العودة   منتدى السيارات الكورية > المنتديات الرئيسية > كيا > قسم سيارات السيدان المتوسطة (كيا)

قسم سيارات السيدان المتوسطة (كيا) كادنزا - أوبيروس - أوبتيما

إضافة رد
 
LinkBack أدوات الموضوع انواع عرض الموضوع
قديم 02-05-2016, 05:31 PM   #1
عضو جديد
 
الصورة الرمزية بدر الجبلي
 
تاريخ التسجيل: Jan 2013
المشاركات: 94
معدل تقييم المستوى: 13
بدر الجبلي is on a distinguished road
Angry لمن يعانون من مشكلة مكيف الكادينزا

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
مساكم الله بالخير جميعاً
الموضوع بخصوص مكيف الكادينزا طبعاً انا شريت كادينزا ٢٠١٥ قبل فترة قريباً وتفاجات ان المكيف ماعاد صار يبرد اذا وقفت طبعاً الكلام هذا بعد ماتعدا ممشى السيارة ٢٠ الف المهم قلت برجع للوكالة اشوف المشكله --- لقيت كثير مواضع في النت بنفس المشكلة في بعض سيارات كيا وهونداي المهم ....
رحت للوكالة وشرحت لهم المشكلة وكان عندي مشكلة ثانية في القير بالنسبة للقير سوالي تحديث للسستم واما المكيف قالي الموظف لازم تاخذ موعد واقرب موعد بعد ١١ يوم قلت ياهووه المكيف مايبرد وشلون اسوق السيارة في الحر والمشكلة السيارة جديدة قالي مالك الا تنتظر لان غيرك سيارات عندهم نفس المشكلة المهم انا طلعت من عندهم وقدمت شكوى في وزارة التجارة في نفس اليوم وقالي موظف الوزارة راح يتم الرد عليك خلال ٥ ايام عمل من قبل الوكيل قلنا حلو ٥ ايام ولا ١١ يوم المهم صار لي ضرف طارئ وسافرت بعدها بيومين للجنوب وقدر الله علي وصدمت بالسيارة من الوجهية من حسن الحظ الصدمة جات شطفة من راعي جيب لاندكروزر اخذ معه الصدام بالكامل وطعج لي الكبوت وانكسر رديتر المكيف فقط والحمدلله الايرباقات ماطلعت :::
المهم شريت رديتر مكيف حق سوناتا (طبق الاصل مثل حق الكادينزا) ب٣٠٠ ريال وغيرت مروحة التبريد لانها تضررت الريش وغيرت صدام وشبك والخ... وبعد تقريباً يومين من الحادث رجعت لمكة واتصل علي موظف من الجبر وقالي يوم الاحد روح لفرع جدة اللي عند مجمع العرب .. ورحت لهم واستلموا السيارة وبعد ٥ دقايق فقط جاني الرجال اللي استلم مني السيارة وقالي السيارة تعرضت لحادث قلت له نعم قالي مانقدر نخدمك دامها تعرضت لحادث قلت له الحادث ماله اي علاقة بمشكلة المكيف قالي ان الفني الفلبيني كشف على السيارة وقال ان الصدمة وصلت للكمبروسر واثرت عليه !!! قلت له يابن الناس المشكلة معي من قبل الحادث وقلت له تقدر تشوف عندكم في الكمبيوتر اني زرت فرع سلطان بن سلمان وشكيت من المكيف وهذا الكلام كان قبل الحادث وقلت له ازيدك من الشعر بيت ان عندي صور للحادث وان الصدمة ما لمست واجهة المكينة وشلون يتضرر الكمبروسر وماوصل له الصدمة قالي لي هذا النظام ان السيارة اذا تعرضت لحادث ماعاد يشملها الضمان
فضطريت اني اشيل سيارتي وافرفر في الصناعية والمهم لقيت مواضيع في النت ان المشكلة حلها البلف مباشرة رحت لقطع الغيار وشريت البلف وركبته ولكن للاسف نفس المشكله ... فطلعت من صناعية المطار ورحت لصناعية بني مالك ورحت لمحل تبريد وتكييف شرحت للعامل الوضع وكان جنبه محل قطع غيار كيا وهونداي مباشرة العامل دخل لقطع الغيار وسأل عن الكمبروسر وطلع لي وقالي جيب كمبروسر جديد ،، قلت له ليه قال هذا مشكلة كمبروسر فضطريت اشتري كمبروسر والمفاجاة طلع سعره ٨٠٠ ريال بس واصلي كوري نفس حق الوكالة الفرق الوحيد هو استكر كيا اما المصنع واحد وركبه لي وضبط معي وصار ثلج ماشاء الله ...
اعرف اني طولت بالكلام الفاضي بس حبيت ارشد بعض الاخوان اللي يعانون من نفس المشكلة عشان مايقعون ضحية ~~ الموضوع باختصار تغيير كمبروسر هذا والله اعلم
بدر الجبلي غير متواجد حالياً   رد مع اقتباس
قديم 03-05-2016, 02:59 PM   #2
عضو مشارك
 
تاريخ التسجيل: Nov 2012
المشاركات: 491
معدل تقييم المستوى: 14
مروان الدوسري is on a distinguished road
افتراضي

أنا عندي سورينتو ونفس المشكلة غيرات بلف الكمبريسر وضبط معي
مروان الدوسري غير متواجد حالياً   رد مع اقتباس
قديم 06-05-2016, 01:05 PM   #3
عضو نشيط
 
الصورة الرمزية cadenza11
 
تاريخ التسجيل: Dec 2011
المشاركات: 693
معدل تقييم المستوى: 17
cadenza11 will become famous soon enough
افتراضي

وعليكم السلام ورحمة الله وبركاته

انا اقول المشكله الكبيره في عقول الكوريين المحمره
مشكلة تكييف السياره لا بلف كمبرسر ولا تغيير كمبرسر
مشكله التكييف انه مافيه مروحه ثانيه تبرد على رديتر المكيف
والكوريين محمره للان ماجو عندنا بالصيف واستمتعو بدرجة حراره توصل 50
ولا كان حطو لنا مروحه ثانيه خاصه فينا ههههههههه
اذا تبي تتاكد من كلامي انت وغيرك ..وقف سيارتك في عز القايله
ووقف جنبك كورلا حتى لو موديل 2009
وعاد تحمل الحر برى ووقف جنب السيارتين واسمع فرق مراوح السيارتين
بعدها رااح تعرف الفرق بين العقليه الكوريه والعقليه اليابانيه

السيارات الكوريه مروحه وحده فقط للمكيف وللمكينه ..خصوصا الي سيارتهم تكون 6 سلندر
طبعا اتوماتيك مع الحراره يزيد دوران المروحه ولكن مو بالشكل المطلوب الي يبرد على رديتر المكيف
ف شي طبيعي يحتر عليك المكيف ..حرارة المكينه وحرارة الجو الي توصل 50 درجه
اذن مروحه وحده ماتكفي .. الدليل انه اول ماتمشي بالسياره يبرد معك ..ايش معناته ..انه جاه هوى
وبرد على رديتر المكيف ..

واذا جينا لتويوتا نلاقي تكييفها غير ..وتسمع الشعب دايم الكامري والكورلا وتويوتا عامة مكيفها بارد بعز الصيف
توقف ماتوقف بارد يعني بارد ههههههههه لا اعطيهم عين
السبب انه يوجد مروحتين ..مروحه للمكينه ..ومروحه للمكيف ..تسمعونها اكيد اذا جيت توقف ..كيف تشبك معهم
وتفصل كل تقريبا 3 دقايق ..واذا اشتغلت تسمع حنتها وصوتها وكذا يضل معك المكيف بارد على طول الخط ..
والي يبي يتاكد من كلامي ..يفصل كهربة مروحة التبريد للكورلا او الكامري ..اذا برد معه المكيف اعطيه مفتاح سيارتي

في النهايه احب اقول ..الشرهه والله مو علينا ..الشرهه على العقول الغبيه للكورين ..وعلى الوكيل الي مستلم السياره
يشوفون الشكاوي قد الدنيا ومايحركون ساكن ..

اتمنى في الكادينزا الجديده موديل 2017 انهم يحطو مروحتين.. او عادي خليها مروحه بس سرعة دوارنها تكون اقوى واعلى واكبر حجم واذا ماغيرو وظلو على نفس نظامهم الاول
انشهد بالله انهم اكبر محمره في الشرق الاوسط.

سلامو عليكو
cadenza11 غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
لأي مشكلة أو أستفسار عن ( الكادينزا ) لاتتردد بطرح سؤالك هــنــا ,, Kia-Motors قسم سيارات السيدان المتوسطة (كيا) 15 04-02-2017 10:59 AM
ساعدوني في حل مشكلة مكيف الكادينزا caden77a قسم سيارات السيدان المتوسطة (كيا) 13 18-01-2016 10:09 AM
مكيف الكادينزا ؟ Sir Alex Tareq قسم سيارات السيدان المتوسطة (كيا) 7 22-06-2015 11:16 AM
مكيف الكادينزا mastr قسم سيارات السيدان المتوسطة (كيا) 12 21-08-2013 02:06 AM
مشكلة في مكيف السنتافي 2010/ 3.5 lL alsary2004 قسم الدفع الرباعي (هيونداي) 2 20-03-2013 06:57 AM


الساعة الآن 09:27 AM.


Powered by vBulletin ® Copyright © 2000 - 2019
جميع الحقوق محفوظة لـ منتدى السيارات الكورية