العودة   منتدى السيارات الكورية > المنتديات الرئيسية > هيونداي > قسم الدفع الرباعي (هيونداي)

قسم الدفع الرباعي (هيونداي) جراند سنتافي - سنتافي - توسان

إضافة رد
 
LinkBack أدوات الموضوع انواع عرض الموضوع
قديم 03-07-2017, 01:15 PM   #1
ضيف
 
تاريخ التسجيل: Jul 2017
المشاركات: 4
معدل تقييم المستوى: 0
NAiF007 is on a distinguished road
Unhappy لا تشتري سنتافي، اني لك من الناصحين

من باب حب لأخيك ما تحب لنفسك
راح اقول قصتي مع السنتافي وألي واجهته من مشاكل معها

بالبداية كان معي سوناتا 2009 وكنت مرتاح معها والحمد لله ألين جاء يوم امطرت فيها الدنيا والشوارع غرقانة وقدر الله وما شاء فعل غرقت سيارتي وانكسرت المكينة وشريت ماكينة من التشليح بس بعدها عفت السيارة وبعتها

وشريت سنتافي 2014 6 سلندر نص فل بانوراما
وياليتني ما شريتها
كنت فرحان فيها وكنت اعتبر هيونداي شركة جودتها عالية بحكم تجربتي مع السوناتا

أول ما ما مشت السيارة 800 كيلو بس تخيلو 800 كيلو بس واجهت أول مشكلة

وكانت السيارة اذا مشيت بمطبات صغيرة أو لفيت يطلع صوت عند الكفر الأمامي يمين
وديتها الوكالة وقالوا دودة الدركسون خربانة وراح نغيرها لك على الضمان
قلت اوكي اسبوع وبعدها استلمت السيارة
وطلعت عندي مشكلة جديدة
اذا مشيت بالسيارة وجتني اشارة وابي اهدي اضرب فرامل علشان اخفف وهي تهدي سرعتها تسمع صوت غيارات القير والسيارة كأنها تنتع من قوة النمرة
وديتها الوكالة و 5 أيام ما اتصلوا علي رحت اشوف وش المشكلة
لقيت السيارة داخل الورشة الخاصة بالوكالة رامينها هناك ولا سووا فيها شيء يقولون انهم فحصوها كمبيوتر ما طلع فيها شيء وقالوا فيه سيارة نفس سيارتك وأشرلي عليها يقول نفس مشكلتك ولها فوق الشهر عندنا فخل سيارتك عندنا ونشوف وش نسوي فيها
قلت أجل علمكم غانم عطوني سيارتي لا بارك الله فيكم لأني كنت مستأجر سيارة

استلمت السيارة وفحصتها برى كلهم يقولون السيارة ما فيها شيء
قلت يمكن انا موسوس وحاولت اتعايش مع هالمشكلة


ثم طلعلي صوت تنسيم عند البيبان
ورجعتها للوكالة وغيروا الجلد حقت البيبان وخف الصوت

ثم طلعلي مشكلة بالنوراما ما تقفل بسرعة جداً بطيئة
ورحت للوكالة وغيروها على الضمان طبعاً

وبعدين طلعت مشكلة جديدة المكيف صار حار ما يبرد
طلع واحد من ليات المكيف انفلت وسرب الفريون فكبست اللي وعبيت فريون
طبعاً مشكلة ليات المكيف واجهتها تقريباً فوق 4 مرات ينفلت اللي واقوم اكبسه واعبي فريون
ألين جاء اليوم ألي جيم فيه الكمبرسر بسبب كثرة تنسيم الليات واضطريت اني ارهم كمبرسر حق سوناتا ب 1400 ريال لأن كان سعره الكمبرسر بالوكالة حوالي 3000 ريال هذا غير شغل اليد

وثم طلعتلي مشكلة
أزرار المسجل ألي بالطارة ما تشتغل
يبيلي تغيير شريحة الدركسون

وبعدين طلعتلي مشكلة ثانية السيارة صارت دفع امامي بس
الدبل خرب فضطريت اني اشتري كارونة كاملة من الشتليح ب 1700 ريال ومع التركيب 300 ريال

وبعدين طلعتلي مشكلة
السيارة تحذف يمين اسوي ترصيص وزن اذرعة وزن دركسون وبعدها باسبوعين تحذف السيارة يمين

وبعدين طلعتلي مشكلة
كان يطلعلي صوت اذا اكلت المطب يطلع صوت طقطقة عند الكفرات
اكل ما امر الصناعية ويركب معي واحد من حقين الورش علشان اسمعه الصوت تخيلوا الصوت ما يطلع واوديها فوق الحفرة يفحصونها ويقول كل شيء سليم
ألين اكتشفت ان جلد عمود التوازن منتهية وصلحتها



فنصيحة ما ابيك تتبهدل وتتعب ويصير لك زي ما صارلي
وصدقني لو يتصلون علي الوعلان الحين ويوقولون مبروك فزت معنا بسيارة سنتافي
صدقني بقفل السماعة في وجيههم
السيارة كلها عيوب والمشكلة بعض العيوب ما لها حل او حلها مكلف

فنصيحة محب اذا انت مقبل على شراء هذي السيارة الغبية فأنصحك انك تتراجع عن امر الشراء
ورح اشتر راف فور او مازدا cx9 اهم شيء ابعد عن السنتافي

[/CENTER]
NAiF007 غير متواجد حالياً   رد مع اقتباس
قديم 06-07-2017, 11:49 AM   #2
ضيف
 
تاريخ التسجيل: Mar 2013
المشاركات: 4
معدل تقييم المستوى: 0
huzifa is on a distinguished road
Cool الله المستعان والله يعوضك خير

السلام عليكم ورحمة الله وبركاته
اخي الكريم
ببساطة انت مقرود في هالسيارة
من فضل الله معي سانتافي 2013 من الوكالة ووالله من سحبته ما طلعلي الا مشكلة المرايات في الجنب وغيرتها في الوكالة على الضمان . ولي في المكيف غيروه وانتهت المشكلة
السيارة ما عليها كلام معي من 4 سنوات ونصف
بس قوة المشاكل اللي في سيارتك تدل على انهم ناوين عليك ( هههه الله يعوضك خير )
وبرئيي بع السيارة وخلص عمرك
وازيدك من الشعر بيت قبل شهرين طلعتلي حفرة على كبري الدائري وانت راجع من ديراب
اقسم بالله يوم خذيتها واسمع الصوت داخل الموتر انعدم علي جنطين وكفرين واني يوم نزلت اشوف الوضع افتح الكبوت ابي اتاكد بس اذا المساعدات موجودة والا لا
والحمد لله مع قوة الضربة
بس احتجت جنطين جدد وكفرين

تحياتي اخي العزيز
huzifa غير متواجد حالياً   رد مع اقتباس
قديم 09-07-2017, 10:29 AM   #3
عضو مشارك
 
تاريخ التسجيل: Nov 2012
المشاركات: 491
معدل تقييم المستوى: 14
مروان الدوسري is on a distinguished road
افتراضي

على المشاكل الى عندك أنا توقع تطلع مشكلة بسيطة مثل واحد من اقربائي كان عنده تاهو 2009 وكانت فيه مشاكل كهربائية والوكالة يقولون سوء استخدام وعاف السيارة وباعها واخرتها الى اشترى منه السيارة اتصل عليه بعد شهر قاله السيارة سافرت فيها لبنان وطلعت الجنوب ما فيها شئ تبي ارجعها لك يقول اشتريتها منك ورحت عند كهربائي فلبيني طلعت مشكلة بسيطه تحت السيارة فيش مرتخي
مروان الدوسري غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
هل تريد ان تبيع او تشتري اى شيء mruowma قسم استفسارات الورشة والحوادث المرورية 0 09-08-2013 02:14 PM
قبل أن تشتري سوناتا بدون أنظمة سلامة Disappointed-In-Hyundai قسم سيارات السيدان المتوسطة (هيونداي) 41 13-08-2011 06:04 PM


الساعة الآن 09:32 AM.


Powered by vBulletin ® Copyright © 2000 - 2019
جميع الحقوق محفوظة لـ منتدى السيارات الكورية