العودة   منتدى السيارات الكورية > المنتديات الرئيسية > هيونداي > قسم سيارات السيدان الصغيرة (هيونداي)

قسم سيارات السيدان الصغيرة (هيونداي) إلنترا - أكسنت

إضافة رد
 
LinkBack أدوات الموضوع انواع عرض الموضوع
قديم 14-12-2013, 10:42 PM   #1
ضيف
 
تاريخ التسجيل: Dec 2013
المشاركات: 23
معدل تقييم المستوى: 12
البرفسور is on a distinguished road
افتراضي نصيحة دشو هوني

السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
ههههه اعجبتني هاخاصية
الموضوع تحت |

التعديل الأخير تم بواسطة البرفسور ; 14-12-2013 الساعة 10:57 PM
البرفسور غير متواجد حالياً   رد مع اقتباس
قديم 14-12-2013, 10:44 PM   #2
ضيف
 
تاريخ التسجيل: Dec 2013
المشاركات: 23
معدل تقييم المستوى: 12
البرفسور is on a distinguished road
افتراضي

السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
ههههه اعجبتني هاخاصية ������
مساكم الله بالخير جميعاً
كيف حالكم وبشروني عنكم
اخوكم بالله عضو جديد������
ومن عشاق السيارات الكوريا (هونداي خصوصا) {اكسنت٢٠١٢}
لعل نستفيد منكم ونفيد
طولت شوي عادي (نوب) كود٨ خخخخخخ

موضوعي تعقدت من سيارتي وسيرتها مالها نهايه معي انا شريتها يوم كنت بالثنوية اخر ترم وكنت مضطر جدا لان كان معي قبلها فان ٩٥ ( خراباتها مافيها مكيف ولا تفتح الدرايش والباب حق السواق خربان وكنت رابطه بحديده واجرها عشان يفتح من داخل وقطع يدي اكثر من مره������������������ وسماعاتها ابوكلب وكانت عورا ( وش بقى ههههههه) ورحت ركبت لها ز ي ن و ن ������������ فقط
كانت معي من اول ثانوي لين ثالث ثنوي وبعدي شريت الاكسنت٢٠١٢ اول دفعه باخر الترم الثاني ������☺������✨������������������ ( فرح)
وللاسف صدمت فيها صدمه شنيعه من قدام الجهه اليمنى على طريق خريص ������ بعد ١٠٠٠٠ الف كيلو وصلحها ابوي ب٢٠٠٠٠ الف
انا اشوف ان المبلغ كبير لاكن الحمدلله على كل حال وطلعت بعد شهرين وبعدها امنت عليها تامين شامل
وجيت مره عاكس الطريق ودمني واحد من باب السواق بس فبركناها وتحملها التامين وكلفتهم ١٣ او ١٧ الف تقريباما اذكر
ومره جاني واحد وصدمتي من ورا صدمه اقوى من الخفيفه بشوي واعتذر وقال انه مستعجل ومدري كيف وانه عسكري متاخر وبيصلحها واخذت رقمه وبعدها سحب قال ان مبلغها واجد لاني قلت بوديها وكالتها حرام جديده وهو يقول لا برى ومدري كيف ورفض يصلحها وصدمني مره فلبيني على الباب الخلفي من يمين يبي يسقط على الي وراي وما انتبهلي وسامحته و ايه وبس هذي مسيرت الاكسنت لا صح لا باقي
������طفشتو تحملوني بليز ������. قبل شهر ونص خبطت المكينة وعداد ابممشى ما وصل ٧٠ الف توه ٦٥ الف وعليها والسبب السلندر متاكل والسبب انو مره ارتفعت فجاءة الحرارة علي ووقفتها وجلست شوي وفتحت الاديتر الا اشوف نافورة انبعثت منه فكني الله ولله الحمد ورحت البقالة وشريت ماء بارة وعبيتها وهي طافيه وبعدين شغلتها وعبيتها وضبطت ومشيت وكم يوم رجعت ارتفعت وقلت مالك الا الصناعية وروح ومنا ومناك الي قال الاديتر والي قال البلف وللنهاية قلت مالها الا ابو هنودة قالي روح غير غطا الاديتر وغيرته وجلست معي يومين او ثلاث تمام ورحت البر وغرست ودعست لامها ولعنت والدين بطنها سوري اسف رفعت ضغطي ورجعت الحرارة ترتفعووديتها لوكالتها طبعا من طلعتها وانا ماغيرت الزيت عند الوكالة الا ١٠٠٠ و٥٠٠٠ بس ويوم اقبلت عليهم ولعت لمبة المكينة ترررررررم تيرارام وقامت ترتج
ونزلت وقلتلهم قالو يمكن يغطيك الضمان بس ماش مادشت مزاجي لانهم قالوا لازم تجلس اقرب موعد بعد شهر
ويييين سلامات واسحب يابو داخم ومع خريص راجع وين وين اها مالها الا الصناعية الخليج وروح واسحب يابو داحم على ابو يمن وين وين الا ذيك الورشة الي بوسطها ابو فلبن ياهلا ومسهلا وش مشكل قال راس المكينة (ايه) ودق على الغالي(ابوي) الو يبا راس المكينة خرب قالي ليه قلت له السبب وقالي طووووط طوط طووووط يا طوووووط انا قايلك من قبل انك ما تستاهل يا طوووط( طبعاً قبلها بسبوعين كنا مسافرين الحفر انا وابوي ونسولف قلت تصدق انها بس اربع نمر واقدر احولها عادي قال ايه داري ������قلت وان اول نمر لل٣٠ والثانية لل١٢٠ والثالثة لل١٥٠ والباقي تعشق رابع والضغط ما يرتفع قال لا وانت ما تفهم قلت افا واوقف يمين الخط واحولها عادي وادعس لل٤٠ بالول وعشق ثاني لل١٢٠ وثالث لل١٥٠ ورابع قعد يهاوشني ابوي لان ضغط المكينة وصوتها ارتفع ( انا ابشوف التسارع بس ) وقلت مالها الا ذي الزبدة حلف قال والله لتخبط مع انت مهبول ذي مكينتها صغير وكذا يعني وصدق الله يطول بعمره خبطت (انا علامي شطحت فيكم كذا شرايك نرجع يالله رجعنا)
يوم دقيت وقلت الراس حق المكينة وتعال جا وشافها وقال كم تكلف اتفقنا على١٥٠٠ وتخلص بعد يومين ومشنا ويوم جا بكره دق علي ابوي اذكرها للحين كنت طالع مع خويي بالجامعة (صح باركولي بجامعة سعود باقي شهر من الان واتخصص لاني متاخر ترم علمي طبعا دعواتكم لي) ايه طالع مع خويي بالجامعة نفطر برى وقالي ابوي ان الفلبيني دق عليه وقاله المكينة مخبطه ومحتاجه تغيير ( جب مكينة جديدة) لانها المونيوم ما تتوضب ومرينا اكثر من محل انا وابوي ومالقينا من يوضبها ولقينا سوري عند الفلبيني جانا وقال اجيب لكم مكينة لها ب٧٥٠٠ وضمان شهر ورفضنا ورحنا للصناعية القديمة ولقيناهن نفس سعر السوري وكلمناه وقلنا ركبها بس ب٧٠٠٠ مع شغل ايد والتركيب واتفقنا وبس
ومرنتها اول ما ركبها لين مشت ٢٠٠٠ كيلو ماتعديت ٨٠-١٠٠ والضغط ما تعدا ٣ وماشغلت المكيف الجو برد وبس هذي قصتي مع الاكسنت طبعا كنت افكر ابيعها قبل لا اركب لها مكينة وعرضتها بموقع حراج ووصلت ١٥٠٠٠ وقلت احطها دفعه اولى باي سيره والباقي اقساط علي بس منا ومنا ورفضت الفكرة
وبس سلامتكم هذي هي اكسنت البرفسور ٢٠١٢ هونداي الوعلان ايه مواصفاتها انوار كشافات وطيس وتماتيك وعادي والدرايش هندل شريتها من معرض الفلاح الي بالنسيم ب٤٦٥٠٠ ريال شامل التامين وكل شي تعال وشغل وامش .
بس بالاخير اقول الحمدلله على كل حال واللهم لك الحمد في السراء والضراء .
وابي منكم مساعده انا السيارة من شريتها للحين ماغيرت فيها غير كفر واحد وزيت وسيفون وفحمات مره وحده وابي مساعدتكم لاني احس كرهت السيارة واحس الي جاها عين لاني اول واحد شراله ابو سيارة اصفار بين اقاربنا طبعا وقبلها بكم شهر ابوي بنا البيت وشرا سيارة ثانية اصفار ( لان اسمه نزل ببنك التسليف ٥٠٠ الف وخربناهن )فقلت ممكن عين لاكن ماعلينا المهم ابي نصايحك لي الان السيارة ماشيه ٧٠ الف(-/-) وش اغير ووش اخلي مساعدات زيت قير فحمات وش بالظبط وودي ترجع السيارة وكالة تظيفه ومريحه لانها احس فيها هزهزه واجد وكذا وشكرا لكم واتمنى التقييم والردود
دمتم برعايه الله.

التعديل الأخير تم بواسطة البرفسور ; 14-12-2013 الساعة 10:56 PM
البرفسور غير متواجد حالياً   رد مع اقتباس
قديم 14-12-2013, 11:09 PM   #3
موقوف
 
تاريخ التسجيل: Jul 2012
المشاركات: 162
معدل تقييم المستوى: 0
ابو طلق is an unknown quantity at this point
افتراضي

ياخي حبيت ابوك والله
اسلوبه معك فله
الله يحفظه ويخليه لك
ويعينك على الموتر ذا
ابو طلق غير متواجد حالياً   رد مع اقتباس
قديم 14-12-2013, 11:22 PM   #4
ضيف
 
تاريخ التسجيل: Dec 2013
المشاركات: 23
معدل تقييم المستوى: 12
البرفسور is on a distinguished road
افتراضي

الله يجزاك خير
ايه الوالد مع ان شكله ما يعطي اي ايحاء بهالشي ولاكن فلاوي وحبوب الله يطول بعمره ويخليه
واشكرك على المرور الجميل
البرفسور غير متواجد حالياً   رد مع اقتباس
قديم 14-12-2013, 11:48 PM   #5
ضيف
 
تاريخ التسجيل: Dec 2013
المشاركات: 23
معدل تقييم المستوى: 12
البرفسور is on a distinguished road
افتراضي

شسالفه يا حلوين وين النصايح والردود!(-£-)
البرفسور غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
نصيحة لأصحاب المراتب الجلد وطريقة للحفاظ على الدركسون Fesh Fash قسم الدفع الرباعي (هيونداي) 3 03-11-2013 02:08 PM
نصيحة عن شراء بطارية للسيارة متحير2011 قسم سيارات السيدان المتوسطة (هيونداي) 4 03-12-2012 08:40 AM
الحمد لله استلمت الآزيرا , عندي استفسار , واحتاج أي نصيحة عن السيارة R!KSaS قسم سيارات السيدان المتوسطة (هيونداي) 13 18-06-2012 05:58 PM


الساعة الآن 03:26 AM.


Powered by vBulletin ® Copyright © 2000 - 2019
جميع الحقوق محفوظة لـ منتدى السيارات الكورية