العودة   منتدى السيارات الكورية > المنتديات الرئيسية > هيونداي > قسم سيارات السيدان الصغيرة (هيونداي)

قسم سيارات السيدان الصغيرة (هيونداي) إلنترا - أكسنت

إضافة رد
 
LinkBack أدوات الموضوع انواع عرض الموضوع
قديم 08-03-2015, 08:29 PM   #1
ضيف
 
تاريخ التسجيل: Dec 2011
المشاركات: 24
معدل تقييم المستوى: 16
Meso is on a distinguished road
Thumbs up تقرير باستخدام النترا 2012 على مدى 3 سنين

السلام عليكم ورحمة الله وبركاته

كيف حالكم طيبين ولحد يدقق بعنوان الموضوع المهم انه تقرير عن استخدامي النترا 2012 الشكل الجديد من يوم شريتها الا يوم هذا بتكلم عن عيوبها اللي واجهتني خلال مسيرتي الالنترية.. وكل شي بأذن الله ببدأ بالمشاكل اللي حصلت معي:

1-
شريت السيارة قبل 3 سنين ورمضان الجاي بتكمل اربع سنين الحمدلله أول ما شريتها بعد شهر و شهرين الحمدلله امورها تمام التمام لكن على ما اعتقد الشهر الثالث بدت مشكله صوت الطقطقه اللي تجي على الطرق المكسرة والترابية ومع الحفر
وتم اصلاحها ولله الحمد والمشكله من جلدة بدودة الدركسون غيرتها بورشة اصلاح دودة ركب لي جلدة من أقوى ما رأيت وراح الصوت وإلا الآن ما اسمع لها حس.

2-
المشكلة الثانيه اللي حصلت لي واللي ما عرفت لها ومدري ايش قصتها اللي هي اختفاء علامه ال D و ال P حروف القير بشكل عام اللي تطلع بالشاشه الصغير اللي بالطبلون جتني هذي المشكله وراحت من نفسها استمرت شهرين كذا او اكثر بشكل متقطع ما تجي كل يوم تصادف احيانا والمشكله هذي انتهت من زمان مالها حس ما أعرف ايش حلها وما اعرف ايش السبب.

3-
المشكلة الثالثة واللي مازالت تواجهني الا الآن احيان لما اشغل واطفي السيارة بشكل متكرر اذا صرت واقف عند محلات وكل شوي انزل لما اشغل السيارة ما تشتغل او تشتغل وتقعد شوي وتطفى والامبير تحت الواحد وترتجف كذا كأنها بردانة وتطفى واقعد شوي كذا اخليها دقيقه وبعدين اشغل وتشتغل

4-
المشكله الرابعه في صوت طقه اللي اغلب الناس يحسبونها من القير اللي لما تحط القير على D أو R جتني هذي المشكله وهي من العكوس رحت ورشه عكوس فك لي الكفرات وشد مسامير العكوس اللي بنص الهوب وراحت المشكله ورجعت من جديد شكلها ارتخت الصواميل ومنب فاضي لها السيارة اهم شي تمشي


* قطع الغيار اللي تغيرت *
1- بواجي ( مرتين )
2- أنوار الامامية والخلفيه ( 5 مرات ) < كل شوي تحترق مدري شسالفة
3- البطارية ( مرتين )
4- كفرات ( مرتين )
5- الفحمات ( مرتين )
6- زيت القير ( مرتين )
7- مراوح ( مره وحده ) < وشكلها بتخرب اسمع اصوات فيها

* نلاحظ أنها قطع استهلاكيه وأشياء بسيطه لله الحمد.

بالأخير وجهه نظري بالالنترا :
السيارة ما شاء الله صار لها معاي 3 سنين ونص ومشيتها 190 الف بحكم أني راعي خطوط كل ويكند رايح جاي 1000 كيلو السياره عمليه واقتصادية وتستاهل قيمتها والسيارة حقت خطوط لكن من ناحية راحة مقبولة نوعا ما وشي اكيد بكل موتر تجاري ماهو فخم عيوب لكن ندور على الافضل من ناحية ادائها وعملها واقول ان الالنترا ينصح بأنك تشتريها وانت مغمممضض ك استعمال لمدة 5 او 6 سنين هو صراحة ان شايفه موتر حق 5 او 6 سنين ومع كثرة الوسوسه بالبداية حاليا ما عاد اهتم بالاصوات اللي اسمعها في الموتر صرت اردد كلمة ( أهم شي السيارة تمشي ) وأسفين على عدم التنسيق والسواليف الزايده وأي استفسار حنا بالخدمة
Meso غير متواجد حالياً   رد مع اقتباس
قديم 08-03-2015, 10:13 PM   #2
عضو مشارك
 
الصورة الرمزية 7akeem
 
تاريخ التسجيل: Nov 2012
المشاركات: 154
معدل تقييم المستوى: 14
7akeem is on a distinguished road
افتراضي

ماشاء الله تبارك الله

مشكور على التقرير الراااائع

والله يعطيك خيرها ويكفيك شرها
__________________
7akeem غير متواجد حالياً   رد مع اقتباس
قديم 10-03-2015, 04:57 PM   #3
عضو جديد
 
تاريخ التسجيل: Apr 2013
المشاركات: 72
معدل تقييم المستوى: 14
الزعيم الا is on a distinguished road
افتراضي

الله يعطيك خييرها ويكفيك شرها لكن اذا انت بالرياض وين الورشه الي غيرت عندها الجلده حقت الدودة جنني الصوت
__________________
[IMG][/IMG]
الزعيم الا غير متواجد حالياً   رد مع اقتباس
قديم 12-03-2015, 12:59 AM   #4
ضيف
 
تاريخ التسجيل: Dec 2011
المشاركات: 24
معدل تقييم المستوى: 16
Meso is on a distinguished road
افتراضي

اقتباس:
المشاركة الأصلية كتبت بواسطة الزعيم الا مشاهدة المشاركة
الله يعطيك خييرها ويكفيك شرها لكن اذا انت بالرياض وين الورشه الي غيرت عندها الجلده حقت الدودة جنني الصوت

بصناعية الدائري 18 بشارع كله محلات فريون ومكيفات تلقاه ناشب بينهم كذا لحاله العمال سوريين او اردنيين الكلام هذا قبل 3 سنين يعني انا ما ادري قفل المحل تغيرو اللي فيه الله اعلم وماني بالرياض حاليا لكن ان جيت الرياض راح أأكد مكانه بالضبط وراح اوصيه ان كان يذكرني ان شاء الله الاربعاء الجاي اكون موجود
Meso غير متواجد حالياً   رد مع اقتباس
قديم 28-03-2015, 03:10 PM   #5
ضيف
 
تاريخ التسجيل: Mar 2015
المشاركات: 2
معدل تقييم المستوى: 0
qwasd is on a distinguished road
افتراضي

الله لايهنك
نبيك تذكلنا تجربتك مع تغيير زيت القير
نوع الزيت
وين فيه غيرته
وش الاشياء الي غيرتها مع الزيت
كم التكلفة
مع كامل شكري
qwasd غير متواجد حالياً   رد مع اقتباس
قديم 31-03-2015, 12:51 PM   #6
ضيف
 
تاريخ التسجيل: Dec 2011
المشاركات: 24
معدل تقييم المستوى: 16
Meso is on a distinguished road
افتراضي

اقتباس:
المشاركة الأصلية كتبت بواسطة qwasd مشاهدة المشاركة
الله لايهنك
نبيك تذكلنا تجربتك مع تغيير زيت القير
نوع الزيت
وين فيه غيرته
وش الاشياء الي غيرتها مع الزيت
كم التكلفة
مع كامل شكري
السلام عليكم أخوي ,

والله انا ما غيرت الا زيت بس يعني اذا تقصد فلتر قير الشكل الجديد ماله فلتر اول تغييره غيرتها ب بترومين والثانيه ببنشري ابو يمن زيت قير أمريكي ابو 80 الف علبته بيضاء والاسعار سعر بترومين ناسيه بس اتذكر انه غالي عشان كذا سحبت عليه وغيرت ببنشري المره الثانيه سعر البنشري أقل من 200 انت وشطارتك بالمكاسر

تجربتي مع الزيت قبل لا اغير الزيت التعشيقات كانت متأخرة لكن بعد التغيير صارت اسرع والموتر صار أخف تحس فيه شي لزج بالقير وبسس

وأتمنى أني أفدتك
Meso غير متواجد حالياً   رد مع اقتباس
قديم 01-04-2015, 07:29 PM   #7
ضيف
 
تاريخ التسجيل: Mar 2015
المشاركات: 2
معدل تقييم المستوى: 0
qwasd is on a distinguished road
افتراضي

وعليكم السلام ورحمة الله وبركاته
تسلم وفيت وكفيت يالذيب...
qwasd غير متواجد حالياً   رد مع اقتباس
قديم 06-04-2015, 12:40 PM   #8
عضو جديد
 
الصورة الرمزية Abu7wiil
 
تاريخ التسجيل: Jul 2014
المشاركات: 48
معدل تقييم المستوى: 11
Abu7wiil is on a distinguished road
افتراضي

نفس المشكلة حق صوت دودة الدركسون

صوت طرقعه تحسه بالكفر ومن تحت

بالاكسنت

اتوقع عيووب مصنعيه

انا مغيرها كاااملة بسعر رخيص جدا

اللي يبي رقم الورشة يكلمني

شغله مضمون وبالرياض
Abu7wiil غير متواجد حالياً   رد مع اقتباس
قديم 02-05-2015, 03:21 AM   #9
E15
ضيف
 
تاريخ التسجيل: May 2015
المشاركات: 14
معدل تقييم المستوى: 10
E15 is on a distinguished road
افتراضي

بسم الله الرحمن الرحيم

اقتباس:
واقول ان الالنترا ينصح بأنك تشتريها وانت مغمممضض ك استعمال لمدة 5 او 6 سنين هو صراحة ان شايفه موتر حق 5 او 6 سنين ومع كثرة الوسوسه بالبداية حاليا ما عاد اهتم بالاصوات اللي اسمعها في الموتر صرت اردد كلمة ( أهم شي السيارة تمشي )
والله مشكلة
أنا كان بإعتقادي السيارة الجديدة تجلس معك 3 إلى 5 سنوات ما تغير غير الزيت والسيفون والكفرات والبطارية

من ثالث شهر طالعه لك مشكلة!!
لكن معذوره إذا تمشيها بالسنة 63 الف قوية جدا جدا
مو كارفها إلا لاعن خيرها
يمكن ليموزين ما يمشي كثر ممشاك.
E15 غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
(تقرير) تجربتي مع النترا 2012 النترا 2012 قسم سيارات السيدان الصغيرة (هيونداي) 67 25-05-2012 03:27 PM
تقرير موضح بل كامل عن النترا 2012 اتمناى ان ينال اعجبكم حـــمـــودي قسم سيارات السيدان الصغيرة (هيونداي) 24 24-03-2012 10:23 AM
النترا 2012 إمير الإحساس قسم سيارات السيدان الصغيرة (هيونداي) 10 04-09-2011 11:01 AM


الساعة الآن 04:46 PM.


Powered by vBulletin ® Copyright © 2000 - 2019
جميع الحقوق محفوظة لـ منتدى السيارات الكورية