العودة   منتدى السيارات الكورية > المنتديات الرئيسية > كيا > قسم سيارات السيدان المتوسطة (كيا)

قسم سيارات السيدان المتوسطة (كيا) كادنزا - أوبيروس - أوبتيما

إضافة رد
 
LinkBack أدوات الموضوع انواع عرض الموضوع
قديم 13-03-2016, 02:33 AM   #1
عضو مشارك
 
الصورة الرمزية المحتار 2007
 
تاريخ التسجيل: Sep 2011
العمر: 24
المشاركات: 170
معدل تقييم المستوى: 16
المحتار 2007 is on a distinguished road
Post مشاكل وحلول شاملة وبسيطة ومهمة كادينزا 2011و12و13 ب5 سنوات استخدام

السلام عليكم ورحمة الله وبركاته


(صباح/مساء) النور للجميع من مشرفين واعضاء و زوار
رجعت لكم بفائدة كبيرة باذن الله وااي استفسار اومعلومة مؤكدة او تجربة شخصية ياليت تتحفونا ..
مادري من وين ابداء .. المهم سيارتي كادي 2011 من القديمين مع هالتحفة CADENZA
نبداء شوي شوي .. باسم الله :

طبعا اعذروني ماقدر ارفع صور لاني رافع الموضوع من مكان تدريبي ( عملي )
(الاجزاء الداخلية )
1- درج الراكب .. اذا تقفل عليك وماقدرت تفتحه لا بمفتاح و لا من المساكة ( اعرف ان السست الداخلية تكسرت ) ولازم درج جديد وماينفع
تصلحه ابد .. ليه لان السست بلاستك و نفس الدرج بلاستك وكامل الدرج تلحيم ع بعضه يعني ماهو كلبسات او كبس
2- ممكن وانت ماشي تسمع صوت طقطقة مع المطبات وتفكره المساعد الايمن .. دقيقة .. ( افتح الدرج وشوف من تحته فوق اللمبة حقته مباشرة ..
فيه مسمارين جمب بعض حديد ممكن يبي لهم شد .. شده بمفك .. او جمبهم اكلبس ممكن منفك .. رجعه اكبسه محله ) فقط
3- ديكور المسجل ممكن بعض الناس تفكه وتركب مسجل ثاني وترجع القديم ومن كثر الفك و التركيب الديكور بيطلع صوت مع المشي وصوصة ..
( فقط فكه ولف نفس كبسات الديكور المسجل من داخل كل وحدة ب لزقة البنية العريضة لفتين فقط) وارجع ااكبسه وخلاص باتروح الاصوات
4- صوت السماعات ممتاز جدا .. اذا طلع صوت متقطع او متخربش صوت انفجار .. منفجر .. ( تغير السماعة ) المفقوعة
5- كرسي السائق ممكن التحكم فيه يطفي .. ( تاكد من فيوز التحكم به من العلبة انه الفيوز المناسب )
6- شاشة الطبلون طفت او اختربت ( تفصل البطارية وتشبكها ) اذا مانفع ( غيره بواحد ثاني )
7- لمبة القير طفت او مع التحريك تختفي .. ( غير هالقطعة switch inhibitor ) اذا ماكنت لاعب بسلك اللمبة بنفسك
8- طقة القير بسرعة مابين 10 ل 30 ( طبيعية جدا* .. او برمجة ثم بترجع بعد فترة وبتختفي فترة ثم ترجع من حالها وممكن تختفي عدة شهور من نفسها )
8- الانوار الداخلية بالنسبة للي بالوسط حد تشغيلها متواصل 7 ساعات متواصلة ثم تحترق واذا احترقت ( ركب جديدة ) وطريقة فكها سهل جيب بطاقة ودخلها بالاطراف وبتطلع معك مباشرة .. ارجع للكتلوج اذا ماتعرف موجود به الشرح
9- لمبة ال ABS ممكن تولع .. ( افصل البطارية واشبكها ومن الممكن تروح مع اطفاء السيارة و تشغيلها )
10- ديكورات الابواب تاكلت بسبة العطور ( غيرها )

-----------------------------------------------------------------------------------------------
الان يا اخوان انتقل ( للاجزاء الخارجية )

11- الابواب تطلع صوت بالمطبات بعد حادث بضربة امامية .. نزول الابواب .. ( وزن ابواب مع تغيير مفصلات الباب ) او حل ثاني اضافة ديكور الزينة الخاص ب حديدة اقفال الباب بعد الوزن .. ذي ماحصلتها
12- ارتجاج قوي بالكبوت وانت بالخط .. ( اضرب حديدة اقفال الكبوت الامامية ضربة خفيفة وميلها يمين او يسار وبس )
13- ارتفاع الكبوت بعد حادث ( سحب الواجة للاسفل مع وزن الكبوت )
14- الشنطة ماتقفل بسبب صدمة .. وزن الحديدة اللي تحت بالشنطة المسئولة عن اقفال الشنطة اما بالسحب للاعلى او اسفل
15- السقف يطلع اصوات ( تنظيف فتحات السقف ) (او شد الصواميل الداخلية ولا يتم الا بالجبر )
16- المراية الجانبية لاتتصفط بالكامل على سرعة 170 وفوق ( طبيعي وليست مشكلة )
17- انحراف بالسيارة ( وزن كفرات خلفية او وزن امامية وان استدعى السحب ) وتغييرها بشكل x
18- صوت وصوصة بالخلف المساعدات الخلفية مع المطبات و الشوارع المتعرجة .. ( فك اليايات و تنظيف كرسي اليايات تحت بمنظف او بخاخ اسيدلكو )
------------------------------------------------------------------------------------------------
الان يااخواني ننتقل ( اجزاء الكبوت )

19- ( نصيحة ) قربة الموية ( عبيها ربعها موية مساحات زرقا والباقي ماء مقطر وليس ماء عادي )
20- ماء اللاديتر ( اخضر اصلي من الوكالة سعر الجالون 70 ريال وشيك عليه قبل كل خط وزيادته بماء مقطر )
21-زيت الدركسون power steernig نوع ( PSF-3 او PSF-4 )
22- زيت الفرامل ( DOT-3 او DOT-4 ) خفيف جدا وعلبته صغيرة*
23- زيت القير 7.8 لتر الجيل الرابع ( ATF SP-IV )
24- زيت المكينة خذ اي زيت بشرط يكون تقييمه درجة اولى SN او الدرجة الثانية SM و اللزوجة 5W30 او 10W30
ملاحظة * اختلاف الشركة المصنعة من زيت ل لزيت ممكن يرفع صوت المكينة او ينزله حتى وان كان نفس اللزوجة
25- البواجي تتغير كل 150 الف
26- شفرات الثلاجة تطلع صوت مع الدعس او القومات مثل الخرفشة السريعة .. السبب ان الشفرات تنفتح بالكامل وزيادة و السست المساعدة تكون خفيفة بحكم شكلها الدائري داخل غرفة الظغط الخاصة .. ( فك غرفة الظغط ووضع عازل على نفس السستة عشان ماتوصل للفتح الكامل ) تقلل عملية الفتح بنسبة 5% ل 10%
27- رجة مع الدعس مستمرة او مع القومة وصوت طقطقة حديد اذا تطور الوضع ( كراسي المكينة غيرها )
28- صوت حديد يطق مع لف الكفر يمين او يسار .. ( راس العكس بداء يخترب .. غير راس العكس بواحد ياباني او الافضل غير العكس كامل وهذا اللي انصح فيه طبعا )
29- خلط المكينة زيت و ماء ( توظيب او تغيير مكينة )
30- تكسر السبايك المتحركة او الثابتة يؤدي لانفجار المكينة مع السرعة الزائدة ( توظيب او تغيير مكينة )
31- صوت طقطقة المكينة اثناء التشغيل ( غير نوع الزيت )
32- انفجار الاقزوز او تغير صوت السيارة كانك مركب هدرز ( تلحيم الاغزوز او تغييره افضل )(التشييك على الدبة المنفجرة وتغييرها )
33- سلك المروحة يذوب ويطفي المروحة اذا اشتغلت بالمستوى الثاني مدة ( شيل اللي ذايب وعبه صمغ خلط ثم ركبه بعد 7 ساعات ) ماينفع تغير السلك فقط لانه بيذوب مررة ثانية من الحرارة بعد فترة ع حسب استخدامك و الصمغ الخلط يتحمل اقوى من البلاستك
34- بلف الحرارة احتمال يتقفل عليك ع 100 الف وناس قفل عليها ع 80 وفيه ال 200 الف وماجاه شي .. بالنسبة اذا تقفل وارتفعت الحرارة ( غيره على طول ببلف اصلي من كيا خاص بالكادينزا )*
35- البوري اخترب بالخط بعد الغبار و العج ( انتظر يومين ل 3 اذا مااستعدل غيره بجديد )
--------------------------------------------------------------------------------------------------

استراحة بسيطة يااخوان تعبت وانا اكتب
ملاحظات*
فيه اجزاء كثير ماكتبتها لان مافيها اي ملاحظة*
36- بالنسبة للكمبرسر صراحة ثلج .. بس خرب عليي وغيرته .. وخرب مررة ثانية بعد سنة ونص وغيرته بكمبرسر ببلف عادي وليس الكتروني .. وماشاء الله رجع ثلج ومااخترب *
37- بالنسبة للفحمات غيرها ولا تخرط ابدا .. الا في اقصى الضروف اذا احتاجت خرط*
38- نوع الكفرات لاتغير الا بكفرات فئة W او Y ممكن تشوف سرعة الكفرات ذي من 270 وطالع واذا مررة مافي ركب V مع اني ما انصح فيها ابد .. والتركشن اقل شي A او AA بشرط يكون تاريخ الكفر جديد ومايكون مخزن حق السنة اللي راحت بالعربي كفر تاريخه الاقصى 3 شهور تخزين
39- القير مامنه اي خوف نهائيا دام تستخدم له زيته المخصص وهو اقوى من المكينة بمراحل .. ممكن تغير المكينة عدة مرات وهو مكانه
40- الارباق اذا انفك بتتجمد الاحزمة الامامية وانتبه تركب جديدة قبل ماتصلحه لانها بتتجمد مرة ثانية وتتورط و عادت حليمة ل عادتها القديمة هههههه ( اذا ما صلحته .. غيره و لاتشبك فيش الارباق اللي بنفس الحزام من داخل )
41- كفراتي 235/60/16
*الزنون لاتركب اعلى من 55 واط

*اعذروني راح يكون هناك تحديث مستمر للموضوع لام فيه نقااط ماذكرتها


( قريبا .. اضع رابط موجود به جميع الصور الخاصة بالموضوع بالتحديث القادم )

ختاما .. هاذا اجتهاد شخصي وجميع الملاحظات ذي حصلت لي شخصيا مع استخدام 5 سنوات الا فتحة السقف بحكم ماعندي وماابي فتحة سقف نهائيا .. طبعا استخدام أجهاد قوي على السيارة الملكة
اتمنى اي نقل يكون مذكور المصدر وخاص بمنتدى السيارات الكورية
__________________
(( لا يجب عليك قول كل ماتعرف .. لاكن يجب عليك ان تعرف ماذا تقول ))

التعديل الأخير تم بواسطة المحتار 2007 ; 13-03-2016 الساعة 02:58 AM
المحتار 2007 غير متواجد حالياً   رد مع اقتباس
قديم 23-03-2016, 07:34 AM   #2
عضو مشارك
 
تاريخ التسجيل: Sep 2010
المشاركات: 145
معدل تقييم المستوى: 18
رجل بلاحدود will become famous soon enoughرجل بلاحدود will become famous soon enough
افتراضي

جزاك الله خير وبارك الله فيييك

بصراااحة جهد جبااار وتشكر عليه...مرجع هام لجمييع مستخدمي الكادنزا

اتمني واقترح تثبيت الموضوع ...هذي المواضيع اللي تثبت ....
رجل بلاحدود غير متواجد حالياً   رد مع اقتباس
قديم 23-03-2016, 09:04 PM   #3
عضو مشارك
 
الصورة الرمزية khh21
 
تاريخ التسجيل: Nov 2011
العمر: 39
المشاركات: 181
معدل تقييم المستوى: 16
khh21 is on a distinguished road
افتراضي

بيض الله وجهك .... طيب ابغى اسالك عن شاشة الفل كيف اعملها فرمته 2012 طبعا

والله يعطيك العافية يارب

تسلم الايادي

تحياتي
__________________
ماشاءالله .. تبارك الله


khh21 غير متواجد حالياً   رد مع اقتباس
قديم 25-03-2016, 12:01 AM   #4
عضو مشارك
 
الصورة الرمزية المحتار 2007
 
تاريخ التسجيل: Sep 2011
العمر: 24
المشاركات: 170
معدل تقييم المستوى: 16
المحتار 2007 is on a distinguished road
افتراضي

شآكر لكم .. الله يحفظكم بالنسبة ل رابط الصور .. تم توثيق الصور ورفعها تفضلو باقي صور مااضفتها بالمجلد المظغوط . . للأسف مااقدر اضيف بنفس الموضوع
https://www.dropbox.com/s/jnd4ykbplw...D9%89.rar?dl=0


بالنسبة للفرمتة استاذي الكريم .. عندك إعادة ظبط وليس فرمته ( افصل البطارية فقط وركبها )
__________________
(( لا يجب عليك قول كل ماتعرف .. لاكن يجب عليك ان تعرف ماذا تقول ))
المحتار 2007 غير متواجد حالياً   رد مع اقتباس
قديم 11-04-2016, 03:29 AM   #5
عضو مميز
 
الصورة الرمزية الغواص
 
تاريخ التسجيل: Feb 2010
المشاركات: 1,231
معدل تقييم المستوى: 24
الغواص has a reputation beyond reputeالغواص has a reputation beyond reputeالغواص has a reputation beyond reputeالغواص has a reputation beyond reputeالغواص has a reputation beyond reputeالغواص has a reputation beyond reputeالغواص has a reputation beyond reputeالغواص has a reputation beyond reputeالغواص has a reputation beyond reputeالغواص has a reputation beyond reputeالغواص has a reputation beyond repute
افتراضي

ماشاء الله تبارك الله
تقرير رائع سلمت يمناك
جزاك الله خير
__________________
تنبيه :

عزيزي العضو:-

التوقيع المسموح به هو بحجم 800x600
نرجو منكم تصغير الصورة


------------------------
ولمعرفة كيفية تصغير الصور
الرجاء زيارة أحد الموضوعين بالنقر على اسم الموضوع







الإدارة

الغواص غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:52 AM.


Powered by vBulletin ® Copyright © 2000 - 2019
جميع الحقوق محفوظة لـ منتدى السيارات الكورية