا يتم تغييرها قبل 40.000 كم كمان

4. بالنسبة لفلتر الهواء والمكيف .. توصيات الكتالوج توصى بتغييرها كل 15000 كم وليس كل 40-50 الف كم !!!
لكن انا طول عمرى باغيرها كل 20 الف كم سواء فى مصر او هنا وده الطبيعى على فكرة فى بلدان بها تراب وغبرة كتيييييييييير حفاظا على اجزاء المحرك الداخلية لأنى مهما نظفته كل 5000 كم او حتى كل غسيل سيارة بالهواء هايأثر على كفاءته
وفلتر المكيف لأنى لا اشغله بهاليومين كتير وكمان غير مدخن الحمد لله .. قررت فقط انى أأجل استبداله الى مطلع الصيف ان شاء الله ووقتها راح اشتريه من الجبر واركبه بنفسه ولا الحاجة لعبقرية الوكالة

ملحوظة: اذا كان السائق مدخن ويشغل المكيف مع نظام اعادة تدوير الهواء داخل المقصورة .. لابد من تغيير فلتر المكيف كل 10 الاف كم حفاظا على كفاءة الكومبريسور ودورة التبريد داخل التابلوه

5. بالنسبة للفحمات .. انا لا راعى سباق ولا فرملة ولا غيرها ومستغرب مثلى مثلك تمااااااااااااااما
لأنى سيارتى بمصر النيسان صنى - الحمد لله وما شاء الله وسبحان الله هى نفس رجلى اللى بتدوس بنزين وفرامل - لحد الان من 6/2010 وقت الشراء لم اغير فحمات المصنع الفابريقة وممشى 75.000 كم وباخر صيانة عند ال70 الف كم بالوكالة باجازتى الماضية شوفته بنفسى لأنى كنت عاوز اغيره لكن لقيت فيه لسه 6 مللى متر سمك !!!!!!!!!
وأكثر واحد شوفته غير فحمات الصنى واستخدامه سيىء جدااااااااااا لم يغيرها قبل 30.000 كم
يعنى العيب مش بالسواق لكن بالعربية وظروف السواقة بالرياض - اكثر مدينة بها اشارات - اللى تتطلب توقف كل شوية وعدم اتباع السائقين الى احترام واستخدام اشارات التنبيه والالتفاف يستدعى انه ممكن تضرب فرملة قوية فى بعض الاحيان تجنبا للتصادمات الكوميدية اللى باشوفها يوميا

ومنعا للحرج نادرا ما راح تلاقى حدا معه سبورتاج ولم يبلغوه بصيانة ال20.000 كم انه لازم يغير الفحمات الامامية هههههههههههه

وفى النهاية .. فيما يلى صورة من كتالوج السيارة لجدول الصيانة الدورى مدعوم بايضاح النقاط محل الخلاف مع تعريف لمعنى ظروف التشغيل القاسية المتوفرة بغزارة فى السعودية


__________________
Ph.Youssef Hassan
Uploaded with ImageShack.com
y2y1500 غير متواجد حالياً   رد مع اقتباس
قديم 14-02-2013, 03:12 PM   #12
عضو مشارك
 
الصورة الرمزية Bader-M
 
تاريخ التسجيل: Mar 2010
المشاركات: 539
معدل تقييم المستوى: 21
Bader-M is just really niceBader-M is just really niceBader-M is just really niceBader-M is just really nice
افتراضي

الكتلوج هو الفاصل بهذا الامور

شكرا لك
y2y1500 likes this.
__________________



حسابي بالتويتر
https://twitter.com/badermotors


رابط مهم لكل ملاك سيارات كيا
ادخل لن تندم

http://www.koreanbeast.com/showthrea...902#post247902

Bader-M غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:43 PM.


Powered by vBulletin ® Copyright © 2000 - 2019
جميع الحقوق محفوظة لـ منتدى السيارات الكورية